Thyroid: କାହିଁକି ମହିଳାମାନେ ହୋଇଥାନ୍ତି ଥାଇରଏଡର ଶୀକାର? ଜାଣନ୍ତୁ ଏହାର ଉପଚାର...

Thyroid: 'ହାଇପରଥାଇରଏଡିଜିମ୍' ଯାହାକୁ ସରଳ ଭାଷାରେ ଥାଇରଏଡ୍(Thyroid) ରୋଗ କୁହାଯାଏ। ଏହା ପଛରେ ଏକ ହରମୋନ୍ ଅଛି, ଯାହା ଆମ ଗଳାରେ ଅବସ୍ଥିତ ଏକ ଗ୍ରନ୍ଥି ଦ୍ୱାରା ଉତ୍ପନ୍ନ ହୋଇଥାଏ। ଏହି ପ୍ରଜାପତି ଆକୃତିର ଗ୍ରନ୍ଥି ଥାଇରଏଡ୍ ଗ୍ରନ୍ଥି ଭାବରେ ବେଶ୍ ଜଣାଶୁଣା। ଯେତେବେଳେ ଏହି ଗ୍ରନ୍ଥିରୁ ଅଧିକ କିମ୍ବା କମ୍ ପରିମାଣରେ ହରମୋନ୍(Harmon) ଉତ୍ପନ୍ନ ହୁଏ, ଏହା ଶରୀରରେ ଅନେକ ସମସ୍ୟା ସୃଷ୍ଟି କରିଥାଏ। ଯେପରିକି ଅଧିକ ଓଜନ ବଢ଼ାଇବା କିମ୍ବା ଓଜନ ହ୍ରାସ କରିଦେବା। ଏହି ଅବସ୍ଥାକୁ ଥାଇରଏଡ୍ କୁହାଯାଏ। ଥାଇରଏଡ୍ ରୋଗ ପ୍ରାୟତଃ ମହିଳାମାନଙ୍କଠାରେ ଦେଖିବାକୁ ମିଳିଥାଏ।

ଥାଇରଏଡ ସମସ୍ୟା ବୃଦ୍ଧି ପଛରେ ଅନେକ କାରଣ ରହିଥାଏ। ବିଶେଷଜ୍ଞଙ୍କ ଅନୁଯାୟୀ ଏହାର ଚିକିତ୍ସା ସହଜ ନୁହେଁ। ତେବେ ଆସନ୍ତୁ ଜାଣିବା ଯେ ଏହା ପଛର କାରଣ ଏବଂ ପ୍ରତିରୋଧ ପାଇଁ କ’ଣ କରିବାଲ ଆବଶ୍ୟକ?

ଥାଇରଏଡର କାରଣ କ’ଣ?

ମହିଳାମାନଙ୍କଠାରେ ଥାଇରଏଡର ମାତ୍ରା ଅଧିକ ଦେଖିବାକୁ ମିଳିଥାଏ। ପୁରୁଷଙ୍କ ଅପେକ୍ଷା ଇଷ୍ଟ୍ରୋଜେନ୍ ନାମକ ହରମୋନ୍ ମହିଳାମାନଙ୍କଠାରେ ଅଧିକ ମାତ୍ରାରେ ଥାଏ। ଶରୀରରେ ପ୍ରୋଜେଷ୍ଟେରନ୍ ନାମକ ଏକ ହରମୋନ୍ ମଧ୍ୟ ଅଛି (ପ୍ରଜନନ ପାଇଁ ଆବଶ୍ୟକ)। ଏହି ଦୁଇଟି ହରମୋନର ଅସନ୍ତୁଳନ ହୋଇଥାଏ ଏହା ଥାଇରଏଡ୍ ଉପରେ ପ୍ରଭାବ ପକାଇଥାଏ। ଯେଉଁଥି ପାଇଁ ଥାଇରଏଡର ଏକ ସମସ୍ୟା ସୃଷ୍ଟି ହୋଇଥାଏ।

-ଗର୍ଭାବସ୍ଥାରେ ମହିଳାଙ୍କ ଶରୀରରେ ଅନେକ ହରମୋନ୍ ପରିବର୍ତ୍ତନ ହୋଇଥାଏ ଏବଂ ଏହା ଥାଇରଏଡ୍ ଉପରେ ମଧ୍ୟ ପ୍ରଭାବ ପକାଇଥାଏ ।ଗର୍ଭାବସ୍ଥାରେ ଅନେକ ମହିଳାଙ୍କଠାରେ ଥାଇରଏଡ୍ ସମସ୍ୟା ଦେଖାଯାଏ।

-ସୌନ୍ଦର୍ଯ୍ୟ ବୃଦ୍ଧି ପାଇଁ ଅନେକ ପ୍ରକାରର ଉତ୍ପାଦ ବ୍ୟବହୃତ ହୋଇଥାଏ, ଯେଉଁଥିରେ ଉପସ୍ଥିତ ରାସାୟନିକ ପଦାର୍ଥ ଆପଣଙ୍କ ଏଣ୍ଡୋକ୍ରାଇନ୍ ସିଷ୍ଟମକୁ ପ୍ରଭାବିତ କରିଥାଏ (ଅନେକ ଗ୍ରନ୍ଥି ଯାହା ହରମୋନ୍ ଉତ୍ପାଦନ କରିଥାଏ), ଯାହା ଶରୀରରେ ହରମୋନ୍ କାର୍ଯ୍ୟର ଅସନ୍ତୁଳନ ସୃଷ୍ଟି କରିଥାଏ ।

ଯଦି ଆପଣଙ୍କର ଥାଇରଏଡ୍ ଅଛି ତେବେ ଏହି ଜିନିଷଠାରୁ ଦୂରରେ ରୁହନ୍ତୁ-

ଯଦି ଶରୀରରେ ଥାଇରଏଡର ପରିମାଣ ବୃଦ୍ଧି ପାଏ ତେବେ ଚା, କଫି ପରି ଜିନିଷଠାରୁ ଦୂରେଇ ରୁହନ୍ତୁ କାରଣ ଏଥିରେ କ୍ୟାଫିନ୍ ଥାଏ। ଏହା ବ୍ୟତୀତ ଅଧିକ ଚିନି ଥିବା ଖାଦ୍ୟ ପଦାର୍ଥକୁ ମଧ୍ୟ ଏଡାଇବା ଉଚିତ୍। ଅଧିକ ଚିନି ବା ମିଠ ଖାଇବା ଦ୍ୱାରା ହରମୋନରେ ପରିବର୍ତ୍ତନ ଆସିପାରେ। ଦୁଗ୍ଧଜାତ ଦ୍ରବ୍ୟ, ଯେପରିକି ପନିର, ଖାଦ୍ୟରୁ କ୍ଷୀର ଠାରୁ ଦୂରେଇ ରୁହନ୍ତୁ। ଏହି ଖାଦ୍ୟଗୁଡ଼ିକ ଆପଣଙ୍କ ଶରୀରରେ ଥାଇରଏଡର ସ୍ତରକୁ ବୃଦ୍ଧି କରିଥାଏ।

ଥାଇରଏଡ୍ ଆପଣଙ୍କ ଓଜନ ଉପରେ ପ୍ରଭାବ ପକାଇଥାଏ, ଏଥିପାଇଁ ଖାଦ୍ୟ ପ୍ରତି ଧ୍ୟାନ ଦେବା ସହିତ ବ୍ୟାୟାମ ଏବଂ ଯୋଗ-ପ୍ରାଣାୟମ ପ୍ରତିଦିନ କରିବା ଅଭ୍ୟାସ ରଖନ୍ତୁ। ଏପରି କରିବା ଦ୍ୱାରା ହରମୋନ୍ ଅସନ୍ତୁଳନ ଦ୍ୱାରା ସୃଷ୍ଟି ହୋଇଥିବା ଅନ୍ୟାନ୍ୟ ସମସ୍ୟାରୁ ମଧ୍ୟ ଦୂରେଇ ରହିପାରିବେ।