Painful Urination: ବିଭିନ୍ନ ଲୋକମାନଙ୍କର ଅନେକ ଛୋଟ ଛୋଟ ସମସ୍ୟା ଥାଏ ଯାହାକୁ ସେମାନେ ଏପରି ଅଣଦେଖା କରିଥାନ୍ତି । କିନ୍ତୁ ସ୍ୱାସ୍ଥ୍ୟ ସମ୍ବନ୍ଧୀୟ କୌଣସି ସମସ୍ୟାକୁ ଅଣଦେଖା କରିବା ଆପଣଙ୍କୁ ମହଙ୍ଗା ପଡିପାରେ । ସେହିପରି ପରିସ୍ରା ସମୟରେ ଜଳାପୋଡ଼ା କୁ ଲୋକେ ଅଣଦେଖା କରିଥାନ୍ତି। ଯଦି ଆପଣଙ୍କୁ ଦୀର୍ଘ ଦିନ ଧରି ଏହି ସମସ୍ୟା ଲାଗି ରହିଛି ତେବେ ଏହା ପଛରେ ୫ଟି ବଡ କାରଣ ଥାଇପାରେ । ପରିସ୍ରା ସମୟରେ ଜଳିବା ସମସ୍ୟା (Painful Urination Problem) ହେଲେ ତୁରନ୍ତ ଡାକ୍ତରଙ୍କୁ ଦେଖାନ୍ତୁ। ଆସନ୍ତୁ ଆପଣଙ୍କୁ ଏହାର କାରଣ ବିଷୟରେ କହିବୁ (Burning Sensation While Urination Reason)।


COMMERCIAL BREAK
SCROLL TO CONTINUE READING

ପରିସ୍ରା(Urination) କରିବା ସମୟରେ ମୂତ୍ରାଶୟ ଫୁଲିବା କାରଣରୁ ଜଳାପୋଡ଼ା ହୋଇପାରେ । ଏହି ସମସ୍ୟାରେ ମୂତ୍ରାଶୟ ଓ ମୂତ୍ରମାର୍ଗ ଫୁଲିଯାଇଥାଏ। ଏପରି ହେଲେ ପରିସ୍ରା ସମୟରେ ସାମାନ୍ୟ କିମ୍ବା ତୀବ୍ର ଯନ୍ତ୍ରଣା ମଧ୍ୟ ଅନୁଭବ ହୋଇଥାଏ। ଏପରି ସମସ୍ୟା ହେଲେ ଡାକ୍ତରଙ୍କ ସହ ଯୋଗାଯୋଗ କରନ୍ତୁ। ମୂତ୍ରନଳୀ ସଂକ୍ରମଣକୁ ୟୁରିନାରୀ ସଂକ୍ରମଣ ବା ୟୁଟିଆଇ ମଧ୍ୟ କୁହାଯାଏ । ମୂତ୍ରନଳୀରେ ସଂକ୍ରମଣ ହେତୁ ଜଳାପୋଡ଼ା ଓ ଯନ୍ତ୍ରଣା ଅନୁଭବ ହୁଏ । ଏହି ସମସ୍ୟା ଯୋଗୁ ପାଇଲୋନେଫ୍ରାଇଟିସ୍ ନାମକ ଏକ ଗମ୍ଭୀର ସଂକ୍ରମଣ ହୋଇପାରେ। ଏଥିରୁ ବର୍ତ୍ତିବା ପାଇଁ ତୁରନ୍ତ ଏହାର ଚିକିତ୍ସା କରିବା ଉଚିତ।


ଯୌନ ସଂକ୍ରମଣ 
ପରିସ୍ରାରେ ଜଳାପୋଡ଼ା ହେବା ମଧ୍ୟ ଯୌନ ସଂକ୍ରମଣ କାରଣରୁ ହୋଇପାରେ । ଅସୁରକ୍ଷିତ ଯୌନ ସମ୍ପର୍କ ଯୋଗୁଁ ପରିସ୍ରାରେ ଜଳାପୋଡ଼ା ହୋଇଥାଏ। ଏହା ଦ୍ୱାରା କ୍ଲାମିଡିଆ ଓ ଗନୋରିଆ ସଂକ୍ରମଣ ହୋଇପାରେ ।


ପ୍ରୋଷ୍ଟେଟ୍ ସଂକ୍ରମଣ
ପୁରୁଷଙ୍କ ଠାରେ ପ୍ରୋଷ୍ଟେଟ୍ ଗ୍ରନ୍ଥି ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ଏହା ପ୍ରଜନନ ସହ ଜଡିତ । ପ୍ରୋଷ୍ଟେଟ୍ ରେ ସଂକ୍ରମଣ ଯୋଗୁଁ ପରିସ୍ରାରେ ମଧ୍ୟ ଜଳାପୋଡ଼ା ହୋଇପାରେ। ଏହି କାରଣରୁ ଯୌନାଙ୍ଗରେ ଯନ୍ତ୍ରଣା ଓ ଜଳାପୋଡ଼ା ମଧ୍ୟ ଅନୁଭବ ହୋଇଥାଏ।


ଯୋନି ସଂକ୍ରମଣ
ମହିଳାମାନଙ୍କର ଯୋନି ସଂକ୍ରମଣ ହୋଇପାରେ ଯାହା ପରିସ୍ରାରେ ଜଳାପୋଡ଼ା ସୃଷ୍ଟି କରିଥାଏ । ଯୋନୀ ମୂତ୍ରନଳୀ ନିକଟରେ ଥାଏ, ସଂକ୍ରମଣ ହେଲେ ମଧ୍ୟ ପରିସ୍ରା କରିବା ସମୟରେ ଜଳାପୋଡ଼ା ହୋଇଥାଏ। ଏଭଳି ପରିସ୍ଥିତିରେ ତୁରନ୍ତ ଡାକ୍ତରଙ୍କ ସହ ଯୋଗାଯୋଗ କରିବା ଦରକାର।


(Disclaimer: ଆମର ଆର୍ଟିକିଲ୍ କେବଳ ସୂଚନା ପ୍ରଦାନ ପାଇଁ। କୌଣସି ସ୍ୱାସ୍ଥ୍ୟ ସମ୍ବନ୍ଧୀୟ ଟିପ୍ସ ଫଲୋ କରିବା ପୂର୍ବରୁ ସର୍ବଦା ଜଣେ ବିଶେଷଜ୍ଞ କିମ୍ବା ଆପଣଙ୍କ ଡାକ୍ତରଙ୍କ ସହିତ ପରାମର୍ଶ କରନ୍ତୁ । 


Also Read: Milk Side Effects: ପ୍ରତିଦିନ କ୍ଷୀର ପିଉଥିଲେ ସାବଧାନ! ଆପଣଙ୍କ ଅଜାଣତେ ହୋଇପାରେ ଗମ୍ଭୀର ରୋଗ


Also Read: Shani Shukra Yuti: ୧୦ ବର୍ଷ ପରେ ବିରଳ ଯୋଗ, ସମସପ୍ତକ ଯୋଗରୁ ୫ରାଶିକୁ ପ୍ରଚୁର ଲାଭ!