Road Accident: ଡିଭାଇଡରରେ ପିଟି ହେଲା କାର୍, ଏକାସାଙ୍ଗରେ ଚାଲିଗଲା ୬ ଜୀବନ

Road Accident: ନୂଆବର୍ଷରେ ଘଟିଲା ବଡ଼ ଅଘଟଣ। ଭୟଙ୍କର ସଡ଼କ ଦୁର୍ଘଟଣାରେ (Road Accident) ଚାଲିଗଲା ୬ ଜୀବନ। ପିକନିକ୍ ହେଲା କାଳ। ଏକ କାର ନିୟନ୍ତ୍ରଣ ହରାଇ ଡିଭାଇଡରରେ ପିଟି ହୋଇ ଦୁର୍ଘଟଣାଗ୍ରସ୍ତ ହୋଇଛି । ଏହି କାରରେ ଥିବା ୮ଜଣଙ୍କ ମଧ୍ୟରୁ ଘଟଣାସ୍ଥଳରେ ୬ ଜଣଙ୍କର ମୃତ୍ୟୁ ହୋଇଥିବା ବେଳେ ଦୁଇ ଜଣଙ୍କ ଅବସ୍ଥା ସଙ୍କଟାପନ୍ନ ରହିଛି । ଦୁଇ ଗୁରୁତରଙ୍କ ଉଦ୍ଧାର କରାଯାଇ ମେଡିକାଲରେ ଭର୍ତ୍ତି କରାଯାଇଛି । ପୋଲିସ୍ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି। କିଭଳି ସ୍ଥିତିରେ ଏହି ଦୁର୍ଘଟଣା ଘଟିଲା ସେନେଇ ଛାନଭିନ୍ ଆରମ୍ଭ କରିଛି ପୋଲିସ୍। ଝାରଖଣ୍ତର ଜାମସେଦପୁରରେ ଘଟିଛି ଏହି ଛାତିଥରା ଦୁର୍ଘଟଣା।...

ସୂଚନା ଅନୁସାରେ, ନୂଆବର୍ଷ ଉପଲକ୍ଷେ ଆଜି ସକାଳେ ସରାୟକେଲା-ଖରସବା ଜିଲ୍ଲାର ୮ ଜଣ ଯୁବକ ଏକ କାର ଯୋଗେ ପିକନିକ୍ ପାଇଁ ବାହାରିଥିଲେ । ହେଲେ ଦୁର୍ଭାଗ୍ୟବସତଃ କାରଟି ବିଷ୍ଣୁପୁର ସର୍କିଟ୍ ହାଉସ୍ ଗୋଲେଇ ଛକ ନିକଟରେ ପହଞ୍ଚିଥିବା ସମୟରେ ହଠାତ୍ କାରଟି ଭାରମାସ୍ୟ ହରାଇ ଡିଭାଇଡ଼ରରେ ପିଟି ହୋଇ ଓଲଟି ପଡିଥିଲା। ଫଳରେ ଘଟଣାସ୍ଥଳରେ କାରମଧ୍ୟରେ  ୬ ଜଣଙ୍କର ମୃତ୍ୟୁ ହୋଇଥିଲା। ଆଉ ଦୁଇ ଜଣ ଗୁରୁତର ଆହତ ହୋଇଛନ୍ତି । ଦୁର୍ଘଟଣା ଦେଖି ସ୍ଥାନୀୟ ଲୋକେ ପୋଲିସକୁ ଖବର ଦେଇଥିଲେ। ପୋଲିସ୍ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି । ଏବଂ ଗୁରୁତରଙ୍କୁ ଉଦ୍ଧାର କରି ଟାଟା ମୁଖ୍ୟ ମେଡିକାଲରେ ଭର୍ତ୍ତି କରିଛି ପୋଲିସ୍।ସେମାନଙ୍କ ଅବସ୍ଥା ସଙ୍କାଟାପନ୍ନ ଥିବାରୁ ମୃତ୍ୟୁ ସଂଖ୍ୟା ବଢିବ ବୋଲି ଆଶଙ୍କା କରାଯାଉଛି। ଦୁର୍ଘଟଣା ଏତେ ଭୟଙ୍କର ଥିଲା ଯେ, କାରର ଇଞ୍ଜିନ ଅଲଗା ହୋଇଯାଇଥିଲା। ଲୋକମାନେ ଗ୍ୟାସ କଟରରେ ଗାଡିଟିକୁ କାଟିବା ପରେ ଗାଡିରୁ ଗୁରୁତରଙ୍କୁ ଉଦ୍ଧାର କରିଥିଲେ।