CCI Fines Google: ଭାରତରେ ଗୁଗୁଲର ମନାମାନୀ, ସରକାର ପୁଣି ଲଗାଇଲେ ୯୩୫ କୋଟିର ଜରିମାନା ଛାଟ

CCI Fines Google: ଗୁଗୁଲର ମନମୁଖୀ ମନୋଭାବ ଉପରେ CCI କଠୋର ଆଭିମୁଖ୍ୟ ଗ୍ରହଣ କରିଛି । ଶେଷ 5 ଦିନ ମଧ୍ୟରେ ଦ୍ୱିତୀୟ ଥର ପାଇଁ ଗୁଗୁଲ ଉପରେ CCI ଜରିମାନା ଲାଗୁ କରିଛି ।

CCI Fines Google: ସର୍ଚ୍ଚ ଇଞ୍ଜିନ୍ ଗୁଗୁଲର ମନମାନୀ ବନ୍ଦ କରିବା ପାଇଁ ଭାରତୀୟ ପ୍ରତିସ୍ପ୍ରଧା ଆୟୋଗ (CCI) ପୁଣି ଥରେ ଜରିମାନା ଲଗାଇଛି । ପ୍ଲେ ଷ୍ଟୋର ପଲିସିରେ ଏହାର ପ୍ରାଧାନ୍ୟ ପଦବୀର ଅପବ୍ୟବହାରକୁ ନେଇ ଗୁଗୁଲକୁ (Google) ଭାରତୀୟ ପ୍ରତିସ୍ପ୍ରଧା ଆୟୋଗ (CCI) ଦ୍ୱାରା ୯୩୬.୪୪ କୋଟି ଟଙ୍କା ଜରିମାନା କରାଯାଇଛି । ଅକ୍ଟୋବର ମାସରେ ଏହା ଦ୍ୱିତୀୟ ଥର ପାଇଁ ହୋଇଛି, ଯେତେବେଳେ ଗୁଗୁଲରେ ଏଭଳି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି ।

CCI ଗୁଗୁଲରେ ୯୩୬.୪୪ କୋଟି ଟଙ୍କା ଜରିମାନା କରିଛି । ଏହା ସହିତ ଗୁଗୁଲ୍ ପ୍ଲେ ଷ୍ଟୋରରେ ଆପ୍ ଡେଭଲପରମାନଙ୍କୁ ତୃତୀୟ ପକ୍ଷ ପେମେଣ୍ଟ ସିଷ୍ଟମ୍ ଓ ୟୁପିଆଇ ଅଧୀନରେ ଟଙ୍କା ରୋଜଗାର କରିବାକୁ ଅନୁମତି ଦେବାକୁ ନିର୍ଦ୍ଦେଶ ଦିଆଯାଇଛି । ଆହୁରି ମଧ୍ୟ, CCI ଗୁଗୁଲକୁ ନିର୍ଦ୍ଦେଶ ଦେଇଛି ଯେ ଗୁଗୁଲ କୌଣସି APP ଡେଭଲପରଙ୍କୁ (App developers) ନିଜର ପେମେଣ୍ଟ ସିଷ୍ଟମ (Payments System) ବ୍ୟବହାର କରିବାକୁ ବାଧ୍ୟ କରିପାରିବ ନାହିଁ ।

ଏହାପୂର୍ବରୁ CCI ଦ୍ୱାରା ପ୍ରାୟ ୧୩୩୮ କୋଟି ଟଙ୍କା ଜୋରିମାନା ଲାଗୁ କରାଯାଇଥିଲା । ଏହିପରି ଭାବେ ଗୁଗୁଲକୁ ଏପର୍ଯ୍ୟନ୍ତ ୨,୩୦୦ କୋଟି ଟଙ୍କା ଜୋରିମାନା କରାଯାଇଛି । ନିକଟରେ ଗୁଗୁଲ ଉପରେ ଭାରତୀୟ ପ୍ରତିସ୍ପ୍ରଧା ଆୟୋଗ (CCI) ୧୩୩୭.୭୬ କୋଟି ଟଙ୍କା ଜରିମାନା କରିଥିଲା । ଆଣ୍ଡ୍ରଏଡ୍ ମୋବାଇଲ୍ ଡିଭାଇସ୍ ସେଗମେଣ୍ଟରେ ଏହାର ଦୃଢ଼ ବଜାର ସ୍ଥିତିକୁ ଅପବ୍ୟବହାର କରିବା ପାଇଁ ପଦକ୍ଷେପ ନିଆଯାଇଛି । ଏଥିସହ ଅନ୍ୟାୟ ବାଣିଜ୍ୟ କାର୍ଯ୍ୟକଳାପ ବନ୍ଦ ଓ ବନ୍ଦ କରିବାକୁ ଅଗ୍ରଣୀ ଇଣ୍ଟରନେଟ୍ କମ୍ପାନୀକୁ CCI ନିର୍ଦ୍ଦେଶ ଦେଇଛି । ଏକ ନିର୍ଦ୍ଦିଷ୍ଟ ସମୟସୀମା ମଧ୍ୟରେ କାର୍ଯ୍ୟ କରୁଥିବା ପଦ୍ଧତିକୁ ସଂଶୋଧନ କରିବାକୁ ଗୁଗୁଲକୁ ମଧ୍ୟ ନିର୍ଦ୍ଦେଶ ଦିଆଯାଇଛି ।

ସର୍ଚ୍ଚ ଇଞ୍ଜିନ୍ ଗୁଗୁଲର ପ୍ରତିକ୍ରିୟା ମଧ୍ୟ CCI ର ପ୍ରଥମ ଆକ୍ସନ ପରେ ଆସିଥିଲା ​। କମ୍ପାନୀ କହିଛି, "CCI ର ନିଷ୍ପତ୍ତି ଭାରତୀୟ ଗ୍ରାହକ ଓ ବ୍ୟବସାୟ ପାଇଁ ଏକ ବଡ଼ ପ୍ରତିବନ୍ଧକ ଅଟେ । ଏହା ଭାରତୀୟଙ୍କ ପାଇଁ ଗମ୍ଭୀର ସୁରକ୍ଷା ବିପଦ ପାଇଁ ସୁଯୋଗ ଉପସ୍ଥାପନ କରେ, ଯେଉଁମାନେ ଆଣ୍ଡ୍ରଏଡ୍ର ସୁରକ୍ଷା ଫିଚର ଉପରେ ନିର୍ଭର କରନ୍ତି । ଏହି ନିଷ୍ପତ୍ତି ଭାରତୀୟ ମୋବାଇଲ୍ ଡିଭାଇସ୍ ପାଇଁ ଖର୍ଚ୍ଚ ହେବାର ସମ୍ଭାବନା ଅଛି ।" ଏହା ସହିତ ଗୁଗୁଲ ଏହି ନିଷ୍ପତ୍ତି ସମୀକ୍ଷା କରିବା ବିଷୟରେ ମଧ୍ୟ କହିଥିଲା ।