Govinda: ବଲିଉଡ୍ ତାରକାଙ୍କୁ ଭଲ ପାଉଥିବା ଲୋକେ କେବଳ ଭାରତରେ ନାହାଁନ୍ତି । ବରଂ ଭାରତ ବାହାରେ ମଧ୍ୟ ଅଛନ୍ତି। ଏହାର ପ୍ରମାଣ ମଧ୍ୟ ଅନେକ ସମୟରେ ଆପଣ ଦେଖିଛନ୍ତି । ଖାସ୍ କରି ବଲିଉଡ୍ ତାରକାଙ୍କୁ ଅଧିକ ଭଲ ପାଉଥିବା ଲୋକେ ପାକିସ୍ତାନରେ ମଧ୍ୟ ଅଛନ୍ତି । ଯାହାର ଏକ ଉଦାହରଣ ଦେଖିବାକୁ ମିଳିଥିଲା 'ମିଡିଲ ଇଷ୍ଟ  ଆଚିଭର୍ସ ଆଓ୍ବାର୍ଡ ସେରିମନି'(Middle East Achievers Award Ceremony)ରେ ।  ଏହି କାର୍ଯ୍ୟକ୍ରମରେ ବଲିଉଡ ସୁପରଷ୍ଟାର ଗୋବିନ୍ଦା ମଧ୍ୟ ଉପସ୍ଥିତ ଥିଲେ।  ପାକିସ୍ତାନ ଅଭିନେତା ଫାହାଦ୍ ମୁସ୍ତଫା ତଥା ଗୋବିନ୍ଦାଙ୍କ ବଡ ପ୍ରଶଂସକ ତାଙ୍କୁ ଏହି ଇଭେଣ୍ଟରେ ଭେଟିଥିଲେ। ସେଠାରେ ଫାହାଦ୍ ଗୋବିନ୍ଦାଙ୍କୁ ଦେଖି ତାଙ୍କ ପାଦ ଛୁଇଁ ଥିଲେ। ଫାହାଦଙ୍କ ଗୋବିନ୍ଦାଙ୍କ ପ୍ରତି ଏପରି ସମ୍ମାନ ଦେଖି କିଛି ପାକ୍ ର କିଛି କଟ୍ଟରପନ୍ଥୀ ଏହାକୁ ବିରୋଧ କରିଛନ୍ତି । 


COMMERCIAL BREAK
SCROLL TO CONTINUE READING

ନିକଟରେ ଫିଲ୍ମଫେୟାର ମିଡିଲ୍ ଇଷ୍ଟ ଆଚିଭର୍ସ ପୁରସ୍କାରରେ ବଲିଉଡ ତାରକାମାନେ ପଡୋଶୀ ଦେଶ ପାକିସ୍ତାନର କଳାକାରମାନଙ୍କୁ ଭେଟିଥିଲେ। ଏହି ପୁରସ୍କାର ବିତରଣ ଉତ୍ସବରେ ପାକିସ୍ତାନୀ ଅଭିନେତା ଫାହାଦ୍ ମୁସ୍ତାଫା ଗୋବିନ୍ଦାଙ୍କ ପ୍ରତି ତାଙ୍କର ଭଲପାଇବା ଏବଂ ସମ୍ମାନ ପ୍ରଦର୍ଶନ କରୁଥିବା ମଞ୍ଚ ଉପରେ ନଜର ଆସିଥିଲେ। ତେବେ, ପାକିସ୍ତାନୀ ଅଭିନେତାଙ୍କ ଏହି ଭିଡିଓ ବର୍ତ୍ତମାନ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଲା। ଏହି ଭିଡିଓରେ ଫାହାଦ ଗୋବିନ୍ଦାଙ୍କ ପାଦ ଛୁଇଁଥିବାର ଦେଖିବାକୁ ମିଳିବ । ଗୋବିନ୍ଦା ମଧ୍ୟ ସ୍ନେହରେ ଫାହାଦଙ୍କୁ ଆଲିଙ୍ଗନ କରି ଆଶୀର୍ବାଦ ଦେଇଥିଲେ, ଯାହା ଦେଖି ପାକିସ୍ତାନର କିଛି ଲୋକ ରାଗି ଯାଇଛନ୍ତି। ପ୍ରକୃତରେ, ପାକ୍ ର କିଛି କଟ୍ଟରପନ୍ଥୀ ଫହାଦ୍ ଗୋବିନ୍ଦାଙ୍କ ପାଦ ଛୁଇଁବାକୁ ନାପସନ୍ଦ କରିଥିବା ବେଳେ ସେମାନେ ଅଭିନେତାଙ୍କୁ ବହୁତ ଗାଳି ମଧ୍ୟ ଦେଇଛନ୍ତି ।


ଏହାବି ପଢନ୍ତୁ : Bollywood: ବଲିଉଡରେ ଏଣ୍ଟ୍ରି ମାରିବେ ଅଲିଜେ, ଜାଣନ୍ତୁ ସେ କିଏ, ସଲମାନଙ୍କ ସହ ରହିଛି ତାଙ୍କର କି ସମ୍ପର୍କ ?


ଏହି ଭିଡିଓ ଭାଇରାଲ୍ ହେବା ପରେ ଫାହାଦକୁ କ୍ରମାଗତ ଭାବରେ ଟ୍ରୋଲ କରାଯାଉଛି । ପାକ୍  କଟ୍ଟରପନ୍ଥୀଙ୍କ କହିବା କଥା ହଉଛି ଯେ, 'ପାଦ ଛୁଇଁବା ଇସଲାମ ବିରୋଧୀ ,କାହା ଆଗରେ ନତମସ୍ତକ ହେବା ଏବଂ ସେମାନଙ୍କ ପାଦ ଛୁଇଁବା ଇସଲାମ ବିରୋଧୀ ଅଟେ।' ଫାହାଦଙ୍କ ଭିଡିଓରେ ତାଙ୍କୁ କିଛି ପାକ୍ ୟୁଜର୍ସ ମଧ୍ୟ କଡା ମନ୍ତବ୍ୟ ଦେଇଛନ୍ତି । ଜଣେ ୟୁଜର୍ସ ଲେଖିଛନ୍ତି ଯେ, ' 'ତୁମର ଧର୍ମ ଛାଡି ସେମାନଙ୍କର ଧର୍ମ ଗ୍ରହଣ କର। ଆପଣ ମୁସଲମାନ ବୋଲି କହିବାରେ ମଧ୍ୟ ସକ୍ଷମ ନୁହଁନ୍ତି। ' ଅନ୍ୟ ଜଣେ ୟୁଜର୍ସ ଲେଖିଛନ୍ତି, 'ଫାହାଦ୍ ମୁସ୍ତାଫା ମଧ୍ୟ ଭୁଲି ଯାଇଛନ୍ତି ଯେ, ଆମେ ମୁସଲମାନ ଏବଂ ଏହା ଆମେ କରିପାରିବୁ ନାହିଁ।' କେବଳ ଏତିକି ନୁହେଁ, ଆଉ ଜଣେ ୟୁଜର୍ସ ମଧ୍ୟ ତାଙ୍କୁ ଏହି ଭିଡିଓରେ କମେଣ୍ଟ କରି ପଚାରିଛନ୍ତି 'ତୁମେ କଣ ସତରେ ଜଣେ ମୁସଲମାନ?'


ଗୋବିନ୍ଦାଙ୍କୁ ପ୍ରେରଣା ବୋଲି ମାନନ୍ତି ଫାହାଦ୍ :
ଫାହାଦ୍ ପାକିସ୍ତାନୀ ସିନେମା ଇଣ୍ଡଷ୍ଟ୍ରିର ଜଣେ ବଡ ଅଭିନେତା, ଯିଏ ଗୋବିନ୍ଦାଙ୍କ ଜଣେ ବଡ ପ୍ରଶଂସକ । ସେଥିପାଇଁ ସେ ମଞ୍ଚରେ ଗୋବିନ୍ଦାଙ୍କ ପାଦ ଛୁଇଁଥିଲେ। ଫାହାଦ୍ ପାକିସ୍ତାନର ଅନେକ ଟିଭି ଶୋ' ଏବଂ ଚଳଚ୍ଚିତ୍ରରେ କାମ କରିଛନ୍ତି। ତେବେ, ଏଠାରେ ଆମେ ଆପଣଙ୍କୁ କହି ରଖିବୁ ଯେ, ବର୍ତ୍ତମାନ ଫାହାଦ ମୁସ୍ତାଫା 'ବ୍ୟାଣ୍ଡ ତୋ ଅବ ବାଜେଗା'ରେ କାମ କରୁଛନ୍ତି।