ମନ୍ଦିର ଉପରେ ଆକ୍ରମଣକୁ ବରଦାସ୍ତ କରାଯିବନି, ଏପରି କହି ୟୁକେ କାନାଡ଼ାକୁ ଶକ୍ତି ଦେଖାଇଲା ଭାରତ

ନୂଆଦିଲ୍ଲୀ: ସମଗ୍ର ବିଶ୍ୱରେ (World) ଭାରତୀୟଙ୍କ (Indian) ସୁରକ୍ଷା ପ୍ରତି କେନ୍ଦ୍ରରେ ଥିବା ମୋଦି ସରକାର (Modi Government) ପ୍ରତିଶୃତିବଦ୍ଧ। ଏପରିକି ଯେଉଁ ରାଷ୍ଟ୍ରରେ (Nationalism) ହିନ୍ଦୁମାନେ ବିପଦରେ ରହିଛନ୍ତି, ସେମାନଙ୍କୁ ଉଦ୍ଧାର କରିବାକୁ ମୋଦି ସରକାର (Modi Government) ସବୁବେଳେ ପଦକ୍ଷେପମାନ ଗ୍ରହଣ କରିଆସିଛନ୍ତି। ଏହି କ୍ରମରେ ବ୍ରିଟେନ (Britain) ଓ କାନାଡ଼ାରେ (Canada) ଶିଖ କଟୋରପନ୍ଥି, ମନ୍ଦିର ଉପରେ ଆକ୍ରମଣ ହେଉ ଅବା ହିନ୍ଦୁ ଧର୍ମର ପ୍ରତିକ ଭଙ୍ଗାରୁଜା ଘଟଣା ଉପରେ ଭାରତର ନଜର ରଖିଛି। ଏହାକୁ ନେଇ ଉଭୟ ବ୍ରିଟେନ (Britain) ଓ କାନାଡ଼ା (Canada) ସରକାରଙ୍କୁ ନିଜର ଶକ୍ତି ଦେଖାଇଛନ୍ତି ମୋଦି ସରକାର। ଲିସେଷ୍ଟରରେ ଭାରତୀୟ ସମ୍ପ୍ରଦାୟ ବିରୋଧରେ ହୋଇଥିବା ହିଂସାକୁ ନେଇ ଭାରତ ତୀବ୍ର ବିରୋଧ ପ୍ରଦର୍ଶନ କରିଛି। ଏହାକୁ ନେଇ ବ୍ରିଟେନ କର୍ତ୍ତୃପକ୍ଷଙ୍କ ବିରୋଧରେ ଏକ ପ୍ରତିବାଦ କରାଯାଇଛି। ବିଚ୍ଛିନ୍ନତାବାଦକୁ ପ୍ରୋତ୍ସାହିତ କରିବା ପାଇଁ ଶିଖ ମୌଳିକବାଦୀଙ୍କ ଦ୍ୱାରା ବ୍ରିଟିଶ ସୁରକ୍ଷା ଏଜେନ୍ସିମାନେ କିପରି ପାଣ୍ଠି ସଂଗ୍ରହକୁ ଅଣଦେଖା କରୁଛନ୍ତି ତାହା ମଧ୍ୟ ସରକାର ଧ୍ୟାନ ଦେଇଛନ୍ତି।

ଉଭୟ ଦେଶରେ ଭାରତ ବିରୋଧୀ ଘଟଣାର ଜବାବ ଦେବାକୁ ମୋଦି ସରକାର ନିଷ୍ପତ୍ତି ନେଇଛନ୍ତି। ବୈଦେଶିକ ବ୍ୟାପାର ମନ୍ତ୍ରୀ ସୁବ୍ରମଣ୍ୟମ ଜୟଶଙ୍କର ଏବଂ ଜାତୀୟ ସୁରକ୍ଷା ପରାମର୍ଶଦାତା ଅଜିତ ଡୋଭାଲ ଉଭୟ ଦେଶରେ ଏହି ଘଟଣା ସମ୍ପର୍କରେ ସୂଚନା ଦେଇଛନ୍ତି।

ୟୁକ୍ରେନ ଅଧିକୃତ ଅଞ୍ଚଳ ଉପରେ ଋଷର ଉପନିର୍ବାଚନକୁ କାନାଡାର ପ୍ରଧାନମନ୍ତ୍ରୀ ଜଷ୍ଟିନ ଟ୍ରୁଡୋ ଦୃଢ ନିନ୍ଦା କରିଛନ୍ତି। କିନ୍ତୁ, ସେ ୧୯ ସେପ୍ଟେମ୍ବରରେ ବ୍ରମ୍ପଟନ୍ ଏବଂ ଆଣ୍ଟାରିଓରେ ନିଷିଦ୍ଧ ଶିଖ୍ ଫର ଜଷ୍ଟିସ୍ ସଂଗଠନ ଦ୍ୱାରା ଆୟୋଜିତ ତଥାକଥିତ ଉପନିର୍ବାଚନକୁ ଆଖି ବୁଜି ଦେଇଛନ୍ତି। ଗ୍ଲୋବାଲ ଆଫେୟାର୍ସ କାନାଡାକୁ ନରେନ୍ଦ୍ର ମୋଦି ସରକାର ତିନୋଟି କୂଟନୈତିକ ବାର୍ତ୍ତା ପଠାଇଛନ୍ତି। ବେଆଇନ ଉପନିର୍ବାଚନ ବନ୍ଦ କରିବାକୁ ଟ୍ରୁଡୋ ସରକାରଙ୍କୁ କହିଛନ୍ତି।

ଟ୍ରୁଡୋ ସରକାର ୧୬ ସେପ୍ଟେମ୍ବରରେ ମୋଦି ସରକାରଙ୍କୁ ପ୍ରତିକ୍ରିୟା ଦେଇ କହିଛନ୍ତି ଯେ କାନାଡା ଭାରତର ଆଞ୍ଚଳିକ ଅଖଣ୍ଡତା ଏବଂ ସାର୍ବଭୌମତ୍ୱକୁ ସମ୍ମାନ କରେ। ଏହି ତଥାକଥିତ ଉପନିର୍ବାଚନକୁ କାନାଡ଼ା ସ୍ୱୀକୃତି ଦିଏ ନାହିଁ। ସେପଟେ ପ୍ରଧାନମନ୍ତ୍ରୀ ଟ୍ରୁଡୋଙ୍କ ଦ୍ୱାରା ଏହି ଘଟଣାର କୌଣସି ନିନ୍ଦା କରାଯାଇ ନଥିଲା। ଏହାର ପ୍ରତିକ୍ରିୟାରେ ଟ୍ରୁଡୋ ସରକାର କହିଛନ୍ତି ଯେ କାନାଡାର ବ୍ୟକ୍ତିବିଶେଷ ଏକତ୍ରିତ ହୋଇ ନିଜର ମତ ପ୍ରକାଶ କରିବାର ଅଧିକାର ପାଇଛନ୍ତି।