ମନ୍ତ୍ରୀଙ୍କ ନବବିବାହିତା ଝିଅକୁ ଲାଗୁଛି ଡ଼ର, ବାପା ନା`ରେ ହିଁ ଆଣିଲେ ସାଙ୍ଘାତିକ ଅଭିଯୋଗ

ବାଙ୍ଗାଲୁରୁ: କୁହାଯାଏ ବାପା ଓ ଭାଇ ଜଣେ ଝିଅର ସୁରକ୍ଷା କବଚ। କିନ୍ତୁ ବେଳେ ବେଳେ ଏହି ସୁରକ୍ଷା କବଚ ହିଁ ପାଲଟିଯାଏ ଅସୁରକ୍ଷିତ। ତାମିଲନାଡୁରେ ଜଣେ ନବ ବିବହିତା ତାଙ୍କ ମନ୍ତ୍ରୀ ବାପାଙ୍କ ବିରୁଦ୍ଧରେ ଏକ ସଙ୍ଗୀନ ଅଭିଯୋଗ ଆଣିଛନ୍ତି। ବାପାଙ୍କ ଠାରୁ ସୁରକ୍ଷା ପାଇବା ପାଇଁ ସେ ଶେଷରେ ପୋଲିସର ସାହାରା ନେଇଛନ୍ତି।

ତାମିଲନାଡୁ ମନ୍ତ୍ରୀଙ୍କ ନବ ବିବାହିତ ଝିଅ ସୋମବାର ତାଙ୍କ ପିତାଙ୍କଠାରୁ ଅସୁରକ୍ଷିତ ଅନୁଭବ କରି ବାଙ୍ଗାଲୁରୁ ପୋଲିସ କମିଶନରଙ୍କଠାରୁ ସୁରକ୍ଷା ଲୋଡିଛନ୍ତି। ହିନ୍ଦୁ ଧର୍ମ ଏବଂଧର୍ମାର୍ଥ ବନ୍ଦୋବସ୍ତ ମନ୍ତ୍ରୀ, ପିକେ ଶେଖର ବାବୁଙ୍କ ଝିଅ ଜୟକଲ୍ୟାଣୀ ତାଙ୍କ ସ୍ୱାମୀ ସତୀଶ କୁମାର ଏବଂ ନିଜ ପାଇଁ ସୁରକ୍ଷା ମାଗିଛନ୍ତି। ସେ ପୋଲିସ କମିଶନର କମଲ ପନ୍ତଙ୍କ ନିକଟରେ ଜୟାକଲ୍ୟାଣୀ ଏକ ପତ୍ର ମଧ୍ୟ ଦାଖଲ କରିଛନ୍ତି।

ଗଣମାଧ୍ୟମ ସହ କଥାବାର୍ତ୍ତା ବେଳେ ମନ୍ତ୍ରୀଙ୍କ ଝିଅ ଜୟକଲ୍ୟାଣୀ କହିଥିଲେ ଯେ, ସେ ଦୀର୍ଘ ବର୍ଷ ଧରି ସତୀଶ କୁମାରଙ୍କୁ ପ୍ରେମ କରୁଥିଲେ। କିନ୍ତୁ ତାଙ୍କ ପରିବାର ସେମାନଙ୍କ ସମ୍ପର୍କକୁ ବିରୋଧ କରିଥିଲେ। ଯେତେବେଳେ ସେ ସତୀଶଙ୍କୁ କିଛି ମାସ ପୂର୍ବରୁ ବିବାହ କରିବାକୁ ଚେଷ୍ଟା କଲି, ପୋଲିସ ତାଙ୍କୁ ଗିରଫ କରି ଦୁଇ ମାସ ଧରି ବନ୍ଦୀ କରି ନେଇଥିଲା। ଏହା ପଛରେ ବାପା ପିକେ ଶେଖର ବାବୁଙ୍କ ଭୂମିକା ଥିବା ଜୟକଲ୍ୟାଣୀ  ସନ୍ଦେହ କରୁଛନ୍ତି। ସେ ଜଣେ ସାବାଳିକା। ସତୀଶ ଓ ଜୟକଲ୍ୟାଣୀ ଦୁହେଁ ପରସ୍ପରକୁ ଭଲ ପାଆନ୍ତି ଏବଂ ସ୍ୱଇଚ୍ଛାରେ ବିବାହ ମଧ୍ୟ କରିଛନ୍ତି।

ଜୟକଲ୍ୟାଣୀ କହିଛନ୍ତି ଯେ, ସେମାନେ ତାମିଲନାଡୁ ଫେରିବା ପରେ ତାଙ୍କୁ ହତ୍ୟା ଧମକ ଦିଆଯାଉଛି। ତେଣୁ ସୁରକ୍ଷା ପାଇଁ ସେମାନେ ବାଙ୍ଗାଲୁରୁ ପୋଲିସ କମିଶନରଙ୍କ ନିକଟକୁ ଯାଇଛନ୍ତି। ହିନ୍ଦୁ କାର୍ଯ୍ୟକର୍ତ୍ତା ଭରତ ଶେଟ୍ଟୀ କହିଛନ୍ତି ଯେ, ଏହି ଦମ୍ପତି ସୋସିଆଲ ମିଡିଆରେ ସାହାଯ୍ୟ ଲୋଡିଛନ୍ତି। ହିନ୍ଦୁ ପରମ୍ପରା ଅନୁଯାୟୀ  ଏକ ବିବାହ ଉତ୍ସବ ଆୟୋଜନ କରାଯାଇଛି। କିନ୍ତୁ ସେମାନେ ଝିଅର ପରିବାରରୁ ହତ୍ୟା ଧମକ ପାଇଛନ୍ତି ଏବଂ ତେଣୁ ସୁରକ୍ଷା ପାଇଁ ବାଙ୍ଗାଲୁରୁ ପୋଲିସର ଦ୍ୱାରାସ୍ଥ ହୋଇଛନ୍ତି।