ଏହି ରାଜ୍ୟ ସରକାର ଚାଷୀଙ୍କୁ ଦେଲେ ବଡ଼ ଉପହାର! ମିଳିବ ୧୨୦୦୦ ଟଙ୍କା

ଜୟପୁର: ରାଜସ୍ଥାନ (Rajasthan) ର ଅଶୋକ ଗେହଲଟ ସରକାର (Ashok Gehlot Govt) ରାଜ୍ୟର ଚାଷୀଙ୍କ ପାଇଁ ଏକ ବଡ଼ ଘୋଷଣା କରିଛନ୍ତି । ସରକାର କହିଛନ୍ତି ଯେ ଖୁବ୍ ଶୀଘ୍ର ଚାଷୀଙ୍କୁ ବିଦ୍ୟୁତ୍ ବିଲ୍ ସବସିଡି ଆକାରରେ ପ୍ରତି ମାସରେ ୧୦୦୦ ଟଙ୍କା ସିଧାସଳଖ ଆକାଉଣ୍ଟକୁ ଦିଆଯିବ । ଏହି ପରି ଭାବରେ କୃଷକମାନଙ୍କୁ ବାର୍ଷିକ ୧୨,୦୦୦ ଟଙ୍କା (12000 yearly subsidy on electricity bill for farmers) ଦେବାର ଘୋଷଣା କରାଯାଇଛି । ସିଏମ୍ ଗେହଲଟ କହିଛନ୍ତି ଯେ ପୂର୍ବରୁ ଚାଷୀଙ୍କୁ ବିଦ୍ୟୁତ୍ ବିଲ୍ ଉପରେ ମାସିକ ୮୩୩ ଟଙ୍କା ସବସିଡି ବ୍ୟାଙ୍କ ଆକାଉଣ୍ଟରେ ଦେବାର ଯୋଜନା ଆରମ୍ଭ କରିବାର ଥିଲା, କିନ୍ତୁ ଏହା ସଠିକ୍ ଭାବରେ ଲାଗୁ ହୋଇପାରି ନାହିଁ ।

ଅଧିକ ପଢ଼ନ୍ତୁ:-ଆସାମ ନିର୍ବାଚନ ପୂର୍ବରୁ ବିଜେପିକୁ ବଡ଼ ଝଟକା: BPF ଛାଡିଲା ଏନଡିଏର ସାଥ୍, କଂଗ୍ରେସ ସହ ମିଳାଇଲା ହାତ

ଗେହଲଟ୍ (Ashok Gehlot) ଆହୁରି କହିଛନ୍ତି ଯେ, ଯଦି କୃଷକ (Farmers) ଙ୍କ ମିଟର ଲାଗିଛି ଏବଂ ବିଦ୍ୟୁତ ବିଲ୍ ଆସୁଛି, ତେବେ ରାଜ୍ୟର ଯେକୌଣସି କୃଷକ ଏହି ସୁବିଧା ନେଇପାରିବେ । ସେ ଆହୁରି କହିଛନ୍ତି ଯେ, ବିଜେପି ୧୦,୦୦୦ ଦେବାକୁ ପ୍ରତିଶ୍ରୁତି ଦେଇଥିଲା । କିନ୍ତୁ ବର୍ତ୍ତମାନ ଆମେ ବାର୍ଷିକ ୧୨୦୦୦ ଟଙ୍କା ଦେବୁ । ଯେଉଁ ଚାଷୀଙ୍କ ବିଲ୍ ମିଟରରୁ ଆସିଥାଏ, ସେମାନଙ୍କ ବ୍ୟାଙ୍କ ଆକାଉଣ୍ଟରେ ୮୩୩ ଟଙ୍କା ବଦଳରେ ମାସକୁ ୧୦୦୦ ଟଙ୍କା ଏବଂ ସର୍ବାଧିକ ୧୦,୦୦୦ ବଦଳରେ ବାର୍ଷିକ ୧୨,୦୦୦ ଟଙ୍କା ଜମା କରାଯିବ ।

ଅଧିକ ପଢ଼ନ୍ତୁ:-ସର୍ଭେ: ବଙ୍ଗଳାରେ 'ଦିଦି'ଙ୍କ ହ୍ୟାଟ୍ରିକ୍, ଆସାମରେ ଫେରିବ ବିଜେପି, ଜାଣନ୍ତୁ କେରଳ, ତାମିଲନାଡୁ ଓ ପୁଡୁଚେରୀରେ କିଏ ଗଢ଼ିବେ ସରକାର

ଗେହଲଟଙ୍କ ଅନୁଯାୟୀ ବୁଧବାର ଦିନ ବିଧାନସଭାରେ ଉପସ୍ଥାପିତ ବଜେଟରେ ସେ ଏହି ପ୍ରସ୍ତାବ ଦେଇଛନ୍ତି । ସେ ଗୁରୁବାର ଟ୍ୱିଟ୍ କରି କହିଛନ୍ତି, "ପୂର୍ବ ବିଜେପି ସରକାର ୨୦୧୮ରେ ବିଧାନସଭା ନିର୍ବାଚନର ଆଚରଣ ବିଧି ଲାଗୁ ହେବାର ଗୋଟିଏ ଦିନ ପୂର୍ବରୁ ରାଜନୈତିକ ଫାଇଦା ଉଠାଇବା ପାଇଁ କୃଷକଙ୍କୁ ବିଦ୍ୟୁତ ବିଲ୍ ଉପରେ ୮୩୩ ଟଙ୍କା ପ୍ରତିମାସ ସବସିଡି ବ୍ୟାଙ୍କ ଆକାଉଣ୍ଟରେ ଦେବା ଆରମ୍ଭ କରିଥିଲା କିନ୍ତୁ ଏହା ପାଇଁ କୌଣସି ଯୋଜନା କରାଯାଇନଥିଲା ଏବଂ ନା ହିଁ କୌଣସି ଆର୍ଥିକ ବ୍ୟବସ୍ଥା କରିଥିଲା ।"

ଅଧିକ ପଢ଼ନ୍ତୁ:-ମୋଦି ସରକାରଙ୍କ ଏହି ସ୍କିମରେ ମିଳୁଛି ଶସ୍ତା ସୁନା, ମାର୍ଚ୍ଚ ୫ ଯାଏ କିଣିବାର ସୁଯୋଗ

ସେ ଆହୁରି ମଧ୍ୟ ଲେଖିଛନ୍ତି ଯେ, "ଆମ ସରକାର ଅନୁଭବ କରିଛନ୍ତି ଯେ କୃଷକମାନେ ଏଭଳି ଦାବି କରୁଛନ୍ତି, ତେଣୁ ମୁଁ ବଜେଟରେ ଘୋଷଣା କରିଛି ଯେ ଯେଉଁ ଚାଷୀଙ୍କ ବିଲ୍ ମିଟର ଆଧାରରେ ଆସିଥାଏ, ସେମାନଙ୍କୁ ୮୩୩ ଟଙ୍କା ବଦଳରେ ମାସିକ ୧୦୦୦ ଟଙ୍କା ଏବଂ ସର୍ବାଧିକ ୧୦,୦୦୦ ଟଙ୍କା ପରିବର୍ତ୍ତେ ବାର୍ଷିକ ୧୨,୦୦୦ ଟଙ୍କା ବ୍ୟାଙ୍କ ଖାତାରେ ଜମା କରାଯିବ ।"