ନୂଆଦିଲ୍ଲୀ: କୋରୋନା ଭୂତାଣୁ ମହାମାରୀ ମଧ୍ୟରେ ସମସ୍ତେ କେବଳ କୋରୋନା ଟିକାକୁ ଅପେକ୍ଷା କରି ବସିଛନ୍ତି । ବର୍ତ୍ତମାନ ଏହାର ପଥ ବହୁତ ସ୍ପଷ୍ଟ ହୋଇଛି । ଏହି ସମୟରେ କାହାକୁ ପ୍ରଥମେ କୋରୋନା ଟିକା ଦିଆଯିବ ସେନେଇ ବିତର୍କ ମଧ୍ୟ ଚାଲିଛି । ପ୍ରତ୍ୟେକ ଦେଶ ଏହାର ବଣ୍ଟନ ପାଇଁ ଏକ ରୋଡ୍ ମ୍ୟାପ୍ ପ୍ରସ୍ତୁତ କରିଛନ୍ତି । ଏହି ସମୟରେ ବିଶ୍ୱ ସ୍ୱାସ୍ଥ୍ୟ ସଂଗଠନ (WHO) ମଧ୍ୟ କହିଛି ଯେ ସର୍ବ ପ୍ରଥମେ ଟିକା କାହାକୁ ମିଳିବା ଉଚିତ । WHO ମୁଖ୍ୟ  ଟେଡ୍ରୋସ୍ ଆଡାନୋମ୍ ଗେବ୍ରେଏସସ୍ (Tedros Adhanom Ghebreyesus) କହିଛନ୍ତି ଯେ ପ୍ରଥମେ ଫ୍ରଣ୍ଟ ଲାଇନରେ କାର୍ଯ୍ୟ କରୁଥିବା ସ୍ୱାସ୍ଥ୍ୟ କର୍ମୀଙ୍କୁ ଏହି ଟିକା ଦିଆଯିବା ଉଚିତ୍ ।


COMMERCIAL BREAK
SCROLL TO CONTINUE READING

ଅଧିକ ପଢ଼ନ୍ତୁ:-'କୋରୋନା ଟିକାରେ 'ବିଷ' ମିଶାଇବା ପାଇଁ ଲାଞ୍ଚ ଦେଉଛି WHO'


WHO ମୁଖ୍ୟ କହିଛନ୍ତି ଯେ, ସ୍ୱାସ୍ଥ୍ୟ କର୍ମୀଙ୍କ ପରେ ଏହାକୁ ଅଧିକ ବିପଦପୂର୍ଣ୍ଣ ଅବସ୍ଥାରେ ଥିବା ଲୋକଙ୍କୁ ଦିଆଯିବା ଉଚିତ୍ । ଏହି ଟିକା ଉପରେ ପ୍ରତ୍ୟେକ ଦେଶ ପ୍ରାଥମିକତା ଦେବା ଉଚିତ ବୋଲି ସେ କହିଛନ୍ତି । ସଂଗଠନର ମୁଖ୍ୟ କହିଛନ୍ତି ଯେ ଏହି ଟିକା ବର୍ତ୍ତମାନ ଦେଶକୁ ଯୋଗାଇ ଦିଆଯିବାର ପ୍ରାରମ୍ଭିକ ପର୍ଯ୍ୟାୟରେ ଅଛି । 


ତେବେ ଟିକା ରକ୍ଷଣାବେକ୍ଷଣକୁ ନେଇ ସେ ମଧ୍ୟ ଚିନ୍ତା ବ୍ୟକ୍ତ କରିଛନ୍ତି । ସେ କହିଛନ୍ତି ଯେ ଏହି ଟିକାଗୁଡ଼ିକୁ ସୁରକ୍ଷିତ ରଖିବା ପାଇଁ ସରକାରଙ୍କୁ ପଦକ୍ଷେପ ନେବାକୁ ପଡ଼ିବ । ତାଙ୍କ କହିବାନୁସାରେ, ସୁସ୍ଥ ଥିବା ରୋଗୀମାନଙ୍କ ଆଣ୍ଟିବଡି ଶରୀରରେ କେତେ ଦିନ ଅକ୍ଷୁର୍ଣ୍ଣ ରହିଛି, ତାହା ଉପରେ WHO ନଜର ରଖିଛି ।