ନୂଆଦିଲ୍ଲୀ: Lockdown in India: ଦେଶରେ ଯେଉଁ ଗତିରେ କୋରୋନା ମାମଲା (Coronavirus Cases) ବଢ଼ିବାରେ ଲାଗିଛି ଓ ହସ୍ପିଟାଲ ଉପରେ ଲଗାତର ଚାପ ବଢି ଚାଲିଛି । ସେଥିରୁ ସ୍ପଷ୍ଟ ଜଣାପଡୁଛି ଯେ ଦେଶ ଗମ୍ଭୀର ସଙ୍କଟ ମଧ୍ୟ ଦେଇ ଗତି କରୁଛି । ଏହା ମଧ୍ୟରେ ଚର୍ଚ୍ଚା ଜୋର ଧରିଛି ଯେ ଦେଶରେ ପୁଣି ଥରେ ଜାତୀୟ ଲକଡାଉନ୍ (National Lockdown) ଲାଗିପାରେ । କାରଣ ଅନେକ ରାଜ୍ୟ ସରକାର ସମ୍ପୂର୍ଣ୍ଣ କିମ୍ବା ମିନି ଲକଡାଉନ୍ ଲଗାଇ ସାରିଛନ୍ତି, କିନ୍ତୁ କୋରୋନା ସ୍ଥିତି ସୁଧୁରୁନାହିଁ । ଏଭଳି ପରିସ୍ଥିତିରେ ସମ୍ପୂର୍ଣ୍ଣ ଲକଡାଉନକୁ ନେଇ ବିଶେଷଜ୍ଞଙ୍କ କ'ଣ ରହିଛି ରାୟ ଆସନ୍ତୁ ଜାଣିବା…


COMMERCIAL BREAK
SCROLL TO CONTINUE READING

ଅଧିକ ପଢ଼ନ୍ତୁ:-ଦେଶରେ କୋରୋନା ସୁନାମି: ଦିନକରେ ପ୍ରାୟ ୩ ଲକ୍ଷ ୮୦ ହଜାର ନୂତନ ମାମଲା ଚିହ୍ନଟ, ୩୬୪୭ ସଂକ୍ରମିତଙ୍କ ମୃତ୍ୟୁ 


PHFI ବେଙ୍ଗାଲୁରୁର ପ୍ରଫେସର ଗିରିଧର ବାବୁ କହିଛନ୍ତି ଯେ, ସେ ମନେ କରନ୍ତି ନାହିଁ ଯେ ଜାତୀୟ ଲକଡାଉନ୍ (National Lockdown) ଲଗାଇବାର କୌଣସି ଉପାୟ ଅଛି, କାରଣ ଭୂତାଣୁ କିପରି ବିସ୍ତାର ହୁଏ ତାହା ଆମେ ବୁଝିପାରୁ ନାହୁଁ । ଆମକୁ ବୁଝିବାକୁ ପଡିବ ଏପିକସେଣ୍ଟର୍ସ କ’ଣ? ଯେପରି କର୍ଣ୍ଣାଟକରେ ବେଙ୍ଗାଲୁ ରହିଛି । ଏପରି ସ୍ଥିତିରେ ସମଗ୍ର ରାଜ୍ୟରେ ଲକଡାଉନ ଲଗାଇବା ଠିକ୍ ହେବ ନାହିଁ ।


ପ୍ରଫେସର ଗିରିଧର କହିଛନ୍ତି ଯେ, ଆମେ କଣ୍ଟେନମେଣ୍ଟ ଜୋନରେ ସଫଳ ହୋଇପାରି ନାହୁଁ । ଲକଡାଉନ ସହର କିମ୍ବା ଜିଲ୍ଲା ସ୍ତରରେ ଠିକ୍ ରହିଛି । ସଂଖ୍ୟା ହ୍ରାସ କରିବାକୁ ଆମେ ଜୋର ଦେବା ଉଚିତ, ଯାହାଫଳରେ ଡାକ୍ତରଖାନାଗୁଡ଼ିକର ଭାର ହ୍ରାସ ପାଇବ । ଲକଡାଉନରୁ କେବଳ ଗତି ହ୍ରାସ ହେବ, କିନ୍ତୁ କଣ୍ଟେନମେଣ୍ଟ ସାହାଯ୍ୟ କରିବ ।


ଅଧିକ ପଢ଼ନ୍ତୁ:-ନୂତନ ଅଧ୍ୟୟନରେ ଖୁଲାସା: କୋରୋନାରୁ ରକ୍ଷା କରିବ ରାଇନୋଭାଇରସ୍! ଜାଣନ୍ତୁ ଏହା କ'ଣ ଓ ଶରୀରରେ ଏହା କିପରି କରିବ କାମ


'ମନ୍ଥର ହୋଇଛି ଟିକାକରଣର ଗତି'


କର୍ଣ୍ଣାଟକ ସରକାରର କୋଭିଡ ଟାସ୍କ ଫୋର୍ସର ସଦସ୍ୟ ଡକ୍ଟର ବିଶାଲ ରାଓ କହିଛନ୍ତି ଯେ, ଲକଡାଉନ୍ ଆପଣଙ୍କୁ ପ୍ରସ୍ତୁତ ହେବାକୁ ସମୟ ଦେଇଥାଏ, କିନ୍ତୁ ଲକଡାଉନ୍ ପାଇଁ ମଧ୍ୟ ପ୍ରସ୍ତୁତି ଆବଶ୍ୟକ । ବର୍ତ୍ତମାନ ଯେହେତୁ ଅମ୍ଳଜାନର ଚାହିଦା ଦ୍ୱିଗୁଣିତ ହୋଇଛି, କର୍ଣ୍ଣାଟକରେ ତାଲା ପଡ଼ିବାର ଏକ ବଡ଼ ସଙ୍କେତ ମଧ୍ୟ ଅଛି । ଲକଡାଉନ୍ ସମୟରେ ଟିକାକରଣର ଗତି ମଧ୍ୟ ମନ୍ଥର ହୋଇପାରେ, ତେଣୁ ରଣନୀତିରେ ପରିବର୍ତ୍ତନ ଆବଶ୍ୟକ ।


ଅଧିକ ପଢ଼ନ୍ତୁ:-ଏହି ସରକାରୀ କର୍ମଚାରୀଙ୍କ କଟିବ ଦରମା, ଜାରି ହେଲା ଆଦେଶ


'ଦିନ ମଜୁରିଆଙ୍କ ଉପରେ ସିଧାସଳଖ ପ୍ରଭାବ'


ନୂଆଦିଲ୍ଲୀର ଡକ୍ଟର ସହିଦ ଜମୀଲ ବିଶ୍ୱାସ କରିଛନ୍ତି ଯେ, ଜାତୀୟ ଲକଡାଉନ ଲଗାଇବାରୁ କୌଣସି ସମାଧାନ ହୋଇପାରିବ ନାହିଁ । ଯେଉଁଠାରେ କୋରୋନାର ଅଧିକ ବିପଦ ରହିଛି, ସେଠାରେ ନିଷେଧାଦେଶର ଆବଶ୍ୟକତା ଅଛି । ଗତଥର ଜାତୀୟ ଲକଡାଉନରେ କ’ଣ ଅବସ୍ଥା ହୋଇଥିଲା, ତାହା ଆମେ ଦେଖି ସାରିଛୁ । ଏଭଳି ପରିସ୍ଥିତିରେ ଲୋକଙ୍କ ଜୀବିକାକୁ ମଧ୍ୟ ଧ୍ୟାନରେ ରଖିବା ଜରୁରୀ ଅଟେ । ଦିନ ମଜୁରିଆଙ୍କ ଉପରେ ଲକଡାଉନର ସିଧାସଳଖ ପ୍ରଭାବ ପଡ଼ିବ ।


ଡକ୍ଟର ସହିଦ କହିଛନ୍ତି ଯେ ଗତ କିଛି ଦିନ ମଧ୍ୟରେ ଟିକାକରଣ (Vaccintion) ର ଗତି ହ୍ରାସ ପାଇଛି । ନୂତନ ଷ୍ଟ୍ରେନ୍ ମଧ୍ୟ ଦ୍ରୁତ ଗତିରେ ବ୍ୟାପିବାରେ ଲାଗିଛି । ବର୍ତ୍ତମାନ ସ୍ୱାସ୍ଥ୍ୟସେବା ଉପରେ ଏକ ବଡ ବୋଝ ରହିଛି । ଏହି ସମୟରେ ରାଜନେତାମାନଙ୍କୁ ଉଦାହରଣ ସୃଷ୍ଟି କରିବାକୁ ପଡ଼ିବ ।


ଉଲ୍ଲେଖନୀୟ ବିଷୟ ହେଉଛି, କୋରୋନାର ଅନିୟନ୍ତ୍ରିତ ଗତି ହେତୁ ଅନେକ ରାଜ୍ୟ ସେମାନଙ୍କ ସ୍ତରରେ ପ୍ରତିବନ୍ଧକ ଲଗାଇଛନ୍ତି । ଦିଲ୍ଲୀ, ମହାରାଷ୍ଟ୍ର, କର୍ଣ୍ଣାଟକ, ରାଜସ୍ଥାନରେ ୧୫-୧୫ ଦିନ ପାଇଁ ପ୍ରତିବନ୍ଧକ ଲଗାଯାଇଛି । ୟୁପି-ଏମପିରେ ୱିକେଣ୍ଡ ଲକଡାଉନ୍ ଏବଂ ନାଇଟ୍ କର୍ଫ୍ୟୁ ଲାଗୁ କରାଯାଇଛି । ଏଭଳି ପରିସ୍ଥିତିରେ ଜାତୀୟ ଲକଡାଉନକୁ ନେଇ କଳ୍ପନାଜଳ୍ପନା ମଧ୍ୟ କରାଯାଉଛି ।