କେନ୍ଦ୍ର କର୍ମଚାରୀଙ୍କ ପାଇଁ ବହୁତ ବଡ଼ ଖବର! ମୋଦି ସରକାର ବଦଳାଇଲେ ନୋମିନୀ ସହ ଜଡ଼ିତ ନିୟମ

ନୂଆଦିଲ୍ଲୀ: କେନ୍ଦ୍ରର ମୋଦି ସରକାର (Modi Government) ଡ୍ୟୁଟି ସମୟରେ କୌଣସି କର୍ମଚାରୀଙ୍କ ମୃତ୍ୟୁ ସହ ଜଡିତ ଏକ ନିୟମରେ ବଡ଼ ପରିବର୍ତ୍ତନ କରିଛନ୍ତି । ମୃତ କର୍ମଚାରୀଙ୍କ ସମ୍ପର୍କୀୟଙ୍କ ପାଇଁ ଏହି ପରିବର୍ତ୍ତନ ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ନୂତନ ନିୟମ ଅନୁଯାୟୀ, ଡ୍ୟୁଟି ସମୟରେ ମୃତ୍ୟୁ ବରଣ କରୁଥିବା କର୍ମଚାରୀଙ୍କୁ ମିଳୁଥିବା କ୍ଷତିପୂରଣର ରାଶି ପରିବାରର ସେହି ସଦସ୍ୟଙ୍କୁ ପ୍ରଦାନ କରାଯିବ, ଯାହାଙ୍କୁ ନୋମିନୀ (Nominee) କରାଯାଇଥିବ । ଏହାର ଅର୍ଥ ହେଉଛି ମନୋନୀତ ବ୍ୟକ୍ତି ହିଁ କ୍ଷତିପୂରଣ ପାଇବାକୁ ହକଦାର ହେବେ । ବର୍ତ୍ତମାନ ପର୍ଯ୍ୟନ୍ତ ଏହି ମାମଲାରେ ନୋମିନୀ କରିବାକୁ କୌଣସି ବାଧ୍ୟବାଧକତା ନଥିଲା ।

ଯଦି ନୋମିନୀ ନ କରାଯିବ ତେବେ କ'ଣ ହେବ 

ଯଦି କେନ୍ଦ୍ର କର୍ମଚାରୀଙ୍କ ଦ୍ୱାରା କାହାକୁ ନୋମିନୀ (Nominee) କରାଯାଇ ନାହିଁ, ତେବେ କ୍ଷତିପୂରଣ ରାଶି ପରିବାରର ସମସ୍ତ ସଦସ୍ୟଙ୍କ ମଧ୍ୟରେ ସମାନ ଭାବରେ ବାଣ୍ଟି ଦିଆଯିବ । ଅର୍ଥାତ୍ ଏହି କ୍ଷତିପୂରଣ ରାଶି ପାଇଁ କୌଣସି ସଦସ୍ୟ ହକଦାର ନୁହଁନ୍ତି । ଆମେ ଆପଣଙ୍କୁ କହି ରଖୁଛୁ ଯେ ସରକାରୀ କର୍ମଚାରୀମାନେ ପେନସନ୍, ପିଏଫ୍ କିମ୍ବା ଗ୍ରାଚ୍ୟୁଇଟିରେ ନୋମିନୀ ରଖନ୍ତି । ସେପଟେ ଡ୍ୟୁଟି ସମୟରେ ମୃତ୍ୟୁ ହେଲେ ମିଳିଥିବା କ୍ଷତିପୂରଣ ପାଇଁ କୌଣସି ନୋମିନୀ ରଖାଯାଏ ନାହିଁ । ବର୍ତ୍ତମାନ ସରକାର ଏକ ସର୍କୁଲାର ଜାରି କରିଛନ୍ତି ଏବଂ ଏ ବାବଦରେ ନିର୍ଦ୍ଦେଶନାମା ଦେଇଛନ୍ତି ।

ବର୍ତ୍ତମାନ କର୍ମଚାରୀମାନେ କ୍ଷତିପୂରଣ ବାବଦରେ ନୋମିନୀ ମଧ୍ୟ ରଖିପାରିବେ । ଏହା ମାଧ୍ୟମରେ ନିଷ୍ପତ୍ତି ନିଆଯିବ ଯେ ଯଦି କର୍ମଚାରୀ ଡ୍ୟୁଟିରେ ଥିବାବେଳେ ମୃତ୍ୟୁ ବରଣ କରନ୍ତି, ତେବେ ପରିବାରର କେଉଁ ସଦସ୍ୟଙ୍କୁ କ୍ଷତିପୂରଣ ରାଶି ପ୍ରଦାନ କରାଯିବା ଉଚିତ୍ ।

ସର୍କୁଲାରରେ ଏହା ମଧ୍ୟ କୁହାଯାଇଛି ଯେ ଏହି ମାମଲାରେ କେବଳ ପରିବାର ସଦସ୍ୟଙ୍କୁ ମନୋନୀତ କରାଯିବ । କ୍ଷତିପୂରଣ ରାଶି ପାଇଁ କୌଣସି ବାହାର ଲୋକଙ୍କୁ ମନୋନୀତ କରାଯାଇପାରିବ ନାହିଁ । ଏହାସହ ସରକାର କ୍ଷତିପୂରଣ ରାଶି ପ୍ରଦାନରେ ନାମାଙ୍କନଙ୍କୁ ଅନ୍ତର୍ଭୁକ୍ତ କରିବା ପାଇଁ CCS (ପେନସନ୍) ନିୟମ, 1972 ରେ ସଂଲଗ୍ନ ହୋଇଥିବା ଫର୍ମର ଫର୍ମାଟରେ ମଧ୍ୟ ସଂଶୋଧନ କରିଛନ୍ତି ।