Health Care: ଲୁଣ ସମ୍ବନ୍ଧରେ ICMR-NCDIRର ଅଧ୍ୟୟନ ଚର୍ଚ୍ଚା ସୃଷ୍ଟି କରିଛି । ଏହି ଅଧ୍ୟୟନ ଅନୁଯାୟୀ, ଭାରତୀୟ ଲୋକମାନେ WHO ଦ୍ୱାରା ନିର୍ମିତ ମାନାଙ୍କ ଅପେକ୍ଷା ଦୈନନ୍ଦିନ ଅଧିକ ଲୁଣ (Salt) ଖାଉଛନ୍ତି, ଯାହା ଜୀବନ ପ୍ରତି ବିପଦ ସାବ୍ୟସ୍ତ ହୋଇପାରେ । ଲୁଣ ଯୋଗୁଁ ଉଚ୍ଚ ରକ୍ତଚାପ ଏବଂ ହାର୍ଟ ଷ୍ଟ୍ରୋକ୍ ସମସ୍ୟା (High blood pressure and heart stroke problems) ବଢ଼ିପାରେ । ଅଧ୍ୟୟନରେ କୁହାଯାଇଛି ଯେ, ଜଣେ ସାଧାରଣ ବ୍ୟକ୍ତି ଦୈନିକ ସର୍ବାଧିକ ୫ ଗ୍ରାମ ଲୁଣ ଖାଇବା ଉଚିତ୍, କିନ୍ତୁ ଭାରତରେ ଲୋକେ ୮ ଗ୍ରାମ ଲୁଣ ଖାଉଛନ୍ତି ବୋଲି ଜଣାପଡ଼ିଛି। ଏଥି ସହିତ, ମୋଟାପଣରେ ପୀଡିତ ଲୋକମାନେ ପ୍ରତିଦିନ ୯ ଗ୍ରାମରୁ ଅଧିକ ଲୁଣ ଖାଉଛନ୍ତି, ଯାହା ଅତ୍ୟନ୍ତ ବିପଜ୍ଜନକ ଅଟେ । ଏପରି ପରିସ୍ଥିତିରେ, ଯଦି ଆପଣ ସୁସ୍ଥ ରହିବାକୁ ଚାହାଁନ୍ତି ତେବେ ଲୁଣର ପରିମାଣ ହ୍ରାସ କରିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ ।


COMMERCIAL BREAK
SCROLL TO CONTINUE READING

ଏବେ ପ୍ରଶ୍ନ ହେଉଛି ଲୁଣର ପରିମାଣକୁ କିପରି ହ୍ରାସ କରାଯାଇ ପାରିବ, ଯାହା ଖାଦ୍ୟରେ ସ୍ୱାଦ ପାଇଁ ସବୁଠାରୁ ଗୁରୁତ୍ୱପୂର୍ଣ୍ଣ । ଯାହାଦ୍ୱାରା ଉଭୟ ସ୍ୱାଦ ଏବଂ ସ୍ୱାସ୍ଥ୍ୟ ପ୍ରତି ଧ୍ୟାନ ଦିଆଯାଇ ପାରିବ। ଏଥିପାଇଁ ଆପଣଙ୍କୁ କଠିନ ପରିଶ୍ରମ କରିବାକୁ ପଡିବ ନାହିଁ । ଆପଣଙ୍କୁ କେବଳ କିଛି ଜିନିଷ ଛାଡିବାକୁ ପଡ଼ିବ ଯାହା ଆପଣଙ୍କ ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ନୁହେଁ କିମ୍ବା ଆପଣଙ୍କ ସକାଳ ଓ ସନ୍ଧ୍ୟା ଖାଦ୍ୟର ସ୍ୱାଦ ସହିତ କୌଣସି ବିଶେଷ ସମ୍ପର୍କ ନାହିଁ । ଏଗୁଡିକ ଛାଡ଼ି ଆପଣ ଭଲ ସ୍ବାଦ ଯୁକ୍ତ ଖାଦ୍ୟ (Savory food) ଖାଇ ସୁସ୍ଥ ରହିପାରିବେ । ଏଣ୍ଡୋକ୍ରାଇନ୍ ସୋସାଇଟି ଅଫ୍ ଇଣ୍ଡିଆର ପୂର୍ବତନ ଅଧ୍ୟକ୍ଷ ତଥା ଜଣାଶୁଣା ଏଣ୍ଡୋକ୍ରାଇନୋଲୋଜିଷ୍ଟ୍ ଡକ୍ଟର ସଞ୍ଜୟ କାଲ୍ରା ଆପଣଙ୍କ ଖାଦ୍ୟରେ ଲୁଣ ହ୍ରାସ କରିବାର ଉପାୟ କହିଛନ୍ତି ।


ଏହି ପାଞ୍ଚଟି "ପି" ରୁ ଦୂରେଇ ରୁହନ୍ତୁ 


ଡକ୍ଟର କାଲ୍ରା କହିଛନ୍ତି ଯେ ଯଦି ଆପଣ ଦୈନିକ ଲୁଣ ଖାଇବା ହ୍ରାସ କରିବାକୁ ଚାହାଁନ୍ତି, ତେବେ ପନିପରିବା, ଡାଲି କିମ୍ବା ଅଟାରେ ଲୁଣ କମ୍ କରିବା ଚଳିବ ନାହିଁ। ଏଥିପାଇଁ ଏହି ପାଞ୍ଚଟି ପି ଛାଡିବା ଆବଶ୍ୟକ, ଯେଉଁଥିରେ ଲୁଣର ମାତ୍ରା ଅଧିକ । ଏହି ଜିନିଷ ମାଧ୍ୟମରେ ଆମ ଶରୀରରେ ଅଧିକ ପରିମାଣର ଲୁଣ ପହଞ୍ଚେ । 


୧. ପିକଲ (ଆଚାର)
୨. ପାମ୍ପଡ 
୩. ପାକୋଡି 
୪. ଆଳୁ ଚିପ୍ସ 
୫. ପିଜା


ଯଦି ଆପଣ ତିନୋଟି ‘କେ’ରୁ ଦୂରେଇ ରହି ପାରିବେ, ତେବେ ଆହୁରି ଭଲ ।
ପାଞ୍ଚଟି ‘ପି’ ବ୍ୟତୀତ ତିନୋଟି ‘କେ’ ମଧ୍ୟ ଅଛି ଯାହା ସ୍ୱାସ୍ଥ୍ୟ ପାଇଁ କ୍ଷତିକାରକ । ସେଥିମଧ୍ୟରୁ ଦୁଇଟି ହେଉଛି ପନିପରିବା ଓ ଗୋଟିଏ ହେଉଛି ପଦାର୍ଥ । ଏହା ନୁହେଁ ଯେ ଏହି ପନିପରିବାରେ ଲୁଣ ଅଛି କିନ୍ତୁ ଯେତେବେଳେ ଏହି ପନିପରିବା ରନ୍ଧାଯାଏ, ଅଧିକ ଅଧିକ ତେଲ ଓ ଲୁଣ ପକେଇବାକୁ ପଡ଼ିଥାଏ। ତେଣୁ ଏହାକୁ ଛାଡିବାକୁ ପଡିବ ।


1. ପଣସ
2. କଲରା 
3. କେଚପ୍ ଯଥା ସସ୍ 


ଡ଼ କାଲ୍ରା କହିଛନ୍ତି ଯେ ଖାଦ୍ୟରେ ଲୁଣର ପରିମାଣ ହ୍ରାସ କରିବା ପାଇଁ ସୋଡିୟମ୍ ଲିଟ୍ରେସି ମଧ୍ୟ ଆବଶ୍ୟକ । ତାହା ହେଉଛି, ଯେତେବେଳେ ଆପଣ ଯେକୌଣସି ପ୍ୟାକେଟ ଖାଦ୍ୟ କିଣୁଛନ୍ତି, ନିଶ୍ଚିତ ଭାବରେ ଏଥିରେ ସୋଡିୟମ୍ ପରିମାଣ ଯାଞ୍ଚ କରନ୍ତୁ, ଯାହା ଦ୍ୱାରା ଆପଣ କେତେ ଲୁଣ ଖାଉଛନ୍ତି ସେ ବିଷୟରେ ଆପଣଙ୍କର ଧାରଣା ରହିବ ।


Also Read- Free Ticket: ବଲିଉଡ୍ କିଙ୍ଗ୍ ଖାନ୍ ଶାହାରୁଖଙ୍କ ଉପହାର, ଏହି ଦିନ ପାଇଁ ମାଗଣା 'ଜୱାନ' ଟିକେଟ୍


Also Read- PM Kisan: ଏହି ଚାଷୀଙ୍କୁ ମିଳିବନି ପିଏମ କିସାନର ୧୫ତମ କିସ୍ତି, ଜାଣନ୍ତୁ କାହିଁକି