ଟିପୁ ସୁଲତାନଙ୍କୁ ନେଇ କର୍ଣ୍ଣାଟକ ବିଜେପି ଦୁଇ ଫାଳ

ବେଙ୍ଗାଲୁରୁ: ପ୍ରାଚୀନ ମହୀଶୂର ରାଜ୍ୟର ଶାସକ (Mahisur Ruler) ତଥା ଆଧୁନିକ କର୍ଣ୍ଣାଟକ ଇତିହାସରେ (Modern Karnatka History) ଯୋଦ୍ଧା ଭାବେ ଜଣାଶୁଣା ଟିପୁ ସୁଲତାନଙ୍କୁ (Tipu Sultan) ନେଇ ଦୁଇ  ଫାଳ ହୋଇଛି ରାଜ୍ୟରେ କ୍ଷମତାସୀନ ଶାସକ ଭାରତୀୟ ଜନତା ପାର୍ଟି-ବିଜେପି (BJP-Bhartiya Janata Party) । 

ଏ ପ୍ରସଙ୍ଗରେ ମତ ରଖି କର୍ଣ୍ଣାଟକ ବିଧାନ ପରିଷଦର-କେଏଲସି (Karnataka Legislative Council-KLC) ବିଜେପି ସଦସ୍ୟ ବିଶ୍ୱନାଥ (BJP Member Viswanath) କହିଛନ୍ତି ଟିପୁ ସୁଲତାନ ମାଟିର ପୁଅ । ତାଙ୍କର ବଳିଦାନ ଲାଗି ଏ ମାଟିକୁ ତାଙ୍କ ଆଗରେ ନତମସ୍ତକ ହେବାକୁ ପଡିବ।

ଏହା ସହିତ ସେ ଆହୁରି କହିଛନ୍ତି ଟିପୁ ସୁଲତାନ ସେହି ବ୍ୟକ୍ତି ଯିଏକି ନିଜ ମାଟିର ସ୍ୱାଧିନତା ଲାଗି ବିଜୁଲ ବଜାଇଥିଲେ । ତାଙ୍କର ତ୍ୟାଗ, ବଳିଦାନ ଲାଗି ଏ ମାଟି ତାଙ୍କୁ ପ୍ରଣାମ କରିବା ଦରକାର । ଦଳୀୟ ଏମଏଲସି ସଦସ୍ୟଙ୍କ ବୟାନ ଉପରେ ବିଜେପି ପକ୍ଷରୁ କୌଣସି ପ୍ରତିକ୍ରିୟା ରଖାଯାଇନାହିଁ । ଟିପୁ ସୁଲତାନ କୌଣସି ଜାତି ଧର୍ମ କିମ୍ବା କୌଣସି ରାଜନୈତିକ ଦଳ ସହ ସମ୍ପୃକ୍ତ ନଥିଲେ । ତାଙ୍କୁ କୌଣସି ନିର୍ଦ୍ଧିଷ୍ଟ ଧର୍ମ ସହ ଯୋଡିବା ଠିକ ନୁହେଁ ।   

ହେଲେ ପୂର୍ବରୁ ଟିପୁ ସୁଲତାନ ପ୍ରସଙ୍ଗରେ କର୍ଣ୍ଣାଟକରେ କ୍ଷମତାସୀନ ବିଜେପି ବିରୋଧି ଏବଂ ବିରୋଧି କଂଗ୍ରେସ ମଧ୍ୟରେ ମୁହାଁମୁହିଁ ପରିସ୍ଥିତି ସୃଷ୍ଟି ହୋଇଛି । ରାଜ୍ୟରେ ସିଦ୍ଧରମୈୟାଙ୍କ ନେତୃତ୍ୱରେ ଗଠିତ କଂଗ୍ରେସ ସରକାର ତାଙ୍କ ଜନ୍ମଜୟନ୍ତୀଙ୍କୁ ସରକାରୀ କାର୍ଯ୍ୟକ୍ରମ ଭାବେ ପାଳନ କରିଆସୁଥିଲା । ହେଲେ ରାଜ୍ୟରେ ବିଏସ ୟେଦୁୟୁରାପ୍ପାଙ୍କ ନେତୃତ୍ୱରେ ବିଜେପି ସରକାର ଗଠିତ ହେବା ପରେ ଏହି କାର୍ଯ୍ୟକ୍ରମକୁ ବାତିଲ କରାଯାଇଥିଲା ।