CM ହେବା ପରେ ଦେବେନ୍ଦ୍ର ଫଡନାଭିସକୁ ନେଇ ଏପରି କିଛି ଟିପ୍ପଣୀ କଲେ ଏକନାଥ ସିନ୍ଦେ

Maharashtra Politics: ଏକନାଥ ସିନ୍ଦେ କହିଛନ୍ତି, `ଲୋକମାନେ ଭାବୁଥିଲେ ଯେ ବିଜେପି କ୍ଷମତା ପାଇଁ ହତାଶ, କିନ୍ତୁ ବାସ୍ତବରେ ଏହା ଦେବେନ୍ଦ୍ର ଜୀଙ୍କର `ମାଷ୍ଟରଷ୍ଟ୍ରୋକ` । ଅଧିକ ସଂଖ୍ୟା (ବିଧାୟକ) ସତ୍ତ୍ୱେ ଅନ୍ୟ କାହାକୁ ସୁଯୋଗ ଦିଆଯାଇଛି ।`

Eknath Shinde on Devendra Fadnavis: ମହାରାଷ୍ଟ୍ର ମୁଖ୍ୟମନ୍ତ୍ରୀ ଏକନାଥ ସିନ୍ଦେ କହିଛନ୍ତି ଯେ ବିଜେପି ନେତା ଦେବେନ୍ଦ୍ର ଫଡନାଭିସଙ୍କ 'ମାଷ୍ଟରଷ୍ଟ୍ରୋକ' ତାଙ୍କୁ ମୁଖ୍ୟମନ୍ତ୍ରୀ ପଦକୁ ଆଣିଛି । ସେ କହିଛନ୍ତି, "ଲୋକମାନେ ଭାବୁଥିଲେ ଯେ ବିଜେପି କ୍ଷମତା ପାଇଁ ହତାଶ, କିନ୍ତୁ ବାସ୍ତବରେ ଏହା ଦେବେନ୍ଦ୍ର ଜୀଙ୍କର 'ମାଷ୍ଟର ଷ୍ଟ୍ରୋକ' ଅଟେ ।

ଗୁରୁବାର ଦିନ ସନ୍ଧ୍ୟାରେ ରାଜ ଭବନରେ ଏକନାଥ ସିନ୍ଦେ ମୁଖ୍ୟମନ୍ତ୍ରୀ ଓ ଫଡନାଭିସ୍ ଉପମୁଖ୍ୟମନ୍ତ୍ରୀ ଭାବରେ ଭାବରେ ଶପଥ ଗ୍ରହଣ କରିଛନ୍ତି । ଏହା ପରେ ସିନ୍ଦେ କହିଛନ୍ତି ଯେ ତାଙ୍କ ନିଷ୍ପତ୍ତି ସହିତ ରାଜ୍ୟ ତଥା ଦେଶର ଲୋକମାନେ ବଡ଼ ହୃଦୟର ଏକ ନୂତନ ଉଦାହରଣ ଦେଖିବାକୁ ପାଇଛନ୍ତି ।

'ମୋଦୀ-ଶାହା-ନଡ୍ଡାଙ୍କୁ ଦେଲେ ଖାସ ଧନ୍ୟବାଦ'
ସିନ୍ଦେ ଏକ ଟିଭି ଚ୍ୟାନେଲକୁ କହିଛନ୍ତି, "ସର୍ବାଧିକ ସଂଖ୍ୟା ଥିବା ଦଳ ମୁଖ୍ୟମନ୍ତ୍ରୀଙ୍କ ପଦବୀ ଦାବି କରିଥାନ୍ତି, କିନ୍ତୁ ଏହି ପରିପ୍ରେକ୍ଷୀରେ ମୁଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ଅମିତ ଶାହା, ଜେପି ନଡ୍ଡା ଓ ବିଶେଷ କରି ଦେବେନ୍ଦ୍ର ଫଡନାଭିସଙ୍କୁ ଧନ୍ୟବାଦ ଦେବାକୁ ଚାହୁଁଛି । ଯେଉଁମାନ ବଡ଼ ହୃଦୟ ଦେଖାଇ ଶିବ ସୈନିକଙ୍କୁ ଏହି ସୁଯୋଗ ଦେଇଛନ୍ତି ।"

ସିନ୍ଦେ କହିଛନ୍ତି ଯେ ଫଡନାଭିସଙ୍କ ପୂର୍ବ କାର୍ଯ୍ୟକାଳ ତାଙ୍କ କାମରେ ଆସିବ କାରଣ  ମୁଖ୍ୟମନ୍ତ୍ରୀ ଭାବରେ ସେ ରାଜ୍ୟରେ ନେତୃତ୍ୱ ନେଇସାରିଛନ୍ତି । ସେ କହିଛନ୍ତି, "ତାଙ୍କ (ପାର୍ଟି) ସିନିୟରଙ୍କ ନିର୍ଦ୍ଦେଶ ଯୋଗୁଁ ଫଡନାଭିସ୍ ଏହି କ୍ୟାବିନେଟରେ ଯୋଗ ଦେଇଥିଲେ । ମୁଁ ଖୁସି, କାରଣ ରାଜ୍ୟରେ ବିକାଶ କାର୍ଯ୍ୟକୁ ତ୍ୱରାନ୍ୱିତ କରିବାରେ ତାଙ୍କର ଅଭିଜ୍ଞତା ଉପଯୋଗୀ ହେବ ।"