Gold Price Down:ଶସ୍ତା ହେଲା ସୁନା,ନିବେଶ କରିବାକୁ ଚାହୁଁଥିଲେ ଆପଣାନ୍ତୁ ଏହ ରଣନୀତି
ସୁନା କିଣିବାକୁ ଯୋଜନା କରୁଥିବା ନିବେଶକମାନଙ୍କ ପାଇଁ ଆସିଛି ଖୁସି ଖବର । ସୁନା ମୂଲ୍ୟ ଏହାର ସର୍ବାଧିକ ସୀମା ଛୁଇଁବା ପରେ ପରେ ତଳକୁ ଖସି ଆସିଛି । ପ୍ରମୁଖ ବୈଦେଶିକ ମୁଦ୍ରା ତୁଳନାରେ ଆମେରିକୀୟ ଡଲାର ମୂଲ୍ୟ ବୃଦ୍ଧି ହେତୁ ମଲ୍ଟି କମୋଡିଟି ଏକ୍ସଚେଞ୍ଜ (MCX) ରେ ନିବେଶକ ନିଜ ନିବେଶ ବିକ୍ରି କରି ଲାଭ ଉଠାଇଥିଲେ ।
Gold Price Down: ସୁନା କିଣିବାକୁ ଯୋଜନା କରୁଥିବା ନିବେଶକମାନଙ୍କ ପାଇଁ ଆସିଛି ଖୁସି ଖବର । ସୁନା ମୂଲ୍ୟ ଏହାର ସର୍ବାଧିକ ସୀମା ଛୁଇଁବା ପରେ ପରେ ତଳକୁ ଖସି ଆସିଛି । ପ୍ରମୁଖ ବୈଦେଶିକ ମୁଦ୍ରା ତୁଳନାରେ ଆମେରିକୀୟ ଡଲାର ମୂଲ୍ୟ ବୃଦ୍ଧି ହେତୁ ମଲ୍ଟି କମୋଡିଟି ଏକ୍ସଚେଞ୍ଜ (MCX) ରେ ନିବେଶକ ନିଜ ନିବେଶ ବିକ୍ରି କରି ଲାଭ ଉଠାଇଥିଲେ । ଫଳରେ ସୁନା ମୂଲ୍ୟରେ ହ୍ରାସ ଆସିଛି । ସୁନା ତା’ର ସର୍ବକାଳୀନ ରେକର୍ଡ ହାଇ 10 ଗ୍ରାମ ସୁନା ପିଛା 66 ହଜାର 356 ଟଙ୍କା ଛୁଇଁବା ପରେ ଦାମ ହ୍ରାସ ପାଇଛି । ଏପ୍ରିଲ୍ 2024 ସମାପ୍ତିରେ MCX ଉପରେ ସୁନା ଫ୍ୟୁଚର ଚୁକ୍ତିନାମା ଗତ ସପ୍ତାହରେ ଶୁକ୍ରବାର ଦିନ 10 ଗ୍ରାମ ପ୍ରତି 65,545 ଟଙ୍କା ଥିଲା ,ଯାହା ନୂତନ ରେକର୍ଡ୍ ହାଇରୁ 800ଟଙ୍କାରୁ ଅଧିକ ହ୍ରାସ ପାଇଛି।
ଏହି ରଣନୀତି ସହିତ କିଣନ୍ତୁ ସୁନା
ଖଣିଜ ବଜାର ବିଶେଷଜ୍ଞଙ୍କ ଅନୁଯାୟୀ, ସୁନାମୂଲ୍ୟରେ ଏହି ହ୍ରାସ କେବଳ ପ୍ରଫିଟ୍ –ବୁକିଂ ପାଇଁ ହୋଇଛି । ଯାହା ଆମେରିକୀୟ ଡଲାର ମୂଲ୍ୟରେ ବୃଦ୍ଧି ପରେ ଆରମ୍ଭ ହୋଇଥିଲା। ସେ କହିଛନ୍ତି ଯେ ଆମେରିକା ଡଲାରକୁ ସିପିଆଇ ତଥ୍ୟ ଏବଂ ପିପିଆଇ ହାରରୁ ଅଧିକ ସମର୍ଥନ ମିଳିଥିଲା । ଏହି କାରଣରୁ ଏପରି ହୋଇଛି । ସେ କହିଛନ୍ତି ଯେ ଆଜି MCX ରେ ସୁନା ମୂଲ୍ୟ 64,300 ରୁ 66,000 ଟଙ୍କା ମଧ୍ୟରେ ରହିଛି ଏବଂ ଏହି ରେଞ୍ଜର ଉଭୟ ପାର୍ଶ୍ୱ ଭାଙ୍ଗିବା ଉପରେ ବୁଲିସ୍ (ଦର ବୃଦ୍ଧି) କିମ୍ବା ବିୟରିସ(ଦର ହ୍ରାସ) ହୋଇପାରେ । ତେବେ ସେ ସୁନା ନିବେଶକାରୀଙ୍କୁ ବର୍ତ୍ତମାନ ସ୍ତରରୁ ପ୍ରତି ୨ କିମ୍ବା ୩ ପ୍ରତିଶତ ହ୍ରାସରେ ‘କ୍ରୟ’ କିମ୍ବା ‘ହ୍ରାସ’ ରଣନୀତି ବାଜାୟ ରଖିବାକୁ ପରାମର୍ଶ ଦେଇଛନ୍ତି।
ଆମେରିକା ସହିତ ସମ୍ପର୍କ
ସୁନା ମୂଲ୍ୟ ବୃଦ୍ଧି ଉପରେ ଲାଗିଥିବା ବିରାମ ସମ୍ପର୍କରେ ସୂଚନା ଦେଇ ଏସଏସ ୱେଲଥଷ୍ଟ୍ରିଟର ପ୍ରତିଷ୍ଠାତା ସୁଗନ୍ଧା ସଚ୍ଚଦେବ କହିଛନ୍ତି ଯେ ଫେବ୍ରୁଆରୀ ମାସ ପାଇଁ ଆମେରିକାର ସିପିଆଇ ଏବଂ ପିପିଆଇ ହାର ଆଶା ଅପେକ୍ଷା ଅଧିକ ରହିଥିବା କାରଣରୁ ଆମେରିକୀୟ ଡଲାର ସୂଚକାଙ୍କ ଏକ ସପ୍ତାହର ସର୍ବୋଚ୍ଚ ସ୍ତରରେ ପହଂଚି ପାରିଛି । ଯାହାଦ୍ୱାରା ହାରରେ ହ୍ରାସ ଆଶା କମ ହୋଇଛି । ଉପଭୋକ୍ତା ମୂଲ୍ୟ ସୂଚକାଙ୍କ (ସିପିଆଇ) ଟିକିଏ କମ ହେବା ସତ୍ୱେ ଅନୁମାନ କରାଯାଇଥିବା ୩.୧ ପ୍ରତିଶତ ବୃଦ୍ଧି ତୁଳନାରେ ବର୍ଷ ପରେ ବର୍ଷ ବୃଦ୍ଧିହାର 3.2% ରେ ରହିଛି ।