IMF gives loan to Srilanka: ଶ୍ରୀଲଙ୍କା ପାଇଁ ସଂକଟମୋଚକ ସାଜିବ ଏହି ଅନୁଷ୍ଠାନ, ଦେବ ୨.୯ ବିଲିୟନ ଡଲାର ଋଣ

IMF gives loan to Srilanka: ନୂଆଦିଲ୍ଲୀ: ଭୟଙ୍କର ଆର୍ଥିକ ସଂକଟରୁ ଶ୍ରୀଲଙ୍କାକୁ ଉଦ୍ଧାର କରିବ ଅନ୍ତରାଷ୍ଟ୍ରୀୟ ମୁଦ୍ରା ପାଣ୍ଠି ବା ଆଇଏମଫ। ଶ୍ରୀଲଙ୍କାକୁ ୨.୯ ବିଲିୟନ ଡଲାର ଋଣ ଦେବା ପାଇଁ ଆଇଏମଏଫ ରାଜି ହୋଇଛି । ସ୍ୱାଧୀନତା ପରଠାରୁ ଶ୍ରୀଲଙ୍କା ଆଜି ଯାଏଁର ସବୁଠୁ ବଡ଼ ଆର୍ଥିକ ସଂକଟର ସାମନା କରୁଛି । ଦେଶ ନିକଟରେ ବିଦେଶୀ ମୁଦ୍ରାର ଅଭାବ ରହିଛି, ଏହି କାରଣରୁ ଜରୁରୀ ସାମଗ୍ରୀ ଆମଦାନୀ କରିପାରୁ ନାହିଁ।

୧୯୪୮ ମସିହାରେ ସ୍ୱାଧୀନତା ପରଠାରୁ ଶ୍ରୀଲଙ୍କା ସବୁଠାରୁ ଭୟଙ୍କର ଆର୍ଥିକ ସଙ୍କଟ ଦେଇ ଗତି କରୁଛି । ଦେଶରେ ବୈଦେଶିକ ମୁଦ୍ରାର ଘୋର ଅଭାବ ରହିଛି, ଯେଉଁ କାରଣରୁ ଏହା ଅତ୍ୟାବଶ୍ୟକ ସାମଗ୍ରୀ ଆମଦାନୀ କରିବାରେ ଅସମର୍ଥ। ଆଇଏମ୍ଏଫ୍ ଏକ ବିବୃତ୍ତିରେ କହିଛି ଯେ ଆଇଏମ୍ଏଫ୍ ଏବଂ ଶ୍ରୀଲଙ୍କା ଅଧିକାରୀମାନେ ପ୍ରାୟ ୨.୯ ବିଲିୟନ ଡ଼ଲାରର ବିସ୍ତାରିତ ପାଣ୍ଠି ସୁବିଧା (EFF) ଅଧୀନରେ ୪୮ ମାସର ଋଣ ପାଇଁ ରାଜି ହୋଇଛନ୍ତି।

ଆଇଏମ୍ଏଫ୍ ଏକ ବିବୃତ୍ତିରେ କହିଛି ଯେ ଆଇଏମ୍ଏଫ୍ ଏବଂ ଶ୍ରୀଲଙ୍କାର ଅଧିକାରୀମାନେ ଅବରୋଧିତ ଦେଶର ଅର୍ଥନୈତିକ ନୀତିକୁ ସମର୍ଥନ କରିବାକୁ କର୍ମଚାରୀ ସ୍ତରୀୟ ଚୁକ୍ତିରେ ସହମତ ହୋଇଛନ୍ତି। ଏହି ବ୍ୟବସ୍ଥା ଅନୁଯାୟୀ, ୪୮ ମାସ ମଧ୍ୟରେ ବିସ୍ତାରିତ ପାଣ୍ଠି ସୁବିଧା (EFF) ରେ ୨.୯ ବିଲିୟନ ଡ଼ଲାର ଯୋଗାଇ ଦିଆଯିବ। 

ଆର୍ଥିକ ସହାୟତା ଦେବା ପୂର୍ବରୁ ଆଇଏମ୍ଏଫ୍ ଶ୍ରୀଲଙ୍କାକୁ ଅନେକ ସଂଶୋଧନ ପଦକ୍ଷେପ ନେବାକୁ କହିଥିଲେ। ଋଣ ସୁଲଭତାକୁ ସୁନିଶ୍ଚିତ କରିବା ଏବଂ ଆର୍ଥିକ ବ୍ୟବଧାନକୁ ଦୂର କରିବା ପାଇଁ ବହୁପକ୍ଷୀୟ ଅଂଶୀଦାରଙ୍କଠାରୁ ଅତିରିକ୍ତ ଅର୍ଥ ଏବଂ ଶ୍ରୀଲଙ୍କା ଋଣଦାତାମାନଙ୍କଠାରୁ ଋଣ ଛାଡ଼ ପାଇଁ ମଧ୍ୟ ଏହା ଆହ୍ୱାନ ଦେଇଥିଲେ।

ସେହିପରି ପାକିସ୍ତାନକୁ ମଧ୍ୟ ସାହାଯ୍ୟ ଯୋଗାଇ ଦେବ ଅନ୍ତରାଷ୍ଟ୍ରୀୟ ମୁଦ୍ରା ପାଣ୍ଠି ଆର୍ଥିକ ସହାୟତା ଯୋଗାଇ ଦେବାକୁ ହାତ ବଢାଇଛି। ପାକିସ୍ତାନରେ ବର୍ତ୍ତମାନ ଭୟଙ୍କର ବନ୍ୟାସ୍ଥିତି ଉପୁଜିଛି। ଫଳରେ ପାକିସ୍ତାନର ୩ଟି ପ୍ରମୁଖ ରାଜ୍ୟରେ ଆର୍ଥିକ ମେରୁଦଣ୍ଡ ସମ୍ପୂର୍ଣ୍ଣ ଭାବେ ଭୁଶୁଡ଼ି ପଡ଼ିଛି। ଏହାରି ମଧ୍ୟରେ ଆଇଏମଏଫ ଠାରୁ ସହାୟତା ପାଇବା ଖବର ପାକିସ୍ତାନକୁ ସାମାନ୍ୟ ଆଶ୍ୱସ୍ତି କରିଛି। ଆଇଏମଏଫର ନିର୍ଦ୍ଦେଶକ ମଣ୍ଡଳ ପାକିସ୍ତାନର ବିସ୍ତାରିତ ପାଣ୍ଠି ସୁବିଧା (EFF) କାର୍ଯ୍ୟକ୍ରମ ପୁନଃଆରମ୍ଭ କରିବାକୁ ଅନୁମତି ଦେଇଛନ୍ତି। ଏହା ସହିତ ନଗଦ ଅର୍ଥରାଶି ଦେଶ ସପ୍ତମ ଏବଂ ଅଷ୍ଟମ କିସ୍ତି ଭାବରେ ୧.୧୭ବିଲିୟନ ଡ଼ଲାର ପାକିସ୍ତାନ ପାଇବ। 

ସୂଚନାଯୋଗ୍ୟ ଅତ୍ୟଧିକ ଋଣଯୋଗୁ ଶ୍ରୀଲଙ୍କାର ଆର୍ଥିକ ସଂକଟ ଅନିୟନ୍ତ୍ରିତ ଭାବେ ଭୁଶୁଡ଼ି ପଡ଼ିଥିଲା। ଫଳରେ ଶ୍ରୀଲଙ୍କା ଏବେ ଅର୍ଥନୈତିକ ସଂକଟ ଦେଇ ଗତିକରୁଛି।  ଗୋଟିଏ ପଟେ  ଦେଶର  ବିଦେଶୀ  ମୁଦ୍ରା  ଭଣ୍ଡାର  ଖାଲି  ପଡ଼ିଥିବା  ବେଳେ  ଅନ୍ୟ ପଟେ  ବିଦେଶୀ ରାଷ୍ଟ୍ରରୁ ଆଣିଥିବା  ଋଣ  ଭାରରେ  ବୁଡ଼ି  ରହିଛି। ଅର୍ଥନୀତି  ପଙ୍ଗୁ  ହୋଇଯାଇଥିବା  ବେଳେ  ଏହାର  ପ୍ରଭାବ  ଷ୍ଟକ  ମାର୍କେଟ ଉପରେ  ମଧ୍ୟ  ପଡ଼ିଛି । ଯାହା  ଫଳରେ ଶ୍ରୀଲଙ୍କା ସେୟାର ମାର୍କେଟ କୁ  ସାମୟିକ  ଭାବେ  ବନ୍ଦ  ରଖିବାକୁ  ନିଷ୍ପତ୍ତି  ନିଆଯାଇଛି।

ଶ୍ରୀଲଙ୍କାରେ  ବୈଦେଶିକ ମୁଦ୍ରା ଅଭାବ  ପାଇଁ  ସରକାର ପୂର୍ବରୁ କରିଥିବା ବିଦେଶୀ ଋଣ ପରିଶୋଧ କରିପାରିବ ନାହିଁ ବୋଲି ସିଧା  ମନା  କରି ଦେଇଥିଲେ।  ଏବେ  ଶ୍ରୀଲଙ୍କା  ଉପରେ  ପ୍ରାୟ  ୫୧  ବିଲିୟନ  ଡଲାର ବିଦେଶୀ  ଋଣ  ବୋଝ  ରହିଛି।  ବର୍ତ୍ତମାନ  ଦେଶ  ପାଖରେ  କେବଳ  ଖାଦ୍ୟ ପଦାର୍ଥ  ଭଳି  ଅତ୍ୟାବଶ୍ୟକୀୟ ସାମଗ୍ରୀ  କିଣିବା  ପାଇଁ  ବିଦେଶୀ  ମୁଦ୍ରା  ରହିଛି।  ଋଣଦାତା ପାଇବାକୁ ଥିବା  ସୁଧକୁ  ପୁଞ୍ଜିରେ  ପରିଣତ କରିପାରିବେ  କିମ୍ୱା  ଶ୍ରୀଲଙ୍କା  ମୁଦ୍ରାରେ  ଫେରି  ପାଇବାର  ବିକଳ୍ପ  ଚୟନ  କରିପାରିବେ  ବୋଲି କୁହାଯାଇଛି।