ନୂଆଦିଲ୍ଲୀ: Coronavirus in India: ଦେଶରେ କୋରୋନା ମାମଲା ହ୍ରାସ ପାଇବା ପରେ ବିଭିନ୍ନ ରାଜ୍ୟରେ ଅନଲକ୍ ପ୍ରକ୍ରିୟା ଆରମ୍ଭ ହୋଇଛି । ସେପଟେ ତଥ୍ୟ ଅନୁଯାୟୀ, ମହାରାଷ୍ଟ୍ର, ଦିଲ୍ଲୀ, ଉତ୍ତରପ୍ରଦେଶ ଏବଂ ଝାଡଖଣ୍ଡ ସମେତ ଦେଶର ଅନେକ ସ୍ଥାନରେ କୋରୋନା ମାମଲାରେ ବୃଦ୍ଧି ଘଟିଛି । ଅନଲକ୍ ପରଠାରୁ ଅନେକ ସ୍ଥାନରେ ଅବହେଳା ଓ କୋରୋନା ରୋକିବା ନିୟମ ଉଲ୍ଲଂଘନ ମାମଲା ସାମ୍ନାକୁ ଆସୁଛି । ଲୋକଙ୍କ ଏହି ଅସାବଧାନତା ଆଗାମୀ ସମୟରେ ଅତ୍ୟନ୍ତ ବିପଜ୍ଜନକ ହୋଇପାରେ ଓ ଯଦି ଏହା ଦୀର୍ଘ ସମୟ ଧରି ଚାଲିବ ତେବେ ଦେଶରେ ସଂକ୍ରମଣ ହାର ପୁଣି ଥରେ ବଢିପାରେ ।


COMMERCIAL BREAK
SCROLL TO CONTINUE READING

ଅଧିକ ପଢ଼ନ୍ତୁ:-ରେଳ ଯାତ୍ରୀଙ୍କ ପାଇଁ ଖୁସି ଖବର: ୧୪ଟି ବାତିଲ ଟ୍ରେନକୁ ପୁଣି ଆରମ୍ଭ କଲା ରେଲୱେ, ଦେଖନ୍ତୁ ସଂପୂର୍ଣ୍ଣ ତାଲିକା


ଅନଲକ୍ ପ୍ରକ୍ରିୟାରେ ଅନେକ ରାଜ୍ୟରେ ପ୍ରତିବନ୍ଧକକୁ ହଟାଇ ଦିଆଯାଇଛି । ତଥା ଦର୍ଶାଏ ଯେ ଏହି ସମୟରେ ନିୟମକୁ ଅଣଦେଖା କରିବା ଭାରୀ ପଡ଼ିବା ଆରମ୍ଭ କରିଛି । ମହାରାଷ୍ଟ୍ର ବିଷୟରେ କହିବାକୁ ଗଲେ ଜୁନ୍ ୧ର ଏଠାରେ ୧୪,୧୨୩ କୋରୋନା ମାମଲା ଚିହ୍ନଟ ହୋଇଥିଲା । ଏଥି ସହିତ ଜୁନ୍ ୮ରେ ଏହି ସଂଖ୍ୟା ୧୦,୨୧୯ ଥିବାବେଳେ ଜୁନ୍ ୯ରେ ମିଳିଥିବା ନୂତନ କୋରୋନା ସଂକ୍ରମିତଙ୍କ ସଂଖ୍ୟା ୧୦,୮୯୧  ରହିଛି । ଏହି ତଥ୍ୟରୁ ଜଣାପଡୁଛି ଯେ, ଜୁନ୍ ୮ ତୁଳନାରେ ଜୁନ ୯ରେ ୬୭୦ ଅଧିକ କୋରୋନା ମାମଲା ଏଠାରେ ଚିହ୍ନଟ କରାଯାଇଛି ।


ଅନ୍ୟପକ୍ଷରେ, ଯଦି ଆମେ ଦିଲ୍ଲୀ ବିଷୟରେ କଥା ହେଉ, ତେବେ ଏଠାରେ ମଧ୍ୟ କୋରୋନା ମାମଲାରେ ବୃଦ୍ଧି ଘଟିଛି । ଏଠାରେ ଜୁନ୍ ୧ରେ ୬୨୩ ମାମଲା ରିପୋର୍ଟ ହୋଇଥିବାବେଳେ ଜୁନ୍ ୮ରେ ଏହି ମାମଲା ୨୩୧କୁ ଖସି ଆସିଥିଲା । କିନ୍ତୁ ଜୁନ୍ ୯ ରେ ପୁଣି ଥରେ ଏହି ମାମଲା ୩୧୬କୁ ବୃଦ୍ଧି ପାଇଛି । ଏହି ତଥ୍ୟ ଦର୍ଶାଏ ଯେ ଲୋକମାନେ ପୁଣି ଥରେ ଏହି ମହାମାରୀ ବିରୁଦ୍ଧରେ ଅସାବଧାନତା ଅବଲମ୍ବନ କରୁଛନ୍ତି । ଯାହା ଅତ୍ୟନ୍ତ ବିପଜ୍ଜନକ ହୋଇପାରେ ।


ଅଧିକ ପଢ଼ନ୍ତୁ:-କେନ୍ଦ୍ର କର୍ମଚାରୀଙ୍କ ପାଇଁ ଡବଲ ଗୁଡ୍ ନ୍ୟୁଜ୍! ମହଙ୍ଗା ଭତ୍ତା ସହିତ ଏବେ Appraisal ରୁ ମଧ୍ୟ ବଢ଼ିବ ଦରମା


ଉତ୍ତରପ୍ରଦେଶ ଓ ଝାଡଖଣ୍ଡ ମଧ୍ୟ ଅନଲକ୍ ପ୍ରକ୍ରିୟା ଆରମ୍ଭ କରିଛନ୍ତି । ଏଠାରେ ମଧ୍ୟ କୋରୋନା ସଂଖ୍ୟାରେ ବୃଦ୍ଧି ଘଟିଛି । ଉତ୍ତରପ୍ରଦେଶରେ ଜୁନ୍ ୧ରେ ୧୨୨୧ ମାମଲା ଚିହ୍ନଟ ହୋଇଥିବାବେଳେ ଜୁନ୍ ୮ରେ ଏହି ମାମଲା ୬୯୪କୁ ହ୍ରାସ ପାଇଥିଲା । କିନ୍ତୁ ଜୁନ୍ ୯ରେ କୋରୋନା ମାମଲାରେ ସାମାନ୍ୟ ବୃଦ୍ଧି ସହିତ ୭୦୮ରେ ପହଞ୍ଚିଛି ।


ଏଥି ସହିତ ଜୁନ୍ ୧ରେ ଝାଡଖଣ୍ଡରେ ୬୦୯ ନୂଆ କୋରୋନା ମାମଲା ମିଳିଥିଲା । ଜୁନ୍ ୮ରେ ଏହି ମାମଲା ୩୫୮କୁ ଖସି ଆସିଥିଲା । କିନ୍ତୁ ଜୁନ୍ ୯ରେ ପୁଣି ଥରେ କୋରୋନା ମାମଲାରେ ବୃଦ୍ଧି ଘଟିଛି​ ଏବଂ ଏଠାରେ ୬୦୩ ନୂତନ ସଂକ୍ରମିତ ଦେଖିବାକୁ ମିଳିଛି । ଅନ୍ୟପଟେ ଏହି ସମୟରେ ପଞ୍ଜାବ, ପଶ୍ଚିମ ବଙ୍ଗ, ହରିୟାଣା, ରାଜସ୍ଥାନ ଏବଂ ଛତିଶଗଡରେ ପରିସ୍ଥିତି ସ୍ୱାଭାବିକ ରହିଛି ।