Drugs Case: ଅନନ୍ୟାଙ୍କୁ ଦୁଇ ଘଣ୍ଟା ଧରି କରାଯାଇଥିଲା ପଚରାଉଚରା, NCB ଅଧିକାରୀ ଦେଲେ ଏହି ବଡ଼ ବୟାନ
ଆଜି ଏନସିବି (NCB) ପ୍ରାୟ ଦୁଇ ଘଣ୍ଟା ଧରି ଅନନ୍ୟା ପାଣ୍ଡେଙ୍କୁ (Ananya Panday) ପଚରାଉଚରା କରିଛି । ଆସନ୍ତାକାଲି ସକାଳେ ମଧ୍ୟ ତାଙ୍କୁ ଏଜେନ୍ସି କାର୍ଯ୍ୟାଳୟରେ ହଜାର ହେବାକୁ ପଡିବ ।
ମୁମ୍ବାଇ: ଦୁଇ ଘଣ୍ଟା ପଚରାଉଚରା କରାଯିବା ପରେ ବଲିଉଡ ଅଭିନେତା ଅନନ୍ୟା ପାଣ୍ଡେ (Ananya Panday) ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ (NCB) କାର୍ଯ୍ୟାଳୟ ଛାଡିଛନ୍ତି । ଗତକାଲି ଏନସିବି ପକ୍ଷରୁ ପଚରାଉଚରା ପାଇଁ ଅନନ୍ୟାଙ୍କୁ ଡକାଯାଇଛି । ତାଙ୍କୁ ସକାଳ 11 ଟାରେ ଏନସିବି ଜୋନାଲ ମୁଖ୍ୟାଳୟକୁ ଆସିବାକୁ କୁହାଯାଇଛି ।
ଆଜି ସକାଳେ ଏନସିବି କର୍ମଚାରୀ ଅନନ୍ୟା ପାଣ୍ଡେଙ୍କ ଘରେ ପହଞ୍ଚି ତାଙ୍କୁ କାର୍ଯ୍ୟାଳୟକୁ ଡକାଇଥିଲେ । ଅନନ୍ୟାଙ୍କୁ ଏନସିବି ସାମ୍ନାରେ ନିଜ ବୟାନ ରେକର୍ଡ କରିବାକୁ ପଡିବ । ତେବେ ଅନନ୍ୟାଙ୍କ ଘରେ ପହଞ୍ଚିଥିବା ଏନସିବି ଦଳର ଜଣେ ଅଧିକାରୀ କହିଛନ୍ତି - ହଁ, ଏହା ଏକ ଯାଞ୍ଚ ଓ ଯେଉଁମାନଙ୍କୁ ଡକାଯିବ ସେମାନେ ଦୋଷୀ ହୋଇଥିବା ଜରୁରୀ ନୁହେଁ ।
ଜାତୀୟ ଗଣମାଧ୍ୟମର ଏକ ରିପୋର୍ଟ ଅନୁଯାୟୀ, ଏନସିବି ଅଧିକ ତଦନ୍ତ ପାଇଁ ଅନନ୍ୟାଙ୍କ ଲାପଟପ୍ ଓ ମୋବାଇଲ୍ ଜବତ କରିଛି । ଏନସିବି ସୂତ୍ର ଅନୁଯାୟୀ ଅନନ୍ୟାଙ୍କ ନାମ କିଛି ଦିନ ଧରି ସନ୍ଦେହ ଘେରରେ ଥିଲା ।
ଏହା ବି ପଢ଼ନ୍ତୁ: ଶେଷ ହେଲା ଭାରତର ଏହି ଦୁଇ ଷ୍ଟାର ଖେଳାଳିଙ୍କ କ୍ରିକେଟ କ୍ୟାରିୟର!
ଏହାପୂର୍ବରୁ ମଧ୍ୟ ଅନ୍ୟ ଏକ ବିବାଦରେ ପଡ଼ିଥିଲେ ଅନନ୍ୟା
ଆପଣଙ୍କୁ କହି ରଖିବୁ ଯେ 2019 ରେ ମଧ୍ୟ ଅନନ୍ୟା ଏକ ବିବାଦରେ ପଡ଼ିଥିଲେ । ଅନନ୍ୟାଙ୍କ ସହ ଅଧ୍ୟୟନ କରୁଥିବା ଜଣେ ଝିଅ ଅଭିନେତ୍ରୀଙ୍କ ଅଧ୍ୟୟନ ବିଷୟରେ ପ୍ରକାଶ କରିଥିଲେ । ସେ ଅନନ୍ୟାଙ୍କ କଲେଜ ଆଡମିଶନକୁ ନକଲି ବୋଲି କହିଥିଲେ । ଏଥିରୁ ସ୍ପଷ୍ଟ ଯେ ପ୍ରଥମ ଚଳଚ୍ଚିତ୍ର ରିଲିଜ ହେବା ପୂର୍ବରୁ ଅନନ୍ୟାଙ୍କ ଅବସ୍ଥା ବିଗିଡି ଯାଇଥିଲା । ଏହି ବିଷୟରେ ସ୍ପଷ୍ଟ କରିବାକୁ ଅନନ୍ୟା ସୋସିଆଲ ମିଡିଆର ସାହାଯ୍ୟ ମଧ୍ୟ ନେଇଥିଲେ ।
ଏହା ବି ପଢ଼ନ୍ତୁ: ଯଦି ଆପଣଙ୍କ ପାଖରେ ଏକ SBI ଆକାଉଣ୍ଟ ଅଛି, ତେବେ କଲ୍ କରି ମଗାଇପାରିବେ ୨୦ ହଜାର ଟଙ୍କା
2019 ସୁଦ୍ଧା, ଅନନ୍ୟାଙ୍କ ବିଷୟରେ ସୋସିଆଲ ମିଡିଆରେ ଏହି ଦାବି କରାଯାଇଥିଲା ଯେ ସେ ସାଉଥ୍ କାଲିଫର୍ଣ୍ଣିଆ ବିଶ୍ୱବିଦ୍ୟାଳୟରେ କେବେବି ଆଡମିଶନ ନେଇ ନଥିଲେ । ଏ ବିଷୟରେ ସେ ମିଥ୍ୟା ସୂଚନା ଦିଆଯାଇଛି । ଏହା ପରେ ଅନନ୍ୟା ନିଜେ ସୋସିଆଲ ମିଡିଆ ମାଧ୍ୟମରେ ଏହାର ଜବାବ ରଖିଥିଲେ ।