Winter Care Tips: ଶୀତଦିନେ ହାତ ଗୋଡକୁ ଥଣ୍ତାରୁ ରକ୍ଷା କରିବା ପାଇଁ ଆପଣାନ୍ତୁ ଏହି ସବୁ ଉପାୟ

Ways to keep hands and feet warm in winter: ଦେଶରେ ଶୀତର ଲହରୀ ଜାରି ରହିଛି । ଶୀତଦିନେ ଆମେମାନେ ସାଧାରଣତଃ ଗରମ ପୋଷାକ ପିନ୍ଧିଥାଉ ।  ଏହି ପୋଷାକ ପିନ୍ଧି ଆପଣଙ୍କ ଶରୀର ଗରମ ହୁଏ କିନ୍ତୁ ଆପଣଙ୍କର ଦୁଇ ହାତ ଏବଂ ପାଦ ଥଣ୍ଡା ରହିଥାଏ । ଏହାର କାରଣ ହେଉଛି ଶରୀରର ଅନ୍ୟ ଅଙ୍ଗ ଗୁଡିକ ଅପେକ୍ଷା ପାଦ ଓ ହାତରେ ଅମ୍ଳଜାନ କମ୍ ପହଞ୍ଚିଥାଏ । ଏବଂ ସେଥିପାଇଁ ଆପାଣଙ୍କୁ ଅଧିକ ଥଣ୍ତା ହାତ ଓ ପାଦରେ ଅନୁଭବ ହୋଇଥାଏ । ଏପରି ପରିସ୍ଥିତିରେ, ଆଜି ଆମେ ଆପଣଙ୍କୁ ଏପରି କିଛି ପଦ୍ଧତି କହିବାକୁ ଯାଉଛୁ, ଯାହା ଦ୍ୱାରା ଆପଣଙ୍କର ଦୁଇ ହାତ ଏବଂ ପାଦ ଶୀଘ୍ର ଗରମ ହେବ ଏବଂ ଆପଣ ଆରାମରେ ଶୋଇ ପାରିବେ।  

ଶୀତଦିନେ ହାତ ଏବଂ ପାଦ ଗରମ ରଖିବାର ଉପାୟ :

ମୋଜା ପିନ୍ଧନ୍ତୁ :

ପ୍ରାୟତଃ ଶୀତ ଋତୁରେ ଲୋକମାନେ ଶୋଇବା ପୂର୍ବରୁ ମୋଜା କାଢି ଦିଅନ୍ତି । କିନ୍ତୁ ଶୀତଦିନେ, ଯଦି ତୁମେ ତୁମର ପାଦରେ ମୋଜା ବ୍ୟବହାର କରୁଛ ତ ଭଲ କଥା । ଯଦି ଆପଣ ଶୀତଦିନେ ପାଦରୁ ମୋଜା ଓହ୍ଲାଇକି ଶୋଇବେ । ତେବେ ଆପଣ ଅଧିକ ଥଣ୍ତା ପାଦରେ ଅନୁଭବ କରିବେ। ତେଣୁ ପାଦକୁ ଗରମ ରଖିବା ପାଇଁ ମୋଜା ପିନ୍ଧି ଶୁଅନ୍ତୁ । ପାଦରେ ଉଷ୍ମତା ବଢିବ।

କସରତ:

ଶୀତଦିନେ ଥଣ୍ଡା ହେତୁ ଲୋକମାନେ ପ୍ରାୟତଃ ଶୋଇବା ପାଇଁ ଅଧିକାଂଶ ଭଲ ପାଆନ୍ତି । ଯେଉଁ କାରଣରୁ ଶାରୀରିକ କାର୍ଯ୍ୟକଳାପ କମିଯାଏ। ଯେଉଁ କାରଣରୁ ଆପଣଙ୍କର ପାଦ ଏବଂ ପାପୁଲି ଅଧିକ ଥଣ୍ଡା ରହିଥାଏ । ଏହି କ୍ଷେତ୍ରରେ,ପ୍ରତିଦିନ ବ୍ୟାୟାମ କରନ୍ତୁ । ଏହି କାରଣରୁ ଶରୀରର ରକ୍ତ ସଞ୍ଚାଳନ ମଧ୍ୟ ଭଲ ରହିଥାଏ ।

ହାତ ଏବଂ ପାଦକୁ ମାଲିସ୍ କରନ୍ତୁ:

ରାତିରେ ଶୋଇବା ପୂର୍ବରୁ ସୋରିଷ ତେଲକୁ ଫୁଟାଇ ନିଜ ପାଦ ତଳେ ମାଲିସ କରନ୍ତୁ । ପାପୁଲି ଏବଂ ଆଙ୍ଗୁଠିକୁ ମଧ୍ୟ ମସାଜ କରନ୍ତୁ। ଏହା ଆପଣଙ୍କ ରକ୍ତ ସଞ୍ଚାଳନରେ ଉନ୍ନତି ଆଣେ, ଯେଉଁ କାରଣରୁ ଆପଣଙ୍କ ଶରୀରରେ ଉତ୍ତାପ ରହିଥାଏ ।

ଏହାବି ପଢନ୍ତୁ : Cesarean Delivery: ସିଜରିଆନ୍ ପ୍ରସବ ପରେ ଭୁଲରେ ଖାଆନ୍ତୁ ନାହିଁ ଏହି ଫଳ, ଉଭୟ ମାଆ ଏବଂ ଶିଶୁଙ୍କ ପାଇଁ ହୋଇଥାଏ କ୍ଷତିକାରକ!

ପାଦକୁ ଉଷୁମ ପାଣିରେ ଭିଜାନ୍ତୁ :

ଏଥିପାଇଁ ଏକ ଟବ କିମ୍ବା ବାଲ୍ଟିରେ ଉଷୁମ ପାଣି ନିଅନ୍ତୁ ଏବଂ ଏଥିରେ କିଛି  ଖଣ୍ତ ଲୁଣ ମିଶାନ୍ତୁ । ତା’ପରେ ଆପଣ ନିଜ ପାଦକୁ ଏହି ପାଣିରେ ରଖନ୍ତୁ। କିଛି ସମୟ ପାଣିରେ ରଖିଲା ପରେ ପାଦକୁ ସେଥିରୁ ବାହାର କରି ଏକ ଟ୍ବାଓ୍ବାଲରେ ପୋଛନ୍ତୁ । ଏହା ଆପଣଙ୍କ ପାଦର ମାଂସପେଶୀକୁ ଆରାମ ଦେଇଥାଏ। ଯେଉଁ କାରଣରୁ ଆପଣଙ୍କର ପାଦ ଗରମ ରହିଥାଏ ।