କଲମ୍ବୋ: ଶ୍ରୀଲଙ୍କାରେ ଆଉ ମାତ୍ର ୫ ଦିନ ପାଇଁ ପେଟ୍ରୋଲ ଏବଂ ଡିଜେଲ ରହିଛି । ଦେଶର ଶକ୍ତି ମନ୍ତ୍ରୀ ଗୁରୁବାର ଏହି ସୂଚନା ଦେଇଛନ୍ତି । ଯଦି ଭାରତରୁ ୫୦୦ ମିଲିୟନ୍ ଡଲାରର ନୂଆ କ୍ରେଡିଟ୍ ଲାଇନ ନମିଳେ, ତେବେ ସଙ୍କଟ ଆହୁରି ଗଭୀର ହେବ । ୨୨ ନିୟୁତ ଲୋକଙ୍କ ଦେଶ ସାତ ଦଶନ୍ଧି ମଧ୍ୟରେ ସବୁଠାରୁ ଖରାପ ଆର୍ଥିକ ସଙ୍କଟ ସହ ମୁକାବିଲା କରୁଛି । ଏହାର ବୈଦେଶିକ ମୁଦ୍ରା ଭଣ୍ଡାର ହ୍ରାସ ପାଇଛି ଏବଂ ଖାଦ୍ୟ, ଔଷଧ ଏବଂ ଇନ୍ଧନ ସହିତ ଅତ୍ୟାବଶ୍ୟକ ଆମଦାନୀ ପାଇଁ କୌଣସି ଡଲାର ନଥିବା ଜଣାପଡ଼ିଛି ।


COMMERCIAL BREAK
SCROLL TO CONTINUE READING

ଇନ୍ଧନ ପାଇଁ ରାତିସାରା ଧାଡ଼ିରେ ଅପେକ୍ଷା


ଦେଶର ଅନେକ ଫ୍ୟୁଲ୍ ଷ୍ଟେସନରେ ଲମ୍ବା ଲାଇନ ଲାଗୁଛି । ପେଟ୍ରୋଲ ଏବଂ ଡିଜେଲ (Petrol Diesel) ପାଇଁ ଶ୍ରୀଲଙ୍କାବାସୀଙ୍କୁ ରାତିସାରା ଲାଇନରେ ଛିଡା ହେବାକୁ ପଡିବ । ଏହି କାରଣରୁ ଦେଶ (Sri Lanka) ରେ ବିରୋଧ ମଧ୍ୟ ଚାଲିଛି । ଏକ ମାସ ପୂର୍ବରୁ ମଧ୍ୟ ଶ୍ରୀଲଙ୍କାରେ ଏକ ଇନ୍ଧନ ସଙ୍କଟ (Fuel Crisis) ଦେଖାଦେଇଥିଲା । ସେତେବେଳେ ପ୍ରଧାନମନ୍ତ୍ରୀ କହିଥିଲେ ଯେ, ଦେଶରେ କେବଳ ଗୋଟିଏ ଦିନର ଇନ୍ଧନ ବାକି ଅଛି। ଶକ୍ତି ମନ୍ତ୍ରୀ କାଞ୍ଚନା ୱିଜେସେକରା କହିଛନ୍ତି ଯେ, ଯୋଗାଣକାରୀଙ୍କୁ ଦେଶରେ ୭୨୫ ମିଲିୟନ ଡଲାରର ଦେୟ ଧାର୍ଯ୍ୟ ହୋଇଛି ।


Also Read: ପାକିସ୍ତାନରେ ଏକା ଥରକେ ୫୯ ଟଙ୍କା ବଢ଼ିଲା ପେଟ୍ରୋଲ , ପେଟ୍ରୋଲ ୨୩୩ ଟଙ୍କା ଓ ଡିଜେଲ ୨୬୩.୩୧ ଟଙ୍କ


ଷ୍ଟକ୍ ଦ୍ରୁତ ଗତିରେ ଶେଷ ହେବ


"ବୈଦେଶିକ ମୁଦ୍ରା ଭଣ୍ଡାରର ଅଭାବ ଇନ୍ଧନ ଯୋଗାଣରେ ସମସ୍ୟା ସୃଷ୍ଟି କରୁଛି । ଜୁନ୍ ୨୧ ସୁଦ୍ଧା ଗଚ୍ଛିତ ଷ୍ଟକ୍ ପରିଚାଳନା ପାଇଁ ସରକାର କାର୍ଯ୍ୟ କରୁଛନ୍ତି । ଚାହିଦା ପୂରଣ କରିବା ଅତ୍ୟନ୍ତ କଷ୍ଟକର ହୋଇପଡୁଛି ଏବଂ ଯଦି ଆମେ ଅଣ-ଅତ୍ୟାବଶ୍ୟକ ଭ୍ରମଣକୁ ହ୍ରାସ ନକରିବା ଏବଂ ହୋର୍ଡିଂ ବନ୍ଦ କରିବା, ତେବେ ଷ୍ଟକ୍ ଶୀଘ୍ର ଶେଷ ହୋଇପାରେ । ଆସନ୍ତା ତିନି ଦିନ ମଧ୍ୟରେ ଆମେ ପେଟ୍ରୋଲ ପରିବହନ ଏବଂ ଆଗାମୀ ଆଠ ଦିନରେ ଆଉ ଦୁଇ ପର୍ଯ୍ୟାୟ ତୈଳ ଆଶା କରୁଛୁ " ବୋଲି କାଞ୍ଚନା ୱିଜେସେକରା କହିଛନ୍ତି।


ଭାରତର କ୍ରେଡିଟ୍ ଲାଇନ୍ ପାଇଁ ଅପେକ୍ଷା


ଭାରତ ସରକାର (Indian Govt) ଙ୍କ ଏକ୍ସିମ ବ୍ୟାଙ୍କରୁ ୫୦୦ ମିଲିୟନ ଆମେରିକୀୟ ଡଲାରର କ୍ରେଡିଟରେ ଶ୍ରୀଲଙ୍କା ସରକାରୀ ନିଶ୍ଚିତକରଣକୁ ଅପେକ୍ଷା କରିଛି । ଆସନ୍ତା କିଛି ସପ୍ତାହ ମଧ୍ୟରେ ଏହା ଇନ୍ଧନ ପରିବହନରେ ବ୍ୟବହୃତ ହେବ ବୋଲି ବିଜୟରା କହିଛନ୍ତି। ଏହାପୂର୍ବରୁ ଭାରତ ପ୍ରାୟ ୩ ବିଲିୟନ ଡଲାରର ସହାୟତା ଦେଇଛି । ଏଥିରେ ଅତ୍ୟାବଶ୍ୟକ ଆମଦାନୀ ପାଇଁ ୧ ବିଲିୟନ ଡଲାରର କ୍ରେଡିଟ୍ ଏବଂ ୪୦୦ ମିଲିୟନ୍ ଡଲାର୍ ସ୍ୱାପ୍ ଅନ୍ତର୍ଭୁକ୍ତ ।


Also Read: Digital Certificate : ଏଣିକି ଡିଜିଟାଲ ଫର୍ମାଟରେ ମିଳିବ ଡିଗ୍ରୀ ସାର୍ଟିଫିକେଟ୍


ଇନ୍ଧନ ଆମଦାନୀ ପାଇଁ ଅନେକ ଦେଶ ସହିତ ଆଲୋଚନା


ୱିଜେସେକେରା କହିଛନ୍ତି ଯେ, ଶ୍ରୀଲଙ୍କା ଇନ୍ଧନ ଆମଦାନୀ (Fuel Import) ପାଇଁ ଋଷ ସମେତ ଅନେକ ଦେଶ ସହ ଆଲୋଚନା କରିଛି । ଏହା ବ୍ୟତୀତ, ଏକ ବେଲ୍ ଆଉଟ୍ ପ୍ୟାକେଜ୍ ପାଇଁ ଆନ୍ତର୍ଜାତୀୟ ମୁଦ୍ରା ପାଣ୍ଠି (IMF) ସହିତ ମଧ୍ୟ ଆଲୋଚନା ହେଉଛି । ଜୁନ୍ ୨୦ରେ ଏକ ଆଇଏମ୍ଏଫ୍ ପ୍ରତିନିଧୀ ଦଳ ଶ୍ରୀଲଙ୍କାରେ ପହଞ୍ଚିବେ ବୋଲି ଆଶା କରାଯାଉଛି।