ED ର ବଡ ଆକ୍ସନ୍; ସିଲ୍ କଲା ନ୍ୟାସନାଲ ହେରାଲ୍ଡ ଅଫିସ୍

National Herald Case: ନ୍ୟାସନାଲ ହେରାଲ୍ଡ ମାମଲାରେ ପ୍ରବର୍ତ୍ତନ ନିର୍ଦ୍ଦେଶାଳୟ ହେରାଲ୍ଡ ହାଉସରେ ୟଙ୍ଗ ଇଣ୍ଡିଆର କାର୍ଯ୍ୟାଳୟକୁ ସିଲ୍ କରିଦେଇଛି । ଏହା ସହ ନ୍ୟାସନାଲ ହେରାଲ୍ଡ କାର୍ଯ୍ୟାଳୟକୁ ଯାଞ୍ଚକାରୀ ସଂସ୍ଥାର ବିନା ଅନୁମତିରେ ନ ଖୋଲିବାକୁ ନୋଟିସ୍ ଜାରି କରାଯାଇଛି ।

ED Sealed Young India Office : ନ୍ୟାସନାଲ ହେରାଲ୍ଡ ମାମଲାରେ (National Herald Case) ବଡ଼ କାର୍ଯ୍ୟାନୁଷ୍ଠାନ ଗ୍ରହଣ କରି ପ୍ରବର୍ତ୍ତନ ନିର୍ଦ୍ଦେଶାଳୟ (ED) ଏହାର କାର୍ଯ୍ୟାଳୟକୁ ସିଲ୍ କରିଛି । ବିନା ଅନୁମତିରେ ଅଫିସ ନ ଖୋଲିବାକୁ ମଧ୍ୟ ଏହି ଯାଞ୍ଚକାରୀ ସଂସ୍ଥା ନିର୍ଦ୍ଦେଶ ଜାରି କରିଛି । ନ୍ୟାସନାଲ ହେରାଲ୍ଡ କାର୍ଯ୍ୟାଳୟରେ ପୂର୍ବ ଅନୁମତି ବିନା କାର୍ଯ୍ୟାଳୟ ନ ଖୋଲିବାକୁ ନୋଟିସ୍ ଜାରି କରାଯାଇଛି ।

ଏହାପୂର୍ବରୁ ମଙ୍ଗଳବାର ଦିନ ଇଡି ନ୍ୟାସନାଲ ହେରାଲ୍ଡ ମନି ଲଣ୍ଡରିଂ ମାମଲାରେ ଦିଲ୍ଲୀର ଅତି କମରେ ଏକ ଡର୍ଜନ ଓ ଅନ୍ୟାନ୍ୟ ସ୍ଥାନରେ ଚଢ଼ାଉ କରିଥିଲା । ବାହାଦୂର ଶାହା ଜାଫର ମାର୍ଗରେ ଅବସ୍ଥିତ 'ହେରାଲ୍ଡ ହାଉସ୍' କାର୍ଯ୍ୟାଳୟରେ ମଧ୍ୟ ଚଢ଼ାଉ କରାଯାଇଥିଲା । ଏହି ଠିକଣା ଆସୋସିଏଟେଡ୍ ଜର୍ନାଲ୍ସ ଲିମିଟେଡ୍ ନାମରେ ପଞ୍ଜିକୃତ ହୋଇଛି, ଯାହା ନ୍ୟାସନାଲ ହେରାଲ୍ଡ ଖବରକାଗଜ ପ୍ରକାଶ କରେ । 

ଇଡି ଅଧିକାରୀମାନେ ନାମ ଗୋପନ ରଖିବା ସର୍ତ୍ତରେ କହିଛନ୍ତି ଯେ ମନି ଲଣ୍ଡରିଂ ଆକ୍ଟ (PMLA) ର ଅପରାଧିକ ବିଭାଗ ଅଧୀନରେ ଏହି ଚଢ଼ାଉ କରାଯାଇଛି । ଯାହାଦ୍ୱାରା ଏହି ମାମଲା ସଂପର୍କରେ ଅତିରିକ୍ତ ପ୍ରମାଣ ସଂଗ୍ରହ କରାଯାଇପାରିବ ।

କହିରଖୁଛୁ ଯେ ନ୍ୟାସନାଲ ହେରାଲ୍ଡ ମାମଲାରେ ଇଡି ସୋନିଆ ଗାନ୍ଧୀ ଓ ରାହୁଲ ଗାନ୍ଧୀଙ୍କୁ ଅନେକ ରାଉଣ୍ଡରେ ପଚରାଉଚୁରା କରିଛି । ଏଥିପାଇଁ କଂଗ୍ରେସ ଦୃଢ଼ ବିରୋଧ ପ୍ରଦର୍ଶନ କରି ବିରୋଧ ମଧ୍ୟ କରିଥିଲା । ସୋନିଆ ଗାନ୍ଧୀଙ୍କ ପଚରାଉଚରା ବେଳେ ରାହୁଲ ଗାନ୍ଧୀଙ୍କ ସମେତ ବହୁ କଂଗ୍ରେସ ନେତାଙ୍କୁ ପୋଲିସ ନିଜ ହେପାଜତକୁ ମଧ୍ୟ ନେଇଥିଲା ।

୨୧ ଜୁଲାଇରେ ସୋନିଆ ଗାନ୍ଧୀଙ୍କୁ ପ୍ରଥମେ ୨ ଘଣ୍ଟାରୁ ଅଧିକ ସମୟ ଧରି ପଚରାଉଚରା କରାଯାଇଥିଲା । ଏହାପରେ ସେ ଏଜେନ୍ସିର ୨୮ ଟି ପ୍ରଶ୍ନର ଉତ୍ତର ଦେଇଥିଲେ ।କଂଗ୍ରେସ ଦ୍ୱାରା ପ୍ରୋତ୍ସାହିତ ଖବରକାଗଜ ନ୍ୟାସନାଲ ହେରାଲ୍ଡର ମାଲିକ ଥିବା ୟଙ୍ଗ ଇଣ୍ଡିଆ ପ୍ରାଇଭେଟ ଲିମିଟେଡରେ ଆର୍ଥିକ ଅନିୟମିତତା ଘଟଣାର ଇଡି ଯାଞ୍ଚ କରୁଛି । ଏଥି ସହିତ, ଇଡି ଏହି ମାମଲାରେ ରାହୁଲ ଗାନ୍ଧୀଙ୍କୁ ଡାକି ଅନେକ ଥର ପଚରାଉଚୁରା କରିଥିଲା ।