ଶାଗ ଭିତରେ ରାଜା ଏହି ଶାଗ, ପାଳଙ୍ଗ ଓ ସୋରିଷ ଠାରୁ ବି ହଜାରେ ଗୁଣ ଅଧିକ ଶକ୍ତିଶାଳୀ

Health Care: ପ୍ରୋଟିନ୍, ଫାଇବର, ଆଇରନ୍, କ୍ୟାଲସିୟମ୍ ଏବଂ ଅନେକ ପ୍ରକାରର ଭିଟାମିନ୍ ଚଣା ଶାଗରେ ପ୍ରଚୁର ପରିମାଣରେ ମିଳିଥାଏ । ଏହା ସହିତ ଅନେକ ପ୍ରକାରର ମାଇକ୍ରୋନ୍ୟୁଟ୍ରିଏଣ୍ଟସ୍ ଏବଂ ଆଣ୍ଟିଅକ୍ସିଡାଣ୍ଟ ଚଣା ଶାଗରେ ମିଳିଥାଏ, ଯାହା ଶରୀରକୁ ସମସ୍ତ ପ୍ରକାରର ରୋଗରୁ ରକ୍ଷା କରିଥାଏ ।

Health Care: ଯଦି ଆପଣଙ୍କୁ ପଚରାଯାଏ କି ସବୁଠାରୁ ଶକ୍ତିଶାଳୀ ଶାଗ କେଉଁଟି, ଅଧିକାଂଶ ଲୋକ ଏହାର ଉତ୍ତର ହୁଏ ଦେଇପାରିବେ ନାହିଁ। ସ୍ୱାଦ ଅନୁଯାୟୀ, କିଛି ଲୋକ ପାଳଙ୍ଗ ଶାଗ ଏବଂ କିଛି ସୋରିଷ ଶାଗକୁ ପସନ୍ଦ କରନ୍ତି । କିନ୍ତୁ ବୈଜ୍ଞାନିକ ଦୃଷ୍ଟିକୋଣରୁ ଏହା ଅନୁସନ୍ଧାନରେ ପ୍ରମାଣିତ ହୋଇଛି ଯେ ଚଣା ଶାଗ (Green gram leaves) ସବୁଠାରୁ ଭଲ। ଚଣା ଶାଗରେ ପୋଷଣର ଭଣ୍ଡାର ଲୁଚି ରହିଛି । ପ୍ରୋଟିନ୍, ଫାଇବର, ଆଇରନ୍, କ୍ୟାଲସିୟମ୍ ଏବଂ ଅନେକ ପ୍ରକାରର ଭିଟାମିନ୍ ଚଣା ଶାଗରେ ପ୍ରଚୁର ପରିମାଣରେ ମିଳିଥାଏ । ଏହା ସହିତ ଅନେକ ପ୍ରକାରର ମାଇକ୍ରୋନ୍ୟୁଟ୍ରିଏଣ୍ଟସ୍ ଏବଂ ଆଣ୍ଟିଅକ୍ସିଡାଣ୍ଟ ଚଣା ଶାଗରେ ମିଳିଥାଏ, ଯାହା ଶରୀରକୁ ସମସ୍ତ ପ୍ରକାରର ରୋଗରୁ ରକ୍ଷା କରିଥାଏ । ଚଣା ଶାଗ ତିନୋଟି ପ୍ରମୁଖ ରୋଗ, ମଧୁମେହ, ହୃଦ ରୋଗ ଏବଂ ମେଦବହୁଳତାକୁ ମଧ୍ୟ ନିକଟତର ହେବାକୁ ଦିଏ ନାହିଁ । ଯଦି ଆପଣ ମିଲେଟ ରୁଟି ସହିତ ଚଣା ଶାଗ ଖାଉଛନ୍ତି ତେବେ ଏହା ଶରୀର ପାଈଁ ବହୁତ ଲାଭକାରୀ । ମିଲେଟ ଏପରି ଏକ ସୁପରଫୁଡ୍ ଯାହା ସମସ୍ତ ପ୍ରକାରର କ୍ରନିକ୍ ରୋଗରୁ ରକ୍ଷା କରିଥାଏ । ଚଣା ଶାଗର ଉପକାର କ’ଣ ଜାଣିବା  ।

ଏହା କାହିଁକି ଶକ୍ତିଶାଳୀ?
ସବୁ ଶାଗ ମଧ୍ୟରେ ଚଣା ଶାଗ ସବୁଠୁ ଶକ୍ତିଶାଳୀ । ଏହି ବିଷୟରେ ଗବେଷଣା ମଧ୍ୟ କରାଯାଇଛି । ଇକୋନୋମିକ୍ ଟାଇମ୍ସରେ ପ୍ରକାଶିତ ଏକ ରିପୋର୍ଟ ଅନୁଯାୟୀ, ଚଣା ଶାଗ ସମ୍ବନ୍ଧୀୟ ଏହି ଗବେଷଣା ଜର୍ଣ୍ଣାଲ୍ ଅଫ ଦ ସାଇନ୍ସ ଅଫ ଫୁଡ୍ ଆଣ୍ଡ ଏଗ୍ରିକଲ୍ଚର (ଯୁକ୍ତରାଷ୍ଟ୍ର ଏବଂ ବ୍ରିଟେନ) ରେ ପ୍ରକାଶିତ ହୋଇଛି। ଏହି ଅନୁସନ୍ଧାନ ଅନୁଯାୟୀ, ପୁଷ୍ଟିକର ଖାଦ୍ୟ ଦୃଷ୍ଟିରୁ ଚଣା ଶାଗ, ସୋରିଷ ଏବଂ ମେଥି ଶାଗ ଅପେକ୍ଷା ଅନେକ ଗୁଣରେ ଅଧିକ ଶକ୍ତିଶାଳୀ । ଏହା ବ୍ୟତୀତ ଚଣା ଶାଗ ଅନ୍ୟ ଶାଗ ଅପେକ୍ଷା ଅଧିକ ସ୍ୱାଦିଷ୍ଟ । ଅଧ୍ୟୟନରେ ଏହା ମଧ୍ୟ କୁହାଯାଇଛି ଯେ, ଚଣାରେ ଅନେକ ପ୍ରକାରର ପୋଷକ ତତ୍ତ୍ୱ ମିଳିଥାଏ,  ଯଦି ଏହାକୁ ଗରିବ ଏବଂ ପୁଷ୍ଟିହୀନ ଅଞ୍ଚଳରେ ଖାଇବାକୁ ଦିଆଯାଏ,  ତେବେ ପୁଷ୍ଟିହୀନତାର ସମସ୍ୟାର ସମାଧାନ ହୋଇପାରିବ।

ଚଣା ଶାଗର ଉପକାର

ମଧୁମେହକୁ ନିୟନ୍ତ୍ରଣ କରେ - ଇନସୁଲିନ୍ ପ୍ରଡକ୍ସନକୁ ସ୍ବାଭାବିକ ଭାବରେ ବୃଦ୍ଧି କରିବାର ଶକ୍ତି ଚଣା ଶାଗରେ ଅଛି । ତେଣୁ, ମଧୁମେହ ରୋଗୀଙ୍କ ପାଇଁ ଚଣା ଶାଗ ରାମ ବାଣ ସଦୃଶ୍ୟ । ଯେଉଁମାନଙ୍କର ମଧୁମେହ ନାହିଁ, ଯଦି ସେମାନେ ଚଣା ଶାଗ ଖାଆନ୍ତି ତେବେ ମଧୁମେହ ସେମାନଙ୍କୁ ସ୍ପର୍ଶ କରିବ ନାହିଁ ।

ହୃଦ୍‌ରୋଗରୁ ରକ୍ଷା - ଅନେକ ପ୍ରକାରର ସୁସ୍ଥ ଚର୍ବି ଏବଂ ପୋଟାସିୟମ ଚଣା ଶାଗରେ ମିଳିଥାଏ, ଯାହା ହାର୍ଟକୁ ରକ୍ଷା କରିବାରେ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ଭୂମିକା ନିର୍ବାହ କରିପାରେ। ଏହା ହାର୍ଟର ମାଂସପେଶୀକୁ ନମନୀୟ କରି ଶକ୍ତିଶାଳୀ କରିଥାଏ, ଯାହା ହୃଦୟରେ କୌଣସି ଚାପ ବହନ କରିବାର କ୍ଷମତା ବଢ଼ାଇଥାଏ ।

ବିପି ନିୟନ୍ତ୍ରଣରେ ରଖେ - ଚଣା ଖାଇବା ଦ୍ୱାରା ରକ୍ତଚାପ ନିୟନ୍ତ୍ରଣରେ ରହିଥାଏ । ଏହା ରକ୍ତ ପ୍ରବାହକୁ ବଢାଇଥାଏ । ଏହା ରକ୍ତ ନଳୀକୁ ମଧ୍ୟ ମସୃଣ କରିଥାଏ । ଯାହା ଦ୍ବାରା ରକ୍ତ ପ୍ରବାହ ସହଜରେ ଶରୀରର ଅନ୍ୟ ଅଂଶରେ ପହଞ୍ଚେ ।

ହଜମ ପ୍ରକ୍ରିୟାକୁ ମଜବୁତ କରେ - ଚଣା ଶାଗରେ ସର୍ବାଧିକ ଫାଇବର ଥାଏ । ଏହା ଅନ୍ତନଳୀରେ ଥିବା ଭଲ ବ୍ୟାକ୍ଟେରିଆକୁ ବଢ଼ାଇଥାଏ, ଯାହା ଅନ୍ତନଳୀକୁ ଦୃଢ଼ କରିଥାଏ ଏବଂ ପେଟ ସମ୍ବନ୍ଧୀୟ ସମସ୍ୟାକୁ ଭଲ କରିଥାଏ ।

ଚର୍ମ ପାଇଁ ଲାଭଦାୟକ - ଚଣା ଶାଗ ଚର୍ମରୁ ଫ୍ରି ରେଡିକଲ୍ ଅପସାରଣ କରିବାରେ ସାହାଯ୍ୟ କରିଥାଏ ଏବଂ ଅକ୍ସିଡେଟିଭ୍ ଚାପକୁ ହ୍ରାସ କରିଥାଏ । ତେଣୁ, ଚର୍ମର ସୋନ୍ଦର୍ଯ୍ୟ ବଢ଼ାଇବାରେ ଚଣା ଶାଗ ବହୁତ ଲାଭଦାୟକ । ଏଥିରେ ଥିବା ଆଣ୍ଟିଅକ୍ସିଡାଣ୍ଟ, ଭିଟାମିନ୍ ଇ ଏବଂ ଭିଟାମିନ୍ କେ ଚର୍ମର ସୌନ୍ଦର୍ଯ୍ୟ ବୃଦ୍ଧିରେ ସହାୟକ ହୋଇଥାଏ ।

ଆଖି ପାଇଁ ଲାଭଦାୟକ- ଶୀତଦିନେ ପ୍ରଦୂଷଣର ସମସ୍ୟା ବଢ଼ିଥାଏ । ଏହି ପରିପ୍ରେକ୍ଷୀରେ, ଚଣା ଶାଗ ଦୃଷ୍ଟି ଶକ୍ତିରେ ସହାୟକ ହୋଇଥାଏ । ଚଣା ଶାଗରେ ଭିଟାମିନ୍ ଇ ଏବଂ ଭିଟାମିନ୍ କେ ଥାଏ ଯାହା ଆଖିର ମାଂସପେଶୀକୁ ପୋଷଣ ଯୋଗାଇଥାଏ।