ଯଦି ଆପଣଙ୍କ ପାଖରେ ଅଛି ଏହି ୧ ଟଙ୍କାର କଏନ୍ ତ ରାତାରାତି ହୋଇପାରିବେ କୋଟିପତି? ଜାଣନ୍ତୁ କ`ଣ କହିଲା RBI

ଯଦି ଆପଣ ପୁରୁଣା ନୋଟ ଓ କଏନ୍ ବିକ୍ରୟ କିମ୍ବା କିଣିବାକୁ ପ୍ରସ୍ତୁତ ହେଉଛନ୍ତି, ତେବେ ପ୍ରଥମେ RBI ଦ୍ୱାରା ଦିଆଯାଇଥିବା ଏହି ସୂଚନା ନିଶ୍ଚିତ ଭାବରେ ଦେଖି ନିଅନ୍ତୁ ।

ନୂଆଦିଲ୍ଲୀ: ଦେଶରେ ପୁରୁଣା ନୋଟ ଓ କଏନ୍ (Old Note and Coin) କିଣିବା ଓ ବିକ୍ରୟ କରିବାର ଟ୍ରେଣ୍ଡ କିଛି ସମୟ ଧରି ଚାଲିଛି । ଇଣ୍ଟରନେଟରେ ଏପରି ଅନେକ ପ୍ଲାଟଫର୍ମ ଅଛି ଯେଉଁଠାରେ ପୁରୁଣା ନୋଟ ଓ ମୁଦ୍ରା ବିକ୍ରି ହେଉଛି । କିନ୍ତୁ ଏହା ମଧ୍ୟରେ ଆମେ ଆପଣଙ୍କୁ କହି ରଖୁଛୁ ଯେ ଭାରତୀୟ ରିଜର୍ଭ ବ୍ୟାଙ୍କ (RBI) ନିକଟରେ ଏ ବିଷୟରେ ଏକ ଗୁରୁତ୍ୱପୂର୍ଣ୍ଣ ସୂଚନା ଦେଇଛି । RBI କହିଛି ଯେ ପୁରୁଣା ବ୍ୟାଙ୍କ୍ ନୋଟ୍ ଓ କଏନ ବିକ୍ରି ପାଇଁ କେନ୍ଦ୍ରୀୟ ବ୍ୟାଙ୍କର ନାମ ଓ ଲୋଗୋ ବ୍ୟବହାର କରାଯାଉଛି । ଯଦି ଆପଣ ନୋଟ୍ କିଣିବା କିମ୍ବା ବିକ୍ରୟ କରିବାକୁ ଯୋଜନା କରୁଛନ୍ତି, ତେବେ ପ୍ରଥମେ ଏହି ଖବର ପଢ଼ନ୍ତୁ ।

RBI ଦେଇଛି ଚେତାବନୀ

ଯଦି ଆପଣ ପୁରୁଣା ନୋଟ ଓ କଏନ୍ ବିକ୍ରୟ କିମ୍ବା କିଣିବାକୁ ପ୍ରସ୍ତୁତ ହେଉଛନ୍ତି, ତେବେ ପ୍ରଥମେ ଆରବିଆଇ ଦ୍ୱାରା ଦିଆଯାଇଥିବା ଏହି ସୂଚନା ନିଶ୍ଚିତ ଭାବରେ ଦେଖି ନିଅନ୍ତୁ । ଅନଲାଇନ୍ ଠକମାନେ କ୍ରମାଗତ ଭାବରେ ଗ୍ରାହକଙ୍କୁ ଠକିବାକୁ ଚେଷ୍ଟା କରୁଛନ୍ତି । ଏଥିପାଇଁ ସେମାନେ ପ୍ରତିଦିନ ନୂଆ ନୂଆ ଉପାୟ ଖୋଜି ବାହାର କରନ୍ତି ।

ଟ୍ୱିଟ୍ କରି RBI ଏହା କହିଛି

ଭାରତୀୟ ରିଜର୍ଭ ବ୍ୟାଙ୍କ ଏହାର ଅଫିସିଆଲ୍ ଟ୍ୱିଟର ହ୍ୟାଣ୍ଡେଲରେ ଏକ ଟ୍ୱିଟ୍ କରି କହିଛି ଯେ ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆ (RBI) ର ନଜରକୁ ଆସିଛି ଯେ, "କିଛି ତତ୍ତ୍ୱ ଭୁଲ ଭାବରେ ତଥା ବିଭିନ୍ନ ଅନଲାଇନ୍ ମାଧ୍ୟମରେ ରିଜର୍ଭ ବ୍ୟାଙ୍କର ନାମ ଓ ଲୋଗୋ ବ୍ୟବହାର କରୁଛନ୍ତି  ଏବଂ ବିଭିନ୍ନ ଅନଲାଇନ୍, ଅଫଲାଇନ୍ ପ୍ଲାଟଫର୍ମ ମାଧ୍ୟମରେ ପୁରୁଣା ନୋଟ ଓ ମୁଦ୍ରା ବିକ୍ରୟ ପାଇଁ ଲୋକଙ୍କ ଠାରୁ ଫି / କମିଶନ କିମ୍ବା ଟ୍ୟାକ୍ସ ମାଗୁଛନ୍ତି ।"

RBI କୌଣସି କାର୍ଯ୍ୟକଳାପରେ ଜଡିତ ନୁହେଁ 

ରିଜର୍ଭ ବ୍ୟାଙ୍କ ଏହାର ବିବୃତ୍ତିରେ କହିଛି ଯେ ସେ ଏପରି କୌଣସି କାର୍ଯ୍ୟକଳାପରେ ଜଡିତ ନୁହେଁ ଓ ଏଭଳି କାରବାର ପାଇଁ କାହାଠାରୁ କୌଣସି ଶୁଳ୍କ କିମ୍ବା କମିଶନ ମାଗିବ ନାହିଁ । ଏଥି ସହିତ ବ୍ୟାଙ୍କ କହିଛି ଯେ ଏଭଳି କାର୍ଯ୍ୟକଳାପ ପାଇଁ କୌଣସି ଅନୁଷ୍ଠାନ କିମ୍ବା ବ୍ୟକ୍ତିଙ୍କୁ କୌଣସି ପ୍ରକାରର ଅନୁମତି ଦେଇନାହିଁ ।

RBI ସ୍ପଷ୍ଟ କରିଛି ସ୍ଥିତି

ଆପଣଙ୍କୁ କହି ରଖୁଛୁ ଯେ ଆରବିଆଇ ଏଭଳି ମାମଲାରେ କାରବାର କରେ ନାହିଁ  କିମ୍ବା କାହାଠାରୁ କୌଣସି ଶୁଳ୍କ କିମ୍ବା କମିଶନ ମାଗେ ନାହିଁ । ବ୍ୟାଙ୍କ କହିଛି, "ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆ କୌଣସି ଅନୁଷ୍ଠାନ, କମ୍ପାନୀ କିମ୍ବା ବ୍ୟକ୍ତି ଇତ୍ୟାଦିଙ୍କୁ ଏଭଳି କାରବାରରେ ରିଜର୍ଭ ବ୍ୟାଙ୍କ ତରଫରୁ କୌଣସି ଶୁଳ୍କ କିମ୍ବା କମିଶନ ଆଦାୟ କରିବାକୁ କୌଣସି ଅଧିକାର ଦେଇନାହିଁ । ଭାରତୀୟ ରିଜର୍ଭ ବ୍ୟାଙ୍କ ସାଧାରଣ ଜନତାଙ୍କୁ ଏପରି ନକଲି ଓ ଜାଲିଆତି ଅଫର ଜାଲରେ ନ ପଡ଼ିବାକୁ ପରାମର୍ଶ ଦେଉଛି ।"