PM SHRI ଯୋଜନାକୁ ମୋଦି କ୍ୟାବିନେଟର ମଞ୍ଜୁରୀ; ଜାଣନ୍ତୁ ଏଥିରେ କ`ଣ ରହିଛି ବିଶେଷତା
PM SHRI scheme: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି (PM Narendra Modi) ଶିକ୍ଷକ ଦିବସ ଅବସରରେ ପ୍ରଧାନ ମନ୍ତ୍ରୀ ସ୍କୁଲ୍ ଫର୍ ରାଇଜିଂ ଇଣ୍ଡିଆ (PM SHRI) ଯୋଜନା ଘୋଷଣା କରିଛନ୍ତି ।
PM SHRI YOJNA: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ (PM Narendra Modi) ନେତୃତ୍ୱରେ ଆଜି ଅନୁଷ୍ଠିତ ହିଥିବା କ୍ୟାବିନେଟ ବୈଠକରେ (Cabinet Meeting) ଦେଶର ୧୪,୫୦୦ ବିଦ୍ୟାଳୟର ନବୀକରଣ ନିଷ୍ପତ୍ତି ଅନୁମୋଦନ ହୋଇଛି । 'ପିଏମ- ଶ୍ରୀ' ଯୋଜନା (PM SHRI YOJNA) ଅଧୀନରେ ଏହି ବିଦ୍ୟାଳୟଗୁଡ଼ିକର ନବୀକରଣ କରାଯିବ । ଏହି ବିଦ୍ୟାଳୟରେ କେନ୍ଦ୍ରୀୟ ବିଦ୍ୟାଳୟ ଓ ନବୋଦୟ ବିଦ୍ୟାଲୟଙ୍କୁ ମଧ୍ୟ ଅନ୍ତର୍ଭୁକ୍ତ କରାଯିବ । ଏହା ବ୍ୟତୀତ ରେଳ ଜମିକୁ ଦୀର୍ଘ ସମୟ ପାଇଁ ଲିଜ୍ ନେବାକୁ ମଧ୍ୟ କ୍ୟାବିନେଟ୍ ନିଷ୍ପତ୍ତି ନେଇଛି । ଏହି ଜମିଗୁଡିକ PM ଗତି ଶକ୍ତି ଢାଞ୍ଚା ଅଧୀନରେ ବ୍ୟବହୃତ ହେବ । ଆସନ୍ତା ୫ ବର୍ଷ ମଧ୍ୟରେ ଏହି ଜମିଗୁଡିକରେ ୩୦୦ କାର୍ଗୋ ଟର୍ମିନାଲ୍ ବିକଶିତ ହେବ । ଆସନ୍ତା ୯୦ ଦିନ ମଧ୍ୟରେ ପ୍ରଧାନମନ୍ତ୍ରୀ ଗତି ଶକ୍ତି ଯୋଜନା କାର୍ଯ୍ୟକାରୀ ହେବ ବୋଲି କେନ୍ଦ୍ର ମନ୍ତ୍ରୀ ଅନୁରାଗ ଠାକୁର କହିଛନ୍ତି ।
'ପିଏମ ଶ୍ରୀ' ଯୋଜନାର ବିଶେଷତା
ଶିକ୍ଷା ମନ୍ତ୍ରଣାଳୟର “ପିଏମ ଶ୍ରୀ” (PM SHRI) ଯୋଜନାକୁ ମୋଦି କ୍ୟାବିନେଟ ଅନୁମୋଦନ କରିଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି (PM Narendra Modi) ଶିକ୍ଷକ ଦିବସ ଅବସରରେ ଏହା ଘୋଷଣା କରିଥିଲେ । ଏହି ଯୋଜନା ଅଧୀନରେ ସମଗ୍ର ଦେଶରେ ୧୪,୫୦୦ ବିଦ୍ୟାଳୟର ବିକାଶ ଓ ପୁନଃ ନିର୍ମାଣ ହେବ । ଏହା ସହିତ କିଛି ନୂତନ ବିଦ୍ୟାଳୟ ମଧ୍ୟ ନିର୍ମାଣ କରାଯିବ ।
ପ୍ରଧାନମନ୍ତ୍ରୀ ମୋଦି କହିଥିଲେ ଯେ ପ୍ରଧାନ ମନ୍ତ୍ରୀ ସ୍କୁଲ୍ ଫର୍ ରାଇଜିଂ ଇଣ୍ଡିଆ (PM SHRI) ଯୋଜନା ବିଦ୍ୟାଳୟରେ ଶିକ୍ଷା ପ୍ରଦାନର ଏକ ଆଧୁନିକ ତଥା ପରିବର୍ତ୍ତନଶୀଳ ଉପାୟ ହେବ । ଏହା ଅଧୀନରେ, ଏକ ସନ୍ଧାନ ଭିତ୍ତିକ ଓ ଉତ୍ତମ ଶିକ୍ଷଣ ପ୍ରଣାଳୀ ଉପରେ ଗୁରୁତ୍ୱ ଦିଆଯିବ । ସ୍ମାର୍ଟ ଶ୍ରେଣୀଗୃହ, କ୍ରୀଡା ଓ ଅନ୍ୟାନ୍ୟ ଆଧୁନିକ ଭିତ୍ତିଭୂମି ଉପରେ ମଧ୍ୟ ଧ୍ୟାନ ଦିଆଯିବ ।
ସେ କହିଥିଲେ ଯେ ନିକଟ ଅତୀତରେ ଜାତୀୟ ଶିକ୍ଷା ନୀତି (National Education Policy) ଶିକ୍ଷା କ୍ଷେତ୍ରକୁ ବଦଳାଇ ଦେଇଛି । ଏହା ନିଶ୍ଚିତ ଯେ ଲକ୍ଷ ଲକ୍ଷ ଛାତ୍ରଛାତ୍ରୀ ପିଏମ-ଶ୍ରୀ ଯୋଜନା ଦ୍ୱାରା ଉପକୃତ ହେବେ ଓ ଅଧ୍ୟୟନ କ୍ଷେତ୍ରରେ ତାଙ୍କୁ ବହୁତ ସାହାଯ୍ୟ ହେବ ।
କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ କହିଛନ୍ତି ଯେ ୨୭,୩୬୦ କୋଟି ଟଙ୍କା ବ୍ୟୟରେ ୨୦୨୨ ରୁ ୨୦୨୭ ପର୍ଯ୍ୟନ୍ତ ୧୪୬୦୦ ବିଦ୍ୟାଳୟର ଗୁଣବତ୍ତା ବୃଦ୍ଧି କରାଯିବ । ଏହା ଅଧୀନରେ ପ୍ରତ୍ୟେକ ବ୍ଲକରେ ଦୁଇଟି ବିଦ୍ୟାଳୟର ଗୁଣବତ୍ତା ବୃଦ୍ଧି କରାଯାଇଥିଲା । ରାଜ୍ୟ ସରକାରଙ୍କ ପରାମର୍ଶରେ ବିଦ୍ୟାଳୟଗୁଡ଼ିକୁ ଚୟନ କରାଯିବ । ବିଦ୍ୟାଳୟର ଗୁଣବତ୍ତା ଉପରେ ଆଧାର କରି ଯେକୌଣସି ବିଦ୍ୟାଳୟ ଚୟନ କରାଯିବ । ଏହି ଯୋଜନାର ମୌଳିକ ଉଦ୍ଦେଶ୍ୟ ହେଉଛି ବିଦ୍ୟାଳୟଗୁଡ଼ିକରେ ଗୁଣାତ୍ମକ ଅଭିବୃଦ୍ଧି ହେବା ଉଚିତ୍ ।
ଏହା ବି ପଢ଼ନ୍ତୁ: ଆସାମରେ ଲୋକମାନେ ନିଜ ତରଫରୁ କାହିଁକି ଭାଙ୍ଗୁଛନ୍ତି ମଦ୍ରାସା ? CM ବିଶ୍ୱଶର୍ମା ଦେଲେ ଏହି ଜବାବ