MiG-21 ବିମାନ ଦୁର୍ଘଟଣାଗ୍ରସ୍ତ, ପାଇଲଟ ମୃତ

ନୂଆଦିଲ୍ଲୀ: ବୁଧବାର ସକାଳେ ବାୟୁସେନାର MiG-21 ବିମାନ ଦୁର୍ଘଟଣାଗ୍ରସ୍ତ ହୋଇଛି। ଏଥିରେ ପାଇଲଟଙ୍କ ମୃତ୍ୟୁ ହୋଇଛି। ମଧ୍ୟାହ୍ନରେ ଖୋଦ ବାୟୁସେନା ନିଜ ଆଧିକାରୀକ ଟ୍ୱିଟର ହ୍ୟାଣ୍ଡେଲରେ ଏନେଇ ସୂଚନା ଦେଇଛି। 

ବାୟୁସେନା ପକ୍ଷରୁ ମିଳିଥିବା ସୂଚନା ଅନୁସାରେ, ଆଜି ସକାଳେ combat training ବେଳେ MiG-21 ବିମାନ ଦୁର୍ଘଟଣାଗ୍ରସ୍ତ ହୋଇଛି। ମଧ୍ୟ ଭାରତର ଏକ ଏୟାରବେସରୁ ଟେକଅଫ୍ ବେଳେ ଏହି ଅଘଟଣ ଘଟିଛି। ଦୁର୍ଘଟଣାରେ Air Force Group Captain ଏ. ଗୁପ୍ତାଙ୍କର ଦେହାନ୍ତ ହୋଇଛି।

ଦୁର୍ଘଟଣାଟି କେଉଁଠି ଘଟିଛି ସେ ନେଇ Air Force କୌଣସି ତଥ୍ୟ ଦେଇନାହିଁ। ତବେ ଦୁର୍ଘଟଣାର ତଦନ୍ତ ପାଇଁ ଏକ ତଦନ୍ତକାରୀ କମିଟ ଗଠନ କରାଯାଇଛି।