Pakistan Quetta Railway Station Blast: ପଡୋଶୀ ଦେଶ ପାକିସ୍ତାନରୁ ଏକ ଦୁଃଖଦ ଖବର ସାମ୍ନାକୁ ଆସିଛି, ଯେଉଁଠାରେ କ୍ୱେଟା ରେଳ ଷ୍ଟେସନରେ ଏକ ବଡ଼ ବିସ୍ଫୋରଣ ଘଟିଛି, ଯେଉଁଥିପାଇଁ ଏପର୍ଯ୍ୟନ୍ତ ୨୧ ଜଣଙ୍କର ମୃତ୍ୟୁ ହୋଇଥିବା ଜଣାଯାଇଛି। ଏହି ବିସ୍ଫୋରଣ ଯୋଗୁଁ ଅନେକ ଲୋକ ମଧ୍ୟ ଗୁରୁତର ଆହତ ହୋଇଛନ୍ତି। ମୃତ୍ୟୁ ସଂଖ୍ୟା ଆହୁରି ବଢିପାରେ ବୋଲି ଆଶଙ୍କା ରହିଛି।


COMMERCIAL BREAK
SCROLL TO CONTINUE READING

ରେଳ ଷ୍ଟେସନରେ ହୋଇଥିବା ଏହି ଭୟଙ୍କର ବିସ୍ଫୋରଣ ସମ୍ପର୍କରେ କ୍ୱେଟା ଏସଏସପି ପୋଲିସର ବରିଷ୍ଠ ଅଧୀକ୍ଷକ ମହମ୍ମଦ ବାଲୋଚ କହିଛନ୍ତି ଯେ ଏହି ଘଟଣାରେ ୧୬ ଜଣଙ୍କର ମୃତ୍ୟୁ ଘଟିଥିବା ବେଳେ ୩୦ ଜଣ ଆହତ ହୋଇଛନ୍ତି। ତେବେ ଦାବି ହେଉଛି ଯେ ଏପର୍ଯ୍ୟନ୍ତ ୨୪ ଜଣଙ୍କର ମୃତ୍ୟୁ ଘଟିଛି ଏବଂ ଆହତଙ୍କ ସଂଖ୍ୟା ମଧ୍ୟ ୫୦ ଛୁଇଁପାରେ।


ପାକିସ୍ତାନୀ ନ୍ୟୁଜ୍ ଚ୍ୟାନେଲ ଜିଓ ନ୍ୟୁଜ୍ ଅନୁଯାୟୀ, ଜାଫର ଏକ୍ସପ୍ରେସ ଟ୍ରେନ୍ ରେଳ ଷ୍ଟେସନ୍ ପ୍ଲାଟଫର୍ମରେ ପହଞ୍ଚିବା ପରେ ଏହି ବିସ୍ଫୋରଣ ଘଟିଥିଲା ​​ଏବଂ ଖୁବ୍ ଶୀଘ୍ର ଟ୍ରେନ ଛାଡିବାର ଥିଲା। ଏଭଳି ପରିସ୍ଥିତିରେ ଟିକେଟ୍ ପାଇଁ ଷ୍ଟେସନ କାଉଣ୍ଟର ନିକଟରେ ବହୁ ସଂଖ୍ୟାରେ ଜନସମାଗମ ହୋଇଥିଲା। ଏହି କାରଣରୁ ବିସ୍ଫୋରଣରେ ଆହତଙ୍କ ସଂଖ୍ୟା ବହୁତ ଅଧିକ।



ପୋଲିସ ଏହାକୁ ଆତ୍ମଘାତୀ ଆକ୍ରମଣ ବୋଲି ବର୍ଣ୍ଣନା କରିଛି ଏବଂ ଏହି ଆକ୍ରମଣ ବାଲୁଚ ଲିବରେସନ ଆର୍ମି କରିଥିବା ଦାବି କରିଛି। ପୋଲିସ ଅଧିକାରୀ ବାଲୁଚ କହିଛନ୍ତି ଯେ ଷ୍ଟେସନରେ କାଉଣ୍ଟର ନିକଟରେ ବହୁ ସଂଖ୍ୟାରେ ଜନସମାଗମ ହୋଇଥିଲା, ଯେଉଁଥିପାଇଁ ମୃତ୍ୟୁ ଓ ଆହତଙ୍କ ସଂଖ୍ୟା ବଢିପାରେ।


ପ୍ରାଦେଶିକ ସରକାରୀ ମୁଖପାତ୍ର ସହିଦ ରିନ୍ଦଙ୍କ ଅନୁଯାୟୀ ଉଦ୍ଧାର ଓ ଆଇନ ଶୃଙ୍ଖଳାକାରୀ ଦଳ ତୁରନ୍ତ ଘଟଣାସ୍ଥଳରେ ପହଞ୍ଚି ଉକ୍ତ ଅଞ୍ଚଳକୁ ସୁରକ୍ଷିତ ରଖିଥିଲେ। ଆହତ ଓ ମୃତମାନଙ୍କୁ କ୍ୱେଟା ସିଭିଲ ହସ୍ପିଟାଲରେ ଭର୍ତ୍ତି କରାଯାଇଛି। ସେ କହିଛନ୍ତି ହସ୍ପଟାଲରେ ଜରୁରୀକାଳୀନ ପରିସ୍ଥିତି ଘୋଷଣା କରାଯାଇଛି ଯେଉଁଠାରେ ଆହତଙ୍କ ଚିକିତ୍ସା ପାଇଁ ଅତିରିକ୍ତ ମେଡିକାଲ କର୍ମଚାରୀଙ୍କୁ ଡକାଯାଇଛି। ବଲୁଚିସ୍ତାନର ମୁଖ୍ୟମନ୍ତ୍ରୀ ସରଫରାଜ ବଗି ଏହି ଆକ୍ରମଣକୁ ନିନ୍ଦା କରି ଏହାକୁ ନିରୀହ ସାଧାରଣ ନାଗରିକଙ୍କୁ ଟାର୍ଗେଟ କରିଯିବାକୁ ନେଇ ଏକ ଯାଞ୍ଚ ଆଦେଶ ଦେଇଛନ୍ତି।