କୋଲକାତା: ବିଜେପିର ଯୁବ ନେତ୍ରୀ ପାମେଲା ଗୋସ୍ୱାମୀ (BJP Yuva Morcha leaders Pamela Goswami) ଙ୍କୁ ଶୁକ୍ରବାର ପୋଲିସ ଗିରଫ କରିଛି । ସେ ନିଜ କାରରେ କୋକେନ ନେଇ ଯାଉଥିଲେ । ପୋଲିସ ତାଙ୍କ ବନ୍ଧୁ ପ୍ରବୀର କୁମାର ଦେଙ୍କୁ ମଧ୍ୟ ନୂଆ ଆଲିପୁର ଅଞ୍ଚଳର ଏନଆର ଏଭେନ୍ୟୁରୁ ଗିରଫ କରିଛି । ବିଜେପି ଯୁବ ମୋର୍ଚ୍ଚାର ପର୍ଯ୍ୟବେକ୍ଷକ ତଥା ହୁଗଲି ଜିଲ୍ଲାର ସାଧାରଣ ସମ୍ପାଦକ ପାମେଲା ଗୋସ୍ୱାମୀଙ୍କୁ କୋଲକାତାର ନୂଆ ଆଲିପୁରରୁ ଲକ୍ଷ ଲକ୍ଷ ଟଙ୍କା ମୂଲ୍ୟର କୋକେନ ସହ ଗିରଫ କରାଯାଇଛି । ମହିଳା ନେତ୍ରୀଙ୍କ କାରରେ ବହୁ ପରିମାଣର ବେଆଇନ ଡ୍ରଗ୍ସ ମିଳିଥିଲା । 


COMMERCIAL BREAK
SCROLL TO CONTINUE READING

ଅଧିକ ପଢ଼ନ୍ତୁ:-ଶହେ ପାର ହେଲା ପେଟ୍ରୋଲ ଦର, ତ ମଧ୍ୟପ୍ରଦେଶର ମନ୍ତ୍ରୀ ପିଏମ ମୋଦିଙ୍କୁ ଜଣାଇଲେ-'ଅଭିନନ୍ଦନ'


ପୋଲିସ ଅଧିକାରୀ କହିଛନ୍ତି ଯେ, ପାମେଲା ଗୋସ୍ୱାମୀ ଶୁକ୍ରବାର ତାଙ୍କ କାରରେ କୋକେନ ନେଇ ଯାଉଥିବା ବେଳେ ଗିରଫ କରାଯାଇଥିଲା । ତାଙ୍କ ବନ୍ଧୁ ପ୍ରବୀର କୁମାର ଦେଙ୍କୁ ମଧ୍ୟ ଗିରଫ କରାଯାଇଛି । କୋଲକାତାର ଆଲିପୁର ଅଞ୍ଚଳର ଏନଆର ଆଭେନ୍ୟୁରୁ ପ୍ରବୀରଙ୍କୁ ଗିରଫ କରାଯାଇଛି । ପାମେଲାଙ୍କୁ ଗିରଫ କରାଯିବା ସମୟରେ ତାଙ୍କ କାରରେ ଜଣେ ସୁରକ୍ଷାକର୍ମୀ ମଧ୍ୟ ଉପସ୍ଥିତ ଥିଲେ ।


ଅଧିକ ପଢ଼ନ୍ତୁ:-୪.୫ କୋଟି ଲୋକଙ୍କ ପାଇଁ ବଡ଼ ଖବର, PF ଖାତାରେ ଅନଲାଇନ୍ ପରିବର୍ତ୍ତନକୁ ନେଇ ନୂଆ ଗାଇଡଲାଇନ୍ସ


ଗଣମାଧ୍ୟମର ରିପୋର୍ଟ ଅନୁଯାୟୀ, ପୋଲିସ ଅଧିକାରୀଙ୍କୁ ଦୀର୍ଘ ଦିନରୁ ପାମେଲା ଉପରେ ଡ୍ରଗ୍ କାରବାରରେ ସମ୍ପୃକ୍ତ ଥିବାର ସନ୍ଦେହ ଥିଲା । ପାମେଲା ପ୍ରାୟତଃ ଏପରି ଏକ ସ୍ଥାନରେ ରହୁଥିଲେ, ଯେଉଁଠାରେ ସେ କୋକେନ କାରବାର କରୁଥିଲେ । ପୋଲିସ ସୂତ୍ର ଅନୁଯାୟୀ ଉଭୟ ଦୀର୍ଘ ଦିନ ଧରି ଡ୍ରଗ୍ କାରବାର ସହ ଜଡିତ ଥିଲେ । ଫେବୃଆରୀ ୧୯ରେ ପୋଲିସ ସେମାନଙ୍କ ବିଷୟରେ ଏକ ଗୁରୁତ୍ୱପୂର୍ଣ୍ଣ ସୂତ୍ର ପାଇଥିଲା । ଏହି ଲିଡକୁ ପିଛା କରି ପୋଲିସ ପାମେଲାଙ୍କୁ ଗିରଫ କରିଛି । ବିଜେପି ନେତ୍ରୀ ହେବା କାରଣରୁ ପାମେଲାଙ୍କୁ ମଧ୍ୟ ସୁରକ୍ଷା ଦିଆଯାଇଥିଲା । ଯେତେବେଳେ ତାଙ୍କୁ ଗିରଫ କରାଯାଇଥିଲା ସେତେବେଳେ ସୁରକ୍ଷା କର୍ମୀମାନେ ମଧ୍ୟ ତାଙ୍କ କାରରେ ଉପସ୍ଥିତ ଥିଲେ ।


ଅଧିକ ପଢ଼ନ୍ତୁ:-ଚିରାଗ ଉପରେ ଫୁଟିଲା ନୀତିଶ ବୋମା; ଏଲଜେପିକୁ ବଡ଼ ଝଟକା, ଦଳ ଛାଡ଼ି ଜେଡିୟୁରେ ସାମିଲ ହେଲେ ୨୦୮ ନେତା


ପାମେଲ ଠାରୁ ଜବତ ନିଶା ଦ୍ରବ୍ୟର ଆନୁମାନିକ ମୂଲ୍ୟ ପ୍ରାୟ ପାଞ୍ଚ ଲକ୍ଷ ଟଙ୍କା ହେବ । ପୋଲିସ ସେମାନଙ୍କୁ ପଚରାଉଚରା କରୁଛି । ଆଜି ପୋଲିସ ସେମାନଙ୍କୁ କୋର୍ଟରେ ଉପସ୍ଥାପନ କରିବ ଏବଂ ତା’ପରେ ନିଜ ହେପାଜତ ନେଇ ଜେରା କରିବ । ଏହା ଜାଣିବାକୁ ଚେଷ୍ଟା କରିବ ଯେ ଅନ୍ୟ କେଉଁ କେଉଁ ଲୋକମାନେ ଏହା ସହିତ ଜଡ଼ିତ ଅଛନ୍ତି?