Hindenburg Saga: ସେବି ମୁଖ୍ୟ ମାଧବୀ ପୁରୀ ବୁଚ୍ ଏବଂ ତାଙ୍କ ସ୍ୱାମୀ ଧବଲ ବୁଚ୍ ହିଣ୍ଡେନବର୍ଗର ଟାର୍ଗେଟରେ ଏବେ ଅଛନ୍ତି। ବାସ୍ତବରେ, ସେବି ଅଧ୍ୟକ୍ଷା ମାଧବୀ ପୁରୀ ବୁଚ ଏବଂ ତାଙ୍କ ସ୍ୱାମୀଙ୍କର ଆଦାନୀ ଦୁର୍ନୀତିରେ ବ୍ୟବହୃତ ଅଫସୋର ପାଣ୍ଠିରେ ଅଂଶଧନ ଥିବା ଅଭିଯୋଗ ହୋଇଛି। ହିଣ୍ଡେନବର୍ଗ ଏକ ଲମ୍ବା ତାଲିକା ସହ ସେବି ମୁଖ୍ୟଙ୍କ ବିରୋଧରେ ଗୁରୁତର ଅଭିଯୋଗ ଆଣିଛି। ଖାଲି ସେତିକି ନୁହେଁ ସେବି ମୁଖ୍ୟଙ୍କ ରୋଜଗାର ତାଙ୍କ ଦରମା ଠାରୁ ୪ ଗୁଣ ଅଧିକ ବୋଲି କମ୍ପାନି ଦାବି କରିଛି। 


COMMERCIAL BREAK
SCROLL TO CONTINUE READING

ଏଭଳି ପ୍ରଶ୍ନ ଉଠାଇଲା ହିଣ୍ଡେନବର୍ଗ (Hindenburg Saga)?
ଆମେରିକୀୟ କମ୍ପାନୀ ହିଣ୍ଡେନବର୍ଗ ସେବି ମୁଖ୍ୟ ଏବଂ ତାଙ୍କ ସ୍ୱାମୀଙ୍କ ବିରୋଧରେ ଗୁରୁତର ଅଭିଯୋଗ ଆଣିଛି। ସେବି ଅଧ୍ୟକ୍ଷା ମାଧବୀ ପୁରୀ ବୁଚ୍ ଏବଂ ତାଙ୍କ ସ୍ୱାମୀ ଧବଲ ବୁଚ୍ ବରମୁଡା ଓ ମରିସସରେ ପାଣ୍ଠିରେ ଅଂଶଧନ ନେଇଛନ୍ତି ବୋଲି ହିଣ୍ଡେନବର୍ଗ ତାଙ୍କ ରିପୋର୍ଟରେ ଦାବି କରିଛି। ସେବି ମୁଖ୍ୟଙ୍କ ଆଦାନୀ ସଂଯୋଗ ବିଷୟରେ ହିଣ୍ଡେନବର୍ଗ ପ୍ରକାଶ କରିଛି। ହିଣ୍ଡେନବର୍ଗ ଅଭିଯୋଗ କରିଛନ୍ତି ଯେ ସେବି ଅଧ୍ୟକ୍ଷ ବ୍ୟକ୍ତିଗତ ଇମେଲ୍ ମାଧ୍ୟମରେ ତାଙ୍କ ସ୍ୱାମୀଙ୍କ ନାମରେ ଅଫସୋର ପାଣ୍ଠି ପରିଚାଳନା କରୁଛନ୍ତି।


Also Read: Budhaditya Rajayog: ଘଟୁଛି ମହାସଂଯୋଗ, ୧୬ ଅଗଷ୍ଟରୁ ୩ରାଶି ଉପରେ ଟଙ୍କା ବର୍ଷା !


ସେବି ମୁଖ୍ୟଙ୍କ ପାଖେ ଅଛି କେତେ କୋଟି ?
ମାଧବୀ ପୁରୀ ବୁଚଙ୍କ ରୋଜଗାର ତାଙ୍କ ଦରମା ଠାରୁ ବହୁତ ଅଧିକ ବୋଲି ହିଣ୍ଡେନବର୍ଗ ଏହାର ଏକ ରିପୋର୍ଟ ମାଧ୍ୟମରେ ଦାବି କରିଛି। ହିଣ୍ଡେନବର୍ଗ ତାଙ୍କ ରିପୋର୍ଟରେ ଅଭିଯୋଗ କରିଛି ଯେ ମାଧବୀ ବୁଚଙ୍କ ଏକ ପରାମର୍ଶଦାତା ସଂସ୍ଥା ଆଗୋରା ଆଡଭାଇଜରୀରେ ୯୯ ପ୍ରତିଶତ ଅଂଶଧନ ରହିଛି। କମ୍ପାନୀ ୨୦୨୨ ଆର୍ଥିକ ବର୍ଷରେ କନସଲଟିଂ ରୁ ୧.୯୮ କୋଟି ଟଙ୍କା ଆୟ କରିଥିଲା, ଯାହା ମାଧବୀ ପୁରୀ ବୁଚର ସେବିର ପୂର୍ଣ୍ଣକାଳୀନ ସଦସ୍ୟଙ୍କ ଦରମାର ୪.୪ ଗୁଣ ଅଟେ । 


ଆପଣଙ୍କୁ କହିରଖୁଛୁ, ମାଧବୀ ପୁରୀ ବୁଚ୍ ଏବଂ ତାଙ୍କ ସ୍ୱାମୀଙ୍କର ମୋଟ ସମ୍ପତ୍ତି ୧୦ ମିଲିୟନ ଆମେରିକୀୟ ଡଲାର ବା ପାଖାପାଖି ୮୩ କୋଟି ଟଙ୍କା । ସେବିର ଅଫିସିଆଲ ୱେବସାଇଟରେ(Sebi Official Website)  ଦିଆଯାଇଥିବା ସୂଚନା ଅନୁଯାୟୀ, ତାଙ୍କର ମୋଟ ଦରମା ୩,୧୯,୫୦୦ ଟଙ୍କା ।


Also Read: Surya Ketu Sanyog: ରାହୁ-କେତୁଙ୍କ ସଂଯୋଗ, ୫ରାଶିର ଖରାପ ପଡ଼ିବ ଭାଗ୍ୟ !


Also Read: Airtel Monthly Plan: ଏୟାରଟେଲ ଆଣିଲା ଜବରଦସ୍ତ ପ୍ଲାନ୍, ଗୋଟିଏ ରିଚାର୍ଜରେ ସବୁକିଛି Unlimited