january Grah Gochar 2025: ୨୦୨୫-ଜାନୁଆରୀରେ ୪ ବଡ଼ ଗ୍ରହଙ୍କ ଶୁଭ ଚଳନ, ନୂଆବର୍ଷରୁ ଟଙ୍କା ଗଦିରେ ଶୋଇବେ ଏହି ୩ ରାଶି!
january Grah Gochar 2025: ବୈଦିକ ଜ୍ୟୋତିଷ ଶାସ୍ତ୍ରରେ ପ୍ରତ୍ୟକ ଗ୍ରହ ଏକ ନିର୍ଦ୍ଦିଷ୍ଟ ସମୟରେ ରାଶି ପରିବର୍ତ୍ତନ କରିଥାଆନ୍ତି। ଏହି କ୍ରମରେ ଆସନ୍ତା ବର୍ଷ (୨୦୨୫) ଜାନୁଆରୀ ମାସରେ ଏକାଧିକ ବଡ଼ ଗ୍ରହ ନିଜ ମୂଳ ରାଶି ପରିବର୍ତ୍ତନ କରିବାକୁ ଯାଉଛନ୍ତି। ଜାନୁଆରୀ ୧୪, ସକାଳ ୯ଟା ୩ ମିନିଟ୍ ସମୟରେ ସୂର୍ଯ୍ୟ ମକର ରାଶିରେ ଚଳନ କରିବାକୁ ଥିବା ବେଳେ ୨୧ ତାରିଖ ସକାଳ ୭ଟା ୧୨ ମିନିଟ୍ ସମୟରେ ମଙ୍ଗଳ ମିଥୁନ ରାଶିକୁ ଗୋଚର କରିବେ। ସେହିପରି ୨୮ ତାରିଖ ଦିନ ମୀନକୁ ଶୁକ୍ରଙ୍କ ଶୁଭ ଚଳନ ହେବା ସହ ୪ ତାରିଖ ଦିନ ମକରକୁ ବୁଧ ଗୋଚର କରିବେ। ତେବେ, ଏହିସବୁ ଗ୍ରହଙ୍କ ଚଳନ ରାଶି ଚକ୍ରରେ ଥିବା ସମସ୍ତ ୧୨ଟି ରାଶିଙ୍କ ଉପରେ ପ୍ରଭାବ ପକାଇବା ସହ କେତେକ ରାଶିଙ୍କ ଭାଗ୍ୟ ଉଜ୍ଜଳ କରିବ। ତେବେ, ଆସନ୍ତୁ ଜାଣିବା ଜାନୁଆରୀ ମାସରେ କେଉଁସବୁ ରାଶିଙ୍କ ଭାଗ୍ୟ ଚମକିବାକୁ ଯାଉଛି।
ମିଥୁନ: ୪ ଗ୍ରହଙ୍କ ଶୁଭ ଚଳନ ଏହି ରାଶି ପାଇଁ ଭାଗ୍ୟଶାଳୀ ପ୍ରମାଣିତ ହେବେ। ଏହି ସମୟ ମଧ୍ୟରେ ଆର୍ଥିକ ସ୍ଥିତିରେ ସୁଧାର ଆସିବ। ଦିର୍ଘ ଦିନ ଧରି ଅଟକି ରହିଥିବା କାର୍ଯ୍ୟକୁ ଶେଷ କରିବାରେ ସଫଳ ହେବେ। ଏହି ସମୟ ମଧ୍ୟରେ ଆତ୍ମ ବିଶ୍ବାସ ବୃଦ୍ଧି ପାଇବ। ବ୍ୟବସାୟୀମାନେ ବାଣିଜ୍ୟ-ବ୍ୟବସାୟରେ ଭଲ ଦ୍ବି-ପଇସା ଲାଭ ପାଇବେ। ଆୟର ନୂତନ ଉତ୍ସ ସୃଷ୍ଟି ହେବ। ବ୍ୟବସାୟରେ ଚାଲୁଥିବା ମାନ୍ଦାବସ୍ଥା ଦୂର ହେବ। ଦିର୍ଘ ଦିନରୁ ଥିବା ଘର କିଣିବାର ଆଶା ପୂରଣ ହେବ। ଅବିବାହିତ ଲୋକଙ୍କର ବିବାହ ଯୋଗ ଫିଟିବ। ଲାଗି ରହିଥିବା ଚର୍ମ ସମସ୍ୟା ବା ଚର୍ମ ରୋଗ ଦୂର ହେବ।
ALSO READ: Guru Ast 2025: ବୃହସ୍ପତିଙ୍କ କୃପାରୁ ନୂଆ ବର୍ଷ ପରେ ୫ ରାଶିଙ୍କ ଆକାଉଣ୍ଟ ହେବ ଫୁଲ୍, କିଣିବେ ନୂଆ ଘର!
ସିଂହ: ଜାନୁଆରୀ ମାସ ଶେଷ ହେବା ପୂର୍ବରୁ କ୍ୟାରିୟରକୁ ନେଇ କୌଣସି ଶୁଭ ଖବର ପାଇବେ। ବିଶେଷକରି, ଲାଗି ରହିଥିବା ଆର୍ଥିକ ସଙ୍କଟ ଦୂର ହେବ। ନୂଆ ଘର କିମ୍ବା ଗାଡି କିଣିବାର ସ୍ବପ୍ନ ପୂରଣ ହେବ। ବ୍ୟବସାୟୀମାନେ ବଡ଼ ଡିଲ୍ ଫାଇନାଲ୍ କରିବାରେ ସଫଳ ହେବେ। ଯେଉଁମାନେ ଦିର୍ଘ ଦିନ ହେବ ଚାକିରି ଖୋଜୁଛନ୍ତି, ସେମାନଙ୍କୁ ଭଲ ଚାକିରି ମିଳିବ। କର୍ମକ୍ଷେତ୍ରରେ ପଦୋନ୍ନତି ମିଳିବା ସହିତ ଦରମା ବଢିବ। ନିଜ ପରିବାର ସହିତ ଧାର୍ମିକ ଯାତ୍ରା କରିବେ। ପୁରୁଣା ରୋଗରୁ ମୁକ୍ତି ପାଇବେ।
ମୀନ: ବର୍ଷ ଆରମ୍ଭରୁ ୪ ବଡ଼ ଗ୍ରହଙ୍କ ରାଶି ପରିବର୍ତ୍ତନ ଏହି ରାଶିଙ୍କ ଭାଗ୍ୟ ଉଦୟ କରିବ। କର୍ମକ୍ଷେତ୍ରରେ ପଦୋନ୍ନତି ମିଳିବା ସହିତ ସମ୍ମାନୀତ ହେବ। ବ୍ୟବସାୟ-ବାଣିଜ୍ୟ ବିସ୍ତାର କରିବା ପାଇଁ ସମୟ ଶୁଭ ରହିବ। ଆୟରେ ବୃଦ୍ଧି ଘଟିବ। ଯେଉଁମାନେ କମ୍ପିଟେଟିଭ୍ ଏକଜାମ ପାଇଁ ପ୍ରସ୍ତୁତ ହେଉଛନ୍ତି, ସେମାନଙ୍କ ପାଇଁ ସମୟ ଅନୁକୂଳ ରହିବ। ଭଲ ରେଜଲ୍ଟ କରିବେ। ପ୍ରେମ ସମ୍ପର୍କରେ ଆସୁଥିବା ବାଧାବିଘ୍ନ ଦୂର ହେବ। ଦାମ୍ପତ୍ୟ ଜୀବନ ସୁଖମୟ ହେବା ସହିତ ପିତାମାତଙ୍କ ସହ ଭଲ ସମୟ ବିତାଇବେ।
(Disclamer: ଉପରେ ଦିଆଯାଇଥିବା ସୂଚନା ZEE ODISHA NEWSର ନିଜସ୍ୱ ମତ ନୁହେଁ। ଜ୍ୟୋତିଷ ଶାସ୍ତ୍ର, ପଞ୍ଚାଙ୍ଗ, ପୁରାଣ ତଥ୍ୟରୁ ମିଳିଥିବା ସୂଚନା ଅନୁଯାୟୀ ଏହି ତଥ୍ୟ ପ୍ରଦାନ କରାଯାଇଛି। ଏଥିପାଇଁ ZEE ODISHA NEWS ଦାୟୀ ରହିବ ନାହିଁ।)