ବଢ଼ୁଥିବା କୋରୋନା ମାମଲା ମଧ୍ୟରେ AIIMS ନିର୍ଦ୍ଦେଶକ ଜାରି କଲେ ଚେତାବନୀ, କହିଲେ-ଓମିକ୍ରନରୁ ରକ୍ଷା ପାଇବା ପାଇଁ କରନ୍ତୁ ଏହି କାମ

ନୂଆଦିଲ୍ଲୀ: AIIMS Director on Omicron: ଦେଶରେ ଦ୍ରୁତ ଗତିରେ ଓମିକ୍ରନ୍ (Omicron) କାୟା ବିସ୍ତାର କରିବାରେ ଲାଗିଛି । ଏହାସହ ଦେଶରେ ଦୈନିକ କୋରୋନା ମାମଲା (Coronavirus Cases) ରେ ମଧ୍ୟ ବଡ଼ ଧରଣର ବୃଦ୍ଧି ରେକର୍ଡ କରାଯାଉଛି । ଏହି ସମୟରେ AIIMS ନିର୍ଦ୍ଦେଶକ ଡକ୍ଟର ରଣଦୀପ ଗୁଲେରିଆ (AIIMS director Dr Randeep Guleria) ଗୁରୁବାର ଲୋକଙ୍କୁ ସତର୍କତା ଅବଲମ୍ବନ କରିବାକୁ କହିଛନ୍ତି । ସେ କହିଛନ୍ତି ଯେ ଏହି ସମୟରେ ସଠିକ୍ ମାସ୍କିଂ, ହାତ ଧୋଇବା, ଭିଡ଼ରୁ ଦୂରେଇ ରହିବା ଏବଂ ଟିକାକରଣ ସହିତ କୋଭିଡ ଉପଯୁକ୍ତ ଆଚରଣ ଅନୁସରଣ କରିବା ଜରୁରୀ ଅଟେ । ଅବଶ୍ୟ, ସେ ଆହୁରି ମଧ୍ୟ କହିଛନ୍ତି ଯେ ଯଦିଓ ଓମିକ୍ରନ୍ ଭାରିଆଣ୍ଟର ପ୍ରଭାବ ସାମାନ୍ୟ, ତଥାପି ସମସ୍ତେ ସତର୍କ ହେବା ଆବଶ୍ୟକ । ଗୁଲେରିଆ (Dr Randeep Guleria) କହିଛନ୍ତି, ଭୟ କରନ୍ତୁ ନାହିଁ, ଏହା ଏକ ହାଲୁକା ରୋଗ, କିନ୍ତୁ ସାବଧାନ ରୁହନ୍ତୁ ।

ଏହାପୂର୍ବରୁ ଡକ୍ଟର ଗୁଲେରିଆ (Dr Randeep Guleria) କହିଛନ୍ତି ଯେ ଓମିକ୍ରନ୍ ଭାରିଆଣ୍ଟ (Omicron Variant) ଫୁସଫୁସ ଅପେକ୍ଷା ଉପର ଶ୍ୱାସକ୍ରିୟା ଉପରେ ପ୍ରଭାବ ପକାଇଥାଏ ଓ କୋମୋରବିଡିଟିସ୍ ନଥିବା ଲୋକମାନେ ଭୟଭୀତ ହେବା ଉଚିତ୍ ନୁହେଁ । ଡାକ୍ତରଖାନା ଯିବାରୁ ଦୂରେଇ ରୁହନ୍ତୁ । ଇଣ୍ଡିଆନ୍ ଏକ୍ସପ୍ରେସ୍ ସହିତ ସାକ୍ଷାତକାର ସମୟରେ ସେ କହିଛନ୍ତି ଯେ ପ୍ରଭାବୀ ହୋମ୍ ଆଇସୋଲେଶନ ଉପରେ ଧ୍ୟାନ କେନ୍ଦ୍ରିତ କରାଯିବା ଆବଶ୍ୟକ କାରଣ ନୂତନ ଭାରିଆଣ୍ଟ୍ରରୁ ରିକଭରୀ ସମୟ ଅତ୍ୟନ୍ତ ଦ୍ରୁତ ରହିଛି । ଆମେ ଏଠାରେ ଯାହା ଦେଖୁଛୁ ତାହା ହେଉଛି ଜ୍ୱର, ନାକରୁ ପାଣି ବାହାରିବା, ଗଳା ଯନ୍ତ୍ରଣା ଏବଂ ଶରୀରର ଯନ୍ତ୍ରଣା ଏବଂ ମୁଣ୍ଡବିନ୍ଧା । ଯଦି ଏହି ଲକ୍ଷଣଗୁଡ଼ିକ ମଧ୍ୟରୁ କୌଣସିଟି ଦେଖାଯାଏ, ତେବେ ସେମାନେ ଆଗକୁ ଆସି ନିଜର ପରୀକ୍ଷା କରିବା ଉଚିତ୍ ।

ଗତ ସପ୍ତାହରେ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ କହିଥିଲା ଯେ ଜେନୋମିକ୍ ସର୍ଭିଲାନ୍ସ ମାଧ୍ୟମରେ ୧,୨୭୦ ଓମିକ୍ରନ୍ ମାମଲା ଚିହ୍ନଟ ହୋଇଛି, ସେଥିମଧ୍ୟରୁ ୩୭୪ଟି ସମ୍ପୂର୍ଣ୍ଣ ସୁସ୍ଥ ହୋଇଯାଇଛି । ଭାରତର କୋଭିଡ୍ ଟାସ୍କ ଫୋର୍ସର ସଦସ୍ୟ ଡକ୍ଟର ଗୁଲେରିଆ କହିଛନ୍ତି ଯେ ଗୁରୁତର ରୋଗରେ ପୀଡିତ ବ୍ୟକ୍ତିଙ୍କ ପାଇଁ ଡାକ୍ତରଖାନାର ଶଯ୍ୟା ଖାଲି ରହିବା ଉଚିତ୍ । ତେବେ ସେ କହିଛନ୍ତି ଯେ ନୂତନ ବର୍ଷ ଆରମ୍ଭରେ ପୂର୍ବ ବିପଦ ଅପେକ୍ଷା ଏଥର ଟିକା ଯୋଗୁଁ ଦେଶ ଭଲ ସ୍ଥିତିରେ ଅଛି ।

ଏହା ବି ପଢ଼ନ୍ତୁ:-ପୁରୀ ଏକ୍ସପ୍ରେସ ଟ୍ରେନର ରୁଟରେ ବଡ଼ ପରିବର୍ତ୍ତନ କଲା ରେଲୱେ, ଜାଣନ୍ତୁ ବର୍ତ୍ତମାନ କେଉଁ ମାର୍ଗ ଦେଇ ଗତି କରିବେ ଏସବୁ ଟ୍ରେନ୍

ଏହା ବି ପଢ଼ନ୍ତୁ:-କୋରୋନା ସଙ୍କଟ: ଦେଶରେ ଦିନକରେ ଚିହ୍ନଟ ହେଲା ୧ ଲକ୍ଷରୁ ଉର୍ଦ୍ଧ୍ୱ ମାମଲା, ଆଖି ବୁଜିଲେ ୩୦୨ ସଂକ୍ରମିତ

ଏହା ବି ପଢ଼ନ୍ତୁ:-ସୁଧୁରିବାର ନା ନେଉନି ଚୀନ, ବର୍ତ୍ତମାନ ପରମାଣୁ ଅସ୍ତ୍ର ଓ ଏହାର ବ୍ୟବହାରକୁ ନେଇ ବଡ଼ ବୟାନ ଦେଲା ଡ୍ରାଗନ୍

ମହାମାରୀ ଶେଷ ହୋଇନାହିଁ ବୋଲି ସେ କହିଛନ୍ତି । ଗୁଲେରିଆ କହିଛନ୍ତି ଯେ ଦେଶରେ ନୂତନ କୋଭିଡ ମାମଲାରେ ବୃଦ୍ଧି ଘଟୁଛି ଓ ତେଣୁ ଅଧିକ ସଜାଗ ହେବାର ସମୟ ଆସିଛି । ନୂତନ ପ୍ରକାରର ମୁକାବିଲା ପାଇଁ COVID-19 ଉପଯୁକ୍ତ ଆଚରଣ ହେଉଛି ସବୁଠାରୁ ଶକ୍ତିଶାଳୀ ଉପକରଣ । ଡକ୍ଟର ଗୁଲେରିଆଙ୍କ ବୟାନ ଏପରି ଏକ ସମୟରେ ଆସିଛି ଯେତେବେଳେ ସାରା ଦେଶରେ ଓମିକ୍ରନ୍ ମାମଲା ଦ୍ରୁତ ଗତିରେ ବଢ଼ିବାରେ ଲାଗିଛି । ଦେଶରେ ବର୍ତ୍ତମାନ ସୁଦ୍ଧା ଓମିକ୍ରନର ୩ ହଜାରରୁ ଉର୍ଦ୍ଧ୍ୱ ମାମଲା ଚିହ୍ନଟ ହୋଇସାରିଛି । ଏହାସହ ଦେଶର ୨୭ଟି ରାଜ୍ୟ ଓ କେନ୍ଦ୍ର ଶାସିତ ଅଞ୍ଚଳରେ ଏହି ନୂଆ ଭାରିଆଣ୍ଟ ବ୍ୟାପି ସାରିଛି ।