ଗରମ ଦିନରେ ଲେମ୍ବୁ ରସ ପିଇବାରୁ ମିଳିଥାଏ ଏହି ସବୁ ଲାଭ

ଗ୍ରୀଷ୍ମ ଋତୁରେ ଶୀତଳତାର ଅନୁଭବ କରାଇଥାଏ ଲେମ୍ବୁ (Lemon) । ଏହି ଲେମ୍ବୁ ଅନେକ ସମସ୍ୟାର ରାମବାଣ ଉପଶମ ଅଟେ । ପେଟ ଯନ୍ତ୍ରଣା, ହଜମ, ଅମ୍ଳତା, ପେଟ ଫୁଲିବା ଓ ମୋଟାପଣ ଭଳି ସମସ୍ତ ସମସ୍ୟା ପାଇଁ ଲେମ୍ବୁର ସେବନ ଅତ୍ୟନ୍ତ ଲାଭଦାୟକ ବୋଲି ବିବେଚନା କରାଯାଏ । କେବଳ ଏତିକି ନୁହେଁ, ପେଟ ଜନିତ ସମସ୍ୟା ସହିତ ରକ୍ତଚାପକୁ ନିୟନ୍ତ୍ରଣ କରିବାରେ ମଧ୍ୟ ଏହା ବହୁତ ସହାୟକ ହୋଇଥାଏ ।

ଅଧିକ ପଢ଼ନ୍ତୁ:-ଟ୍ରେନରେ ଯାତ୍ରା କରୁଥିବା ଲୋକଙ୍କ ପାଇଁ ଜରୁରୀ ଖବର: ରେଲୱେ ବାତିଲ କଲା ଆହୁରି ଅନେକ ଟ୍ରେନ, ଦେଖନ୍ତୁ ପୁରା ଲିଷ୍ଟ୍

ଲେମ୍ବୁ ରସ (Lemon juice) ପିଇବାର ଲାଭ:

ଲୌହ, ମ୍ୟାଗ୍ନେସିୟମ୍, ଫସଫରସ୍, କ୍ୟାଲସିୟମ୍, ପୋଟାସିୟମ୍, ଏବଂ ଜିଙ୍କ ପରି ମିନେରାଲ୍ ସମୃଦ୍ଧ ଲେମ୍ବୁ ଆମ ଶରୀରର pH ସ୍ତରକୁ ସନ୍ତୁଳିତ କରେ । ହଜମ ପ୍ରକ୍ରିୟାରେ ଉନ୍ନତି ଆଣିବା ସହିତ ଏହା ଶରୀରର ରୋଗ ପ୍ରତିରୋଧକ ଶକ୍ତି ବିକାଶରେ ସହାୟକ ହୋଇଥାଏ ।

ଲେମ୍ବୁ (Lemon) ରେ ବିଭିନ୍ନ ପ୍ରକାରର ଉପକାରୀ ଭିଟାମିନ୍ ଥାଏ । ଯେପରିକି ଥିଏମାଇନ୍, ନିୟାସିନ୍, ରାଇବୋଫ୍ଲାଭିନ, ଭିଟାମିନ୍ ବି-6, ଭିଟାମିନ୍-ଇ, ଫୋଲେଟ୍ ସାମିଲ ଥାଏ । ଏହି ସମସ୍ତ ଭିଟାମିନ୍ କୋଷ୍ଠକାଠିନ୍ୟ, କିଡନୀ ଏବଂ ଗଳା ସମସ୍ୟାରେ ଉପକାରୀ ହୋଇଥାଏ ।

ଅଧିକ ପଢ଼ନ୍ତୁ:-LIC ର ଏହି ପଲିସିରୁ ବଢ଼ିପାରେ ଆପଣଙ୍କ ମାସିକ ଆୟ: ପ୍ରତି ମାସରେ ପାଆନ୍ତୁ ୯ ହଜାର ଟଙ୍କା, ନିବେଶ ପାଇଁ କରିବାକୁ ହେବ ଏହି କାମ

ଏସବୁ ବ୍ୟତୀତ ଶୁଗାର ସମସ୍ୟା ମଧ୍ୟ ଏହାର ବ୍ୟବହାର ଦ୍ୱାରା ବହୁ ପରିମାଣରେ ମୁକ୍ତି ପାଇପାରିବେ । ଯଦି ଆପଣଙ୍କର ଗଳା ଯନ୍ତ୍ରଣା ହେଉଛି, ତେବେ ଉଷୁମ ପାଣିରେ ଲେମ୍ବୁ ରସ ମିଶ୍ରଣ କରି ପିଇବା ଦ୍ୱାରା ଆରାମ ମିଳିଥାଏ ।