ନୂଆଦିଲ୍ଲୀ: BJP MP Subramanian Swamy on Sri Lanka Economic Crisis: ଆର୍ଥିକ ଓ ରାଜନୈତିକ ସଙ୍କଟ ମଧ୍ୟରେ ଶ୍ରୀଲଙ୍କା (Sri Lanka) ଅଶାନ୍ତ ହୋଇପଡିଛି । ଲୋକମାନେ ରାସ୍ତାରେ ଓହ୍ଲାଇ ସରକାରଙ୍କ ବିରୋଧରେ ପ୍ରଦର୍ଶନ କରୁଛନ୍ତି । ଏହାକୁ ନେଇ ବିଜେପି ସାଂସଦ ସୁବ୍ରମଣ୍ୟମ ସ୍ୱାମୀ (BJP MP Subramanian Swamy) କହିଛନ୍ତି ଯେ, ମୋଦି ସରକାର (Modi Government) ଙ୍କୁ ସେଠାରେ ଭାରତୀୟ ସେନା (Indian Army) ପଠାଇବା ଉଚିତ । ଏଥିସହ ସେଠାକାର ପରିସ୍ଥିତିରୁ ଭାରତ ପ୍ରତି ବିପଦ ହେବାର ସମ୍ଭାବନା ମଧ୍ୟ ରହିଛି ବୋଲି ସେ କହିଛନ୍ତି ।


COMMERCIAL BREAK
SCROLL TO CONTINUE READING

ଏକ ଟ୍ୱିଟରେ ସ୍ୱାମୀ (Subramanian Swamy) କହିଛନ୍ତି ଯେ, "ସାମ୍ବିଧାନିକ ପବିତ୍ରତା ଫେରାଇ ଆଣିବା ପାଇଁ ଭାରତୀୟ ସେନାକୁ ଶ୍ରୀଲଙ୍କାକୁ ପଠାଇ ଭାରତ ହସ୍ତକ୍ଷେପ କରିବା ଉଚିତ୍ । ବର୍ତ୍ତମାନ ଭାରତ ବିରୋଧୀ ବିଦେଶୀ ଶକ୍ତି ଲୋକଙ୍କ କ୍ରୋଧର ଲାଭ ଉଠାଉଛନ୍ତି । ଏଥିରୁ ଭାରତର ସୁରକ୍ଷା ପ୍ରତି ବିପଦ ରହିଛି ।"


ଅନ୍ୟପକ୍ଷରେ ଶ୍ରୀଲଙ୍କାରେ ଅବସ୍ଥା ବିଗିଡିବା ନେଇ ବିରୋଧୀ ଦଳ କେନ୍ଦ୍ରର ମୋଦି ସରକାରଙ୍କ ଉପରେ ଆକ୍ରମଣ କରୁଛନ୍ତି । ସେମାନେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ପଡ଼ୋଶୀ ଦେଶର ପରିସ୍ଥିତିରୁ କିଛି ଶିଖିବାକୁ ପରାମର୍ଶ ଦେଉଛନ୍ତି । ସେପଟେ ଭାରତ ମଙ୍ଗଳବାର କହିଛି ଯେ, ପଡୋଶୀ ଦେଶ ତଥା ପୁରୁଣା ସମ୍ପର୍କ ଭାବରେ ଶ୍ରୀଲଙ୍କାରେ ଗଣତନ୍ତ୍ର, ସ୍ଥିରତା ଏବଂ ଆର୍ଥିକ ସ୍ଥିତିକୁ ଫେରାଇ ଆଣିବା ପାଇଁ ଭାରତ ସମ୍ପୂର୍ଣ୍ଣ ସମର୍ଥନ କରୁଛି ।


ବୈଦେଶିକ ମନ୍ତ୍ରଣାଳୟର ମୁଖପାତ୍ର ଅରିନ୍ଦମ ବାଗଚି କହିଛନ୍ତି ଯେ. "ପଡ଼ୋଶୀ ପ୍ରଥମ" ନୀତି ଅନୁଯାୟୀ ଶ୍ରୀଲଙ୍କାର ଲୋକଙ୍କୁ କଠିନ ପରିସ୍ଥିତିରୁ ବାହାରିବା ପାଇଁ ଭାରତ ଚଳିତ ବର୍ଷ ୩.୫ ବିଲିୟନ ଆମେରିକୀୟ ଡଲାରରୁ ଅଧିକ ସହାୟତା ଯୋଗାଇ ଦେଇଛି । ଏଥିସହ ଖାଦ୍ୟ ଓ ଔଷଧ ଭଳି ଅତ୍ୟାବଶ୍ୟକ ସାମଗ୍ରୀର ଅଭାବକୁ ଦୂର କରିବାରେ ଭାରତୀୟମାନେ ସାହାଯ୍ୟ କରିଛନ୍ତି । ସେ କହିଛନ୍ତି ଯେ ଶ୍ରୀଲଙ୍କାବାସୀଙ୍କ ସ୍ୱାର୍ଥ ପାଇଁ ଭାରତ ସର୍ବଦା କାର୍ଯ୍ୟ କରିବ ।


ଏହା ବି ପଢ଼ନ୍ତୁ:-ରାସନ କାର୍ଡ ହିତାଧିକାରୀଙ୍କ ପାଇଁ ଖୁସି ଖବର! ସରକାର କଲେ ବଡ଼ ଘୋଷଣା, ଶୀଘ୍ର ଉଠାନ୍ତୁ ଲାଭ


ଏହା ବି ପଢ଼ନ୍ତୁ:-ସରକାରୀ କର୍ମଚାରୀଙ୍କ ପାଇଁ ବହୁତ ବଡ଼ ଖୁସି ଖବର! ୧୩ ପ୍ରତିଶତ ବଢ଼ିବ ମହଙ୍ଗା ଭତ୍ତା, ମିଳିବ ୩ ମାସର ବକେୟା ରାଶି


ଏହା ବି ପଢ଼ନ୍ତୁ:-ସୂର୍ଯ୍ୟାସ୍ତ ପରେ ଭୁଲରେ ବି କରନ୍ତୁନି ଏହି ୫ଟି କାମ, ନଚେତ୍ ଜୀବନରେ ଆସିବ ଅନେକ ସମସ୍ୟା!


 


 


ଉଲ୍ଲେଖନୀୟ କଥା ହେଉଛି, ଶ୍ରୀଲଙ୍କାରେ ଆର୍ଥିକ ଓ ରାଜନୈତିକ ସଙ୍କଟ ଯୋଗୁଁ ପରିସ୍ଥିତି କ୍ରମାଗତ ଭାବେ ଖରାପ ହେବାରେ ଲାଗିଛି । ସୋମବାର ପୂର୍ବତନ ପ୍ରଧାନମନ୍ତ୍ରୀ ମହିନ୍ଦା ରାଜପକ୍ଷେ (Mahinda Rajapaksa) ଙ୍କ ଇସ୍ତଫା ପରେ ରାସ୍ତାରେ ବିରୋଧ ଆରମ୍ଭ ହୋଇଛି । ବିକ୍ଷୋଭକାରୀମାନେ ଏଠାରେ ଉଗ୍ର ପ୍ରଦର୍ଶନ କରୁଛନ୍ତି । ମହିନ୍ଦା ରାଜପକ୍ଷେଙ୍କ ପୈତୃକ ବାସଭବନ ସମେତ ବହୁ ନେତାଙ୍କ ଘରେ ଉଗ୍ର ପ୍ରଦର୍ଶନକାରୀମାନେ ନିଆଁ ଲଗାଇ ଦେଇଥିଲେ ।


ଶ୍ରୀଲଙ୍କାରେ ଅନେକ ଦିନ ଧରି ସରକାରଙ୍କ ବିରୋଧରେ ଦେଶବ୍ୟାପୀ ପ୍ରଦର୍ଶନ ଚାଲିଛି ଯାହା ବର୍ତ୍ତମାନ ଉଗ୍ର ରୂପ ଧାରଣ କରିଛି । ଅତ୍ୟାବଶ୍ୟକ ଦ୍ରବ୍ୟର ମୂଲ୍ୟ ବୃଦ୍ଧି ଓ ବିଦ୍ୟୁତ୍ କାଟକୁ ନେଇ ଗତ ମାସରୁ କ୍ରମାଗତ ବିରୋଧ ପ୍ରଦର୍ଶନ କରାଯାଉଛି । ମୁଖ୍ୟତଃ ବୈଦେଶିକ ମୁଦ୍ରା ଅଭାବ ଯୋଗୁଁ ଦେଶର ଅର୍ଥନୈତିକ ସଙ୍କଟ ଦେଖାଦେଇଛି, ଯେଉଁ କାରଣରୁ ଦେଶ ମୁଖ୍ୟ ଖାଦ୍ୟ ସାମଗ୍ରୀ ଓ ଇନ୍ଧନ ଆମଦାନୀ ପାଇଁ ଦେୟ ପ୍ରଦାନ କରିପାରୁ ନାହିଁ ।