ମାଆ ହେଲେ କାଜଲ

କାଜଲ ଅଗ୍ରୱାଲଙ୍କ ଘରକୁ ଆସିଲେ କୁନି ଅତିଥି... ପୁତ୍ର ସନ୍ତାନର ମାଆ ବନିଲେ ସିଂଘମ ଫେମ୍ ଅଭିନେତ୍ରୀ

ନୂଆଦିଲ୍ଲୀ: ସାଉଥ ଏବଂ ବଲିଉଡ ଆକ୍ଟ୍ରେସ କାଜଲ ଅଗ୍ରୱାଲଙ୍କ ଘରକୁ ଆସିଛନ୍ତି କୁନି ଅତିଥି । ଅଭିନେତ୍ରୀ ପୁତ୍ର ସନ୍ତାନଙ୍କୁ ଜନ୍ମ ଦେଇଛନ୍ତି । ଭାରତୀ ସିଂହ ଏବଂ ହର୍ଷ ଲିମ୍ବାଚିଆଙ୍କ ପରେ କାଜଲ ଆଉ ଗୌତମ ପୁତ୍ର ସନ୍ତାନର ବାପା ମାଆ ବନିଛନ୍ତି ।କାଜଲ ଅଗ୍ରୱାଲ (Kajal Agrawal) ନିଜର ପ୍ରେଗନେନ୍ସି ନେଇ ସୋସିଆଲ ମିଡିଆ ଜରିଆରେ ଫ୍ୟାନ୍ସଙ୍କୁ ଜଣାଇଥିଲେ । ପ୍ରେଗନେନ୍ସି ପିରିୟଡ ସିଂଘମ ଫେମ ଅଭିନେତ୍ରୀ ବହୁତ ଏଞ୍ଜୟ କରିଥିଲେ । ସେ ନିଜ ଫଟୋ ସୁଟ୍ ଏବଂ ଭିଡିଓ ଲଗାତାର ସୋସିଆଲ ମିଡିଆ ହ୍ୟାଣ୍ଡେଲରେ ସେୟାର କରିଥିଲେ ।ନିଜକୁ ଫିଟ୍ ରଖିବା ପାଇଁ ସେ ଯାହା କିଛି କରୁଥିଲେ ସବୁ ଅପଡେଟ୍ ସୋସିଆଲ ମିଡିଆରେ ସେୟାର କରିଥିଲେ । 

ଏବେ ପୁତ୍ର ସନ୍ତାନର ମାଆ ବନିଛନ୍ତି ଏହି ଅଭିନେତ୍ରୀ । ଏହି ଖବର ଜଣାପଡ଼ିବା ପରେ କାଜଲଙ୍କ ଅଗଣିତ ଫ୍ୟାନ୍ସ ତାଙ୍କୁ ଏବ ତାଙ୍କ ହଜବ୍ୟାଣ୍ଡ ଗୌତମଙ୍କୁ ସୋସିଆଲ ମିଡିଆରେ ଢେରାସାର ଶୁଭେଚ୍ଛା ଜଣାଇବାରେ ଲାଗିପଡ଼ିଛନ୍ତି ।ଚଳିତ ବର୍ଷ ଫେବୃଆରୀ ମାସରେ କାଜଲଙ୍କର ଗୋଦ୍ ଭରାଇ ରସମ୍ ହୋଇଥିଲା । ସେଲିବ୍ରେସନର ଫଟୋ ମଧ୍ୟ କାଜଲ ଅଗ୍ରୱାଲ ସୋସିଆଲ ମିଡିଆରେ ସେୟାର କରିଥିଲେ ।

ଗୌତମ କିଚଲୁ (Gautam Kitchlu )ଏବଂ କାଜଲ ଅଗ୍ରୱାଲ (Kajal Aggrawal) ୨୦୨୦ ମସିହା ଅକ୍ଟୋବର ୩୦ ତାରିଖରେ ବିବାହ ବନ୍ଧନରେ ବାନ୍ଧି ହୋଇଥିଲେ । ସେ କେବଳ ନିଜର କିଛି ଖାସ୍ ବନ୍ଧୁ ଏବଂ ପରିବାର ଲୋକଙ୍କ ଉପସ୍ଥିତିରେ ଗୌତମଙ୍କୁ ବିବାହ କରିଥିଲେ ।ଗୌତମ ଆଉ କାଜଲଙ୍କ ପରସ୍ପରଙ୍କୁ ଜଣେ ବନ୍ଧୁଙ୍କ ମାଧ୍ୟମରେ ଭେଟିଥିଲେ ।ତା'ପରେ ଉଭୟଙ୍କ ମଧ୍ୟରେ ବନ୍ଧୁତା ହୋଇଥିଲା , ଏବଂ ଚାହୁଁ ଚାହୁଁ ଏହି ବନ୍ଧୁତା ପ୍ରେମରେ ପରିଣତ ହୋଇଥିଲା । ତେବେ ନିଜର ପ୍ରେମ ସମ୍ପର୍କକୁ ୨୦୨୦ ମସିହାରେ ବିବାହର ନାମ ଦେଇଥିଲେ କାଜଲ-ଗୌତମ । ଏବେ ପୁତ୍ର ସନ୍ତାନର ବାପାମାଆ ବନିଥିବାରୁ ଏହି ସେଲିବ୍ରିଟି ଦମ୍ପତ୍ତି ବେଶ ଖୁସି ଅଛନ୍ତି ।କାଜଲ ଅଗ୍ରୱାଲଙ୍କୁ ଆଚାର୍ଯ୍ୟ ଫିଲ୍ମରେ ଦେଖିବାକୁ ପାଇବେ ଦର୍ଶକ ।

ଏହି ଫିଲ୍ମ ଚଳିତ ବର୍ଷ ଏପ୍ରିଲ ୨୯ରେ ରିଲିଜ ହେବ ବୋଲି ଜଣାପଡ଼ିଛି । ଏହି ଫିଲ୍ମରେ କାଜଲଙ୍କ ସହ   ସୁପରଷ୍ଟାର ରାମ ଚରଣ , ଚିରଞ୍ଜିବୀ , ଅଭିନେତ୍ରୀ ପୂଜା ହେଗଡେ ମଧ୍ୟ ନଜର ଆସିବେ ।ଏହି ଫିଲ୍ମର ପ୍ରଯୋଜନା  ଦାୟିତ୍ୱ  ରାମ ଚରଣ ମଧ୍ୟ ତୁଲାଇଛନ୍ତି ।