ଉଡିଗଲା ମହିଳାଙ୍କ ନିଦ! ପଡ଼ୋଶୀ ଘରୁ ପ୍ରତ୍ୟେକ ରାତିରେ ଆସୁଥିଲା ଏମିତି ଶବ୍ଦ

ଲଣ୍ଡନ: ପ୍ରାୟତଃ ଆପାର୍ଟମେଣ୍ଟରେ ରହୁଥିବା ଲୋକମାନେ ପଡ଼ୋଶୀମାନଙ୍କ ନିକଟରେ ଅଭିଯୋଗ କରନ୍ତି। ନବୀକରଣ କାର୍ଯ୍ୟ, ଆସବାବପତ୍ର ସ୍ଥାନାନ୍ତର କିମ୍ବା ଛୋଟ ଶିଶୁ ଥିଲେ ଘରେ ଶବ୍ଦ ହୁଏ। କିନ୍ତୁ ଜଣେ ମହିଳା ତାଙ୍କ ପଡ଼ୋଶୀଙ୍କ ବିଷୟରେ ଏକ ଆଶ୍ଚର୍ଯ୍ୟଜନକ ଅଭିଯୋଗ କରିଛନ୍ତି। ଏହି ମହିଳା ସୋସିଆଲ ମିଡିଆରେ ପଡୋଶୀଙ୍କ 'କାର୍ଯ୍ୟ' ସେୟାର କରିଥିଲେ, ଯାହା ପରେ ଏହି ପୋଷ୍ଟ ଭାଇରାଲ ହୋଇଥିଲା।

ବ୍ରିଟେନର ଉତ୍ତର ଲଣ୍ଡନରେ ରହୁଥିବା ଶାୟ ନାମକ ଜଣେ ମହିଳା Nextdoor Appରେ ନିଜର ଏକ ଆଶ୍ଚର୍ଯ୍ୟଜନକ ଅନୁଭୂତି ବାଣ୍ଟିଛନ୍ତି। ମହିଳା ଜଣକ କହିଛନ୍ତି ଯେ, ସେ ତାଙ୍କ ପଡ଼ୋଶୀଙ୍କ ଉପରେ ଏତେ ରାଗିଛନ୍ତି ଯେ ସେ ଶାନ୍ତିରେ ଶୋଇପାରୁନାହାଁନ୍ତି। ସକାଳେ ଅଫିସକୁ ଯିବା ପାଇଁ ତାଙ୍କୁ ଶୀଘ୍ର ଉଠିବାକୁ ପଡେ କିନ୍ତୁ ପଡୋଶୀଙ୍କ ଅଜବ ଗଜବ ହରକତ କାରଣରୁ ତାଙ୍କର ନିଦ ସମ୍ପୂର୍ଣ୍ଣ ହୁଏନାହିଁ।

A;lso Read: ନବୀନଙ୍କ ଦୀପାବଳି ଉପହାର! ଚୁକ୍ତିଭିତ୍ତିକ କର୍ମଚାରୀଙ୍କ ଦରମା ୨୫% ବୃଦ୍ଧି, ମିଳିବ ଏହି ସବୁ ସୁବିଧା

ଦି ସନର ରିପୋର୍ଟ ଅନୁଯାୟୀ, ମହିଳା ଜଣକ କହିଛନ୍ତି ଯେ ତାଙ୍କ ଫ୍ଲାଟର ଉପର ମହଲାରେ ଏକ ନୂତନ ଦମ୍ପତି ବାସ କରନ୍ତି, ଯାହା ତାଙ୍କୁ ଶୋଇବାରେ କଷ୍ଟ ଦେଇଛି। ମହିଳା ସୋସିଆଲ ମିଡିଆ ମାଧ୍ୟମରେ ପଡୋଶୀଙ୍କୁ ସମାଲୋଚନା କରିଛନ୍ତି। ସେ ଲେଖିଛନ୍ତି ଯେ, ରାତିରେ ଅତି କମରେ ଚାରିଥର ପଡୋଶୀ ଫ୍ଲାଟରୁ ଅଜବ ଶବ୍ଦ ଆସେ। ପଡୋଶୀ ଫ୍ଲାଟରେ ରହୁଥିବା ଦମ୍ପତି ଆଦୌଚିନ୍ତିତ ନୁହଁନ୍ତି ଯେ ସେହି ଶବ୍ଦ ନିକଟସ୍ଥ ଘରକୁ ଯାଏ। ତାଙ୍କ ଶବ୍ଦ ଅଧିକ ଥିବାରୁ ପଡୋଶୀ ଫ୍ଲାଟରେ ରହୁଥିବା ଝିଅ ଉପରେ ମହିଳା ଅଧିକ ଅସନ୍ତୋଷ ବ୍ୟକ୍ତ କରିଛନ୍ତି।

ଏହାର କାରଣ କ’ଣ?

ମହିଳା ଦାବି କରିଛନ୍ତି ଯେ, ପ୍ରାୟତଃ ଏହି ଶବ୍ଦ ଗୁଡ଼ିକ ସକାଳ ପ୍ରାୟ ୩ଟାରୁ ସକାଳ ୫ଟା ମଧ୍ୟରେ ଆସିଥାଏ। ପଡୋଶୀ ଦମ୍ପତି ଯେତେବେଳେ ଶାରୀରିକ ସମ୍ପର୍କ ସ୍ଥାପନ କରନ୍ତି ସେତେବେଳେ ଏହା ଘଟେ ବୋଲି ସେ ଦାବି କରିଛନ୍ତି। ଶାୟ ଦାବି କରିଛନ୍ତି ଯେ, ଏହିପରି ଶବ୍ଦ ପ୍ରତିଦିନ ରାତିରେ ଅତି କମରେ ୪ ଥର ଆସେ। ସେ ଲେଖିଛନ୍ତି ଯେ, କ୍ଳାନ୍ତ ହୋଇ ସେ ସନ୍ଧ୍ୟା ୭ଟାରେ ତାଙ୍କ ଘରେ ପ୍ରବେଶ କରନ୍ତି, କିନ୍ତୁ ପଡୋଶୀ ଦମ୍ପତିଙ୍କ ଏହି କାର୍ଯ୍ୟ ଯୋଗୁଁ ସେ ଶୋଇପାରୁ ନାହାଁନ୍ତି।