ଶାହରୁଖ-ହିରାନୀ ଏକାଠି

ନୂଆଦିଲ୍ଲୀ: ଏଥର  ଏକାଠି  କାମ କରିବେ  ବଲିଉଡର ରୋମାନ୍ସ କିଙ୍ଗ ଶାହାରୁଖ ଖାନ୍  ଆଉ ବଲିଉଡର ଫେମସ ଡିରେକ୍ଟର   ରାଜକୁମାର ହିରାନୀ ।   ରାଜକୁମାର ହିରାନୀଙ୍କ ନିର୍ଦ୍ଦେଶନାରେ ଫିଲ୍ମ କରିବାକୁ ଯାଉଛନ୍ତି ଶାହରୁଖ ।   ପ୍ରଥମ ଥର ପାଇଁ ନିର୍ଦ୍ଦେଶକ ରାଜକୁମାର ହିରାନୀ ଏବଂ ଅଭିନେତା ଶାହରୁଖ କାମ ଦେଖିବାକୁ ପାଇବେ ଦର୍ଶକ ।ଏପରିକି ଫିଲ୍ମର ଟାଇଟଲ  ମଧ୍ୟ ଘୋଷଣା କରାଯାଇଛି ।ଏଥିସହିତ ଫିଲ୍ମ ରିଲିଜ ତାରିଖ ମଧ୍ୟ ସାମ୍ନାକୁ ଆସିଛି । ଏହି ଫିଲ୍ନର ନା ଡଙ୍କି (Dunki) ରଖା ଯାଇଛି ଏବଂ ଏହି ଫିଲ୍ମ  ଆସନ୍ତାବର୍ଷ ଡିସେମ୍ବର ୨୨ ତାରିଖରେ ରିଲିଜ୍ ହେବ।ଏହି ପ୍ରୋଜେକ୍ଟ ବିଷୟରେ ଉଭୟ ଶାହାରୁଖ ଖାନ (Shahrukh Khan) ଓ ରାଜକୁମାର ହିରାନୀ (Rajkumar Hirani) ଏକ ଭିଡିଓ ଜରିଆରେ  ଘୋଷଣା କରିଛନ୍ତି। ବେଶ ନିଆରା ଅନ୍ଦାଜରେ ଏହି ଆନାଉନ୍ସମେଣ୍ଟ ଭିଡିଓ ପ୍ରସ୍ତୁତ କରାଯାଇଛି ।

ଏହି ଭିଡିଓ ଆରମ୍ଭରେ ପ୍ରଥମେ ଶାହରୁଖ (Shahrukh Khan )ଙ୍କୁ ଦେଖିବାକୁ ମିଳିଛି ।ଶାହରୁଖ ରାଜକୁମାର ହିରାନୀଙ୍କ  ନିର୍ଦ୍ଧେଶିତ କିଛି ଫିଲ୍ମର ପୋଷ୍ଟର ସାମ୍ନାରେ  ଛିଡ଼ା ହୋଇଛନ୍ତି।  ଲାଗିଥିବା ପୋଷ୍ଟରେ ରହିଛି   ଆମୀର ଖାନ୍ (Aamir Khan) ଙ୍କ ଅଭିନୀତ  ଫିଲ୍ମ 'ପିକେ' (P K)ଓ 'ଥ୍ରୀ ଇଡିୟଟସ୍'  (3 Idiots) , ସଞ୍ଜୟ ଦତ୍ତ (Sanjay Dutt)ଙ୍କ ଅଭିନୀତ  ଫିଲ୍ମ  'ମୁନ୍ନା ଭାଇ ଏମ୍ ବିବିଏସ୍ ' (Munna Bhai MBBS )ଏବଂ ରଣବୀର (Ranbir Kapoor)ଙ୍କ ଅଭିନୀତ ଫିଲ୍ମ   'ସଞ୍ଜୁ' (Sanju)। ଲାଗିଥିବା  ଫିଲ୍ମ ପୋଷ୍ଟରକୁ ଚାହିଁ  ଶାହରୁଖ ଫିଲ୍ମର ପ୍ରଶଂସା କରିଛନ୍ତି । ପରେ ଏହି ଭିଡିଓରେ ନିର୍ଦ୍ଦେଶକ ରାଜକୁମାର ହିରାନୀ (Rajkumar Hirani) ଙ୍କ ଏଣ୍ଟ୍ରି ହୋଇଛି ।

ଉଭୟଙ୍କ କଥାବାର୍ତ୍ତା ପରେ ଶାହରୁଖ ରାଜକୁମାରଙ୍କୁ ତାଙ୍କ ପାଇଁ କିଛି ଫିଲ୍ମ ଅଛି କି ନାହିଁ ବୋଲି ପଚାରିଛନ୍ତି । ଏହାର ଉତ୍ତରରେ ରାଜକୁମାର ହିରାନୀ  ତାଙ୍କ ପାଖରେ ଗୋଟିଏ କାହାଣୀ ଥିବା ନେଇ କହିଛନ୍ତି  । ଅନେକ ଚର୍ଚ୍ଚା ଆଲୋଚନା ପରେ ଏହି ଫିଲ୍ମର  ଟାଇଟଲ  ଜଣାଇଛନ୍ତି ନିର୍ଦ୍ଦେଶକ । ହେଲେ ଶାହରୁଖ ଫିଲ୍ମର ଟାଇଟଲ  ଶୁଣି ଆଶ୍ଚର୍ଯ୍ୟ ହୋଇଯାଇଛନ୍ତି । ଏହି ଫିଲ୍ମଟି ରାଜକୁମାରଙ୍କ ଅନ୍ୟ ସୁପରହିଟ୍ ଫିଲ୍ମ ଭଳି ସୁପରହିଟ୍ ହେବ ବୋଲି ଦର୍ଶକ ଅନୁମାନ କରୁଛନ୍ତି ।ଶାହରୁଖ ହାତରେ ଏବେ ଅନେକ ଫିଲ୍ମର ଅଫର ଅଛି । ଶାହୁଖଙ୍କ ଅଭିନୀତ ଫିଲ୍ମ ପଠାନ୍ ମଧ୍ୟ ରିଲିଜ ଅପେକ୍ଷାରେ ରହିଛି । ଏହି ଫିଲ୍ମ ଆସନ୍ତା ବର୍ଷ ଜାନୁଆରୀ ୨୫ରେ ରିଲିଜ ହେବ ବୋଲି ଜଣାପଡ଼ିଛି । ଏହି ଫିଲ୍ମରେ ଅଭିନେତ୍ରୀ ଦୀପିକା ପାଦୁକୋନ (Deepika Padukone ) ଏବଂ ଅଭିନେତା ଜନ୍ ଅବ୍ରାହମ୍ (John Abraham)ମଧ୍ୟ ନଜର ଆସିବେ ।