Yes Bank Latest News: ଆମେରିକୀୟ ଆର୍ଥିକ ପରାମର୍ଶଦାତା ତଥା ନିବେଶ ବ୍ୟାଙ୍କ କ୍ୟାଣ୍ଟର ଫିଟଜେଗେରାଲ୍ଡ ଲଣ୍ଡନ ହାଇକୋର୍ଟ ଠାରେ ୟେସ ବ୍ୟାଙ୍କ ବିରୋଧରେ ୭.୭ ମିଲିୟନ ଡଲାର ମୂଲ୍ୟର ଏକ ମୋକଦ୍ଦମା ଦାୟର କରିଥିଲେ। ହେଲେ ଏହି ମାମଲାର ଶୁଣାଣି ସମୟରେ ଆବେଦନକାରୀ କ୍ୟାଣ୍ଟର ଫିଟଜେଗେରାଲ୍ଡଙ୍କ ଲାଗି ଇଂରାଜୀ ବ୍ୟାକରଣ ଭାରୀ ପଡ଼ିଯାଇଥିଲେ। ୟେସ ବ୍ୟାଙ୍କ ଏବଂ କ୍ୟାଣ୍ଟର ଫିଟଜେଗେରାଲ୍ଡଙ୍କ ମଧ୍ୟରେ ୨୦୧୯ ଡିସେମ୍ବରରେ ହୋଇଥିବା ଚୁକ୍ତି ଅନୁଯାୟୀ "ଆର୍ଥିକ ସହାୟତା" ଶବ୍ଦ କେବଳ ବେସରକାରୀ ନିଯୁକ୍ତି, ପ୍ରାଇଭେଟ ଅଫର କିମ୍ବା ଫଲୋ ଅନ୍ ପବ୍ଲିକ ଅଫରିଂ ମଧ୍ୟ ସାମିଲ ରହିଛି। ହେଲେ ଏହି ମାମଲାର ବିଚାର କରୁଥିବା ବିଚାରପତି ଜଣଙ୍କ ଇଂରାଜୀ ବ୍ୟାକରଣର ଶେଷ ବ୍ୟାଖ୍ୟା ସହିତ ସହମତ ହୋଇଥିଲେ।


COMMERCIAL BREAK
SCROLL TO CONTINUE READING

ପୁରା ଘଟଣାକ୍ରମ କ'ଣ ଜାଣନ୍ତୁ
ନିଜର ଆବେଦନରେ କ୍ୟାଣ୍ଟର ଫିଟଜେଗେରାଲ୍ଡ ଦାବି କରିଛନ୍ତି ଯେ ଏହି ଚୁକ୍ତିରେ ଏଫପିଓ (FPO) ଅନ୍ତର୍ଭୂକ୍ତ ହୋଇଛି। ଯାହା ତାଙ୍କୁ ୟେସ ବ୍ୟାଙ୍କର ୨୦୨୦ ଜୁଲାଇ ମାସର ସଫଳ ଏଫପିଓ ଭାଗରୁ ତାଙ୍କ ଅଂଶ ଦାବି କରିବାକୁ ଯୋଗ୍ୟ କରିଛି। ୟେସ ବ୍ୟାଙ୍କ, ଏଫପିଓ ପାଖରୁ ୨ ବିଲିୟନ ଡଲାର ସଂଗ୍ରହ କରିଛି। ଏଫପିଓ ଠାରେ ତିନିଟି ସଂସ୍ଥାର ନିବେଶ ଉପରେ ଆଧାର କରି କ୍ୟାଣ୍ଟର ଫିଟଜେଗେରାଲ୍ଡ ୨ ପ୍ରତିଶତ ଅର୍ଥାତ ୭.୫ ମିଲିୟନ ଆମେରିକୀୟ ଡଲାର ପାଇବାକୁ ଦାବି କରିଛନ୍ତି। ଏହି ତିନୋଟି ସଂସ୍ଥା ମଧ୍ୟରେ ଟିଲଡେନ୍ ପାର୍କ ସଂସ୍ଥାର ୩୦୦ ମିଲିୟନ ଆମେରିକୀୟ ଡଲାର, ହିନ୍ଦୁଜା ସମୂହ ୨୨.୭ ମିଲିୟନ ଆମେରିକୀୟ ଡଲାର ଏବଂ ଅମାଂସା ସଂସ୍ଥାର ୫୦ ମିଲିୟନ ଆମେରିକୀୟ ଡଲାର ଅନ୍ତର୍ଭୂକ୍ତ ରହିଛି। ଚୁକ୍ତିନାମା ଅନୁଯାୟୀ ଏହି ୩ ଜଣ ବ୍ୟାଙ୍କର ସମ୍ଭାବ୍ୟ ନିବେଶକଙ୍କ ତାଲିକାରେ ଅଛନ୍ତି।


ଗତ ୩୧ ମାର୍ଚ୍ଚରେ ଏହି ମାମଲାର ଶୁଣାଣି କରିବା ସମୟରେ ବିଚାରପତି ଜଷ୍ଟିସ୍ ରୋବର୍ଟ ବ୍ରାଇଟ୍ ତାଙ୍କ ରାୟରେ କହିଥିଲେ ଯେ ୟେସ ବ୍ୟାଙ୍କ ଠିକ୍ ରହିଥିଲା। କାରଣ "ଆର୍ଥିକ ସହାୟତା" (Financing) ଶବ୍ଦ ନିର୍ମାଣରେ ଏଫପିଓ   ଅନ୍ତର୍ଭୂକ୍ତ ହୋଇପାରିବ ନାହିଁ। ହେଲେ ଏହାକୁ ବ୍ୟକ୍ତିଗତ ଅଫର (Private Offerings) ମଧ୍ୟରେ ସୀମିତ ରଖାଯାଇଥିଲା। ବିଚାରପତି ରୋବର୍ଟ ବ୍ରାଇଟ୍ ଆହୁରି ମଧ୍ୟ କହିଛନ୍ତି ଯେ ଏହା କେବଳ ବ୍ୟାକରଣ ବିଶେଷଜ୍ଞଙ୍କୁ ଜଣାଥିବା କଠିନ ନିୟମ କିମ୍ବା ଢାଞ୍ଚା ନୁହେଁ। ଜଜ୍ ରୋବର୍ଟ ବ୍ରାଇଟ୍ ଆହୁରି ମଧ୍ୟ କହିଛନ୍ତି ଯେ ଗେରୁଣ୍ଡ (Gerund) ସ୍ଥାନ ଏବଂ କ୍ରିୟାର (Verb) ଅଂଶଗ୍ରହଣର ବ୍ୟବହାର ବୁଝାଇବା ଠାରୁ ଅଧିକ। ଏକ କ୍ରିୟାରୁ ସୃଷ୍ଟି ହୋଇଥିବା ବିଶେଷ୍ୟର ରୂପ ଯାହାକି "-ing" ସହ ଶେଷ ହୋଇଥାଏ। ଏହାକୁ ଗେରୁଣ୍ଡ କୁହାଯାଏ।


କ୍ୟାଣ୍ଟର ଫିଟଜେଗେରାଲ୍ଡ ଏବଂ ୟେସ ବ୍ୟାଙ୍କ ମଧ୍ୟରେ ହୋଇଥିଲା ଏହି ଚୁକ୍ତିନାମା 
ଚୁକ୍ତିନାମା ସମୟରେ ରବନୀତ୍ ଗିଲ ୟେସ ବ୍ୟାଙ୍କ ସିଇଓ ତଥା ପରିଚାଳନା ନିର୍ଦ୍ଦେଶକ ରହିଥିବା ବେଳେ ଅଂଶୁ ଜୈନ କ୍ୟାଣ୍ଟର ଫିଟଜେଗେରାଲ୍ଡଙ୍କ ଅଧ୍ୟକ୍ଷ ରହିଥିଲେ। ଉଭୟଙ୍କ ମଧ୍ୟରେ ଭଲ ବ୍ୟକ୍ତିଗତ ସମ୍ପର୍କ ରହିଥିଲା। ଏହି ଦୁଇ ସଙ୍ଗଠନ ମଧ୍ୟରେ ପ୍ରାରମ୍ଭିକ ଆଲୋଚନା ରବନୀତ୍ ଗିଲ ଏବଂ ଅଂଶୁ ଜୈନଙ୍କ ମଧ୍ୟରେ ବ୍ୟକ୍ତିଗତ ଭାବରେ କରାଯାଇଥିଲା। ଗତ ୨୦୧୯ ଡିସେମ୍ବରରେ ଏକ ଯୋଗଦାନ ପତ୍ର ମାଧ୍ୟମରେ କ୍ୟାଣ୍ଟର ୟେସ ବ୍ୟାଙ୍କକୁ ସହାୟତା ଦେବାକୁ ରାଜି ହୋଇଥିଲେ। ଏହା ପରେ ୨୦୨୦ ଫେବୃଆରୀରେ ଆଉ ଏକ ଚିଠି ଆସିଲା। ଏହାକୁ ଅସ୍ୱୀକାର କରାଯାଇପାରିବ ନାହିଁ ଯେ ୟେସ୍ ବ୍ୟାଙ୍କ ପାଇଁ ନିବେଶକ ଯୋଗାଡ଼ କରିବା ଲାଗି କ୍ୟାଣ୍ଟର ଫିଟଜେଗେରାଲ୍ଡ ବହୁତ ଚେଷ୍ଟା କରିଥିଲେ।


କ୍ୟାଣ୍ଟର ଫିଟଜେଗେରାଲ୍ଡ ଯୁକ୍ତି କରିଛନ୍ତି ଯେ ସମ୍ଭାବ୍ୟ ନିବେଶକଙ୍କ ଠାରୁ ୟେସ ବ୍ୟାଙ୍କ ବହୁତ ଲାଭ କରିଛି। ଏଥିପାଇଁ ଏହାର ପୁରସ୍କାର ମିଳିବା ଆବଶ୍ୟକ। ହେଲେ ଏହି ଯୁକ୍ତି ଅଦାଲତକୁ ପ୍ରଭାବିତ କରିବାରେ ସଫଳ ହୋଇପାରିଲା ନାହିଁ। ଏହି ମାମଲାର ବିଚାର କରୁଥିବା ବିଚାରପତି କହିଛନ୍ତି ଯେ କ୍ୟାଣ୍ଟର ଫିଟଜେଗେରାଲ୍ଡ କ୍ୟାଣ୍ଟରଙ୍କ ଉଦ୍ୟମ ଟିଲଡେନ୍ ପାର୍କ ଭଳି ସଂସ୍ଥାକୁ ୟେସ ବ୍ୟାଙ୍କରେ ବିନିଯୋଗ କରିବାକୁ ପ୍ରେରିତ କରିଛି। ହେଲେ ଏନେଇ କାରବାର ହୋଇଥିବା ଚିଠିରେ ଏହା ସ୍ପଷ୍ଟ ଭାବରେ ଲେଖାଯାଇଥିଲା ଯେ କେବଳ ସଫଳତା ପାଇଁ କ୍ୟାଣ୍ଟରଙ୍କୁ ଦେୟ ପ୍ରଦାନ କରାଯାଇ ପାରିବ। ହେଲେ ଏହି ଚିଠି କ୍ୟାଣ୍ଟର ଫିଟଜେଗେରାଲ୍ଡଙ୍କ ଲାଗି ଭାରୀ ପଡ଼ିଯାଇଥିଲା।