CAA ଓ NRC କ`ଣ ମୁସଲିମ ବିରୋଧୀ ? ୧୩ ପ୍ରଶ୍ନର ରୋକଠୋକ୍ ଉତ୍ତର ରଖିଲେ ମୋଦି ସରକାର
ଯଦି NRC ପାଇଁ ଦସ୍ତାବିତ ଦେବା ଏତେ ସହଜ, ତେବେ ଆସାମରୁ କାହିଁକି ବାଦ ପଡିଲେ ୧୯ ଲକ୍ଷ ଲୋକ ? ଜାଣନ୍ତୁ, କ`ଣ କହିଲେ ସରକାର...
ନୂଆଦିଲ୍ଲୀ: ଏନଆରସି ଏବଂ ସିଏଏକୁ ବିରୋଧ କରି ଦେଶବ୍ୟାପୀ ଆନ୍ଦୋଳନ ଚାଲିଥିବା ବେଳେ ବାରମ୍ବାର ସ୍ପଷ୍ଟିକରଣ ରଖୁଛନ୍ତି କେନ୍ଦ୍ର ସରକାର । ଗୋଟିଏ ପଟେ ବିରୋଧୀ ଏହାକୁ ଅସାମ୍ବିଧାନିକ କହୁଛନ୍ତି । ଅନ୍ୟପଟେ ସରକାର ଏହି ଆଇନ ସମ୍ପର୍କରେ ଲୋକଙ୍କୁ ସଚେତନ କରୁଛନ୍ତି । ଏପରିକି ବିରୋଧୀ ଆଇନକୁ ନେଇ ଅପପ୍ରଚାର କରୁଥିବା କହିଛନ୍ତି କେନ୍ଦ୍ର ସରକାର । ଆଉ ଏହାରି ଭିତରେ ଏନଆରସି ଏବଂ ସିଏଏ ସମ୍ପର୍କିତ ୧୩ ପ୍ରଶ୍ନର ଉତ୍ତର ଦେଇ ସାଧାରଣ ଲୋକଙ୍କ ସମସ୍ତ ଭୟ ଓ ଆଶଙ୍କାକୁ ଦୂର କରିବା ପାଇଁ ସରକାର ଚେଷ୍ଟା କରିଛନ୍ତି ।
ପ୍ରଶ୍ନ- ସିଏଏ ଉପରେ ହିଁ କ'ଣ ଏନଆରସି ପର୍ଯ୍ୟବେସିତ ?
ଉତ୍ତର- ନା, ଏମିତି କିଛି ନାହିଁ । ସିଏଏ ଅଲଗା ଆଇନ, ଏନଆରସି ଅନ୍ୟ ଏକ ପ୍ରକ୍ରିୟା । ସିଏଏ ଏବେ ଆଇନରେ ପରିଣତ ହୋଇସାରିଛି । ସମଗ୍ର ଦେଶରେ ଏହା ଲାଗୁ ହୋଇସାରିଛି । ଅନ୍ୟପଟେ ଏନଆରସି ନିୟମ/ପ୍ରକ୍ରିୟା ଚୁଡାନ୍ତ ନିଷ୍ପତ୍ତି ହେବା ବି ବାକି ଅଛି । ଆସାମରେ ଯେଉଁ ଏନଆରସି ପ୍ରକ୍ରିୟା ଚାଲିଛି, ତାହା ଦେଶର ସର୍ବୋଚ୍ଚ ନ୍ୟାୟାଳୟର ଆଦେଶ ।
ପ୍ରଶ୍ନ- ଭାରତୀୟ ମୁସଲମାନଙ୍କୁ ସିଏଏ କିମ୍ବା ଏନଆରସି ନେଇକି ଚିନ୍ତିତ ହେବାର ଆବଶ୍ୟକତା ଅଛି କି ?
ଉତ୍ତର- କୌଣସି ଧର୍ମାବଲମ୍ବିର ଭାରତୀୟ ନାଗରିକଙ୍କୁ ଏହି ଆଇନ ନେଇ ଚିନ୍ତିତ ହେବାର ଆବଶ୍ୟକତା ନାହିଁ ।
ପ୍ରଶ୍ନ- ଏନଆରସି କେବଳ ମୁସଲମାନଙ୍କ ପାଇଁ ଲାଗୁ ହେବ ?
ଉତ୍ତର- ଜମା ବି ନୁହେଁ । କୌଣସି ଧର୍ମ ସହ ଏହାର କିଛି ସମ୍ପର୍କ ନାହିଁ । ଏହା ଭାରତର ସମସ୍ତ ନାଗରିକଙ୍କ ପାଇଁ ହେବ । ଏହା ନାଗରିକଙ୍କ ପାଇଁ କେବଳ ଏକ ପଞ୍ଜିକରଣ, ଯେଉଁଥିରେ ଦେଶର ସମସ୍ତ ନାଗରିକଙ୍କୁ ନିଜ ନାଁ ଦାଖଲ କରିବାକୁ ପଡିବ ।
ପ୍ରଶ୍ନ- ଏନଆରସିରେ କଣ ଧର୍ମୀୟ ଆଧାରରେ ଲୋକଙ୍କୁ ଭିତର/ବାହାର କରାଯିବ ?
ଉତ୍ତର- ନା, ଏନଆରସି କୌଣସି ଧର୍ମ ଉପରେ ପର୍ଯ୍ୟବେସିତ ନୁହେଁ । ଏନଆରସି ଧର୍ମ ଆଧାରରେ ଲାଗୁ କରାଯିବ ନାହିଁ । ଏପରି କେବେ ସମ୍ଭବ ମଧ୍ୟ ହୋଇପାରିବ ନାହିଁ ।
ପ୍ରଶ୍ନ- ଏନଆରସି ମାଧ୍ୟମରେ କଣ ମୁସଲମାନଙ୍କୁ ଭାରତୀୟ ନାଗରିକ ନେଇ ପ୍ରମାଣ ମଗାଯିବ ?
ଉତ୍ତର- ଏନଆରସି ଏବେ ରାଷ୍ଟ୍ରୀୟ ସ୍ତରରେ ଆରମ୍ଭ ହୋଇନାହିଁ । ନା କୌଣସି ସରକାରୀ ଅଧିକାରୀ ଏନେଇ କିଛି ଘୋଷଣା କରିଛନ୍ତି ନା କିଛି ନିୟମ କାନୁନ ହୋଇଛି । ଯଦି ଭବିଷ୍ୟତରେ ଏହା ଲାଗୁ କରାଯାଏ, ଏହା ବୁଝିବା ଠିକ୍ ନୁହେଁ ଯେ କାହାକୁ ଭାରତୀୟତାର ପ୍ରମାଣ ମଗାଯାଉଛି । ଏନଆରସିକୁ ଆପଣ ଆଧାର କାର୍ଡ କିମ୍ବା ଅନ୍ୟ କୌଣସି ପରିଚୟ ପତ୍ର ଭାବରେ ମାନିପାରିବେ । ନାଗରିକତା ରେଜିଷ୍ଟରରେ ନାଁ ପଞ୍ଜିକରଣ କରିବା ପାଇଁ ଆପଣଙ୍କ ଯେକୌଣସି ପରିଚୟ ପତ୍ର କିମ୍ବା ଅନ୍ୟ ଦସ୍ତାବିଜ ଦେଇପାରିବେ ।
ପ୍ରଶ୍ନ- ନାଗରିକତା କିପରି ଦିଆଯାଏ ? ଏହା କଣ ସରକାରଙ୍କ ହାତରେ ହୋଇଥାଏ ?
ଉତ୍ତର- ନାଗରିକତା ନିୟମ ୨୦୦୯ ଅନୁସାରେ, କୌଣସି ବି ବ୍ୟକ୍ତିର ନାଗରିକତା ପ୍ରସ୍ତୁତ କରାଯାଇପାରିବ । ଏହି ଆଇନ ନାଗରିକତା ଆଇନ-୧୯୫୫ ଆଧାରରେ ହୋଇଛି । କୌଣସି ମଧ୍ୟ ବ୍ୟକ୍ତିକୁ ଭାରତର ନାଗରିକ ହେବା ପାଇଁ ୫ଟି ପ୍ରଣାଳୀ ଅଛି ।
ଜନ୍ମ ଆଧାରରେ ନାଗରିକତା
ବଂଶ ଆଧାରରେ ନାଗରିକତା
ପଞ୍ଜିକରଣ ଆଧାରରେ ନାଗରିକତା
ଦେଶୀୟକରଣ ଆଧାରରେ ନାଗରିକତା
ଭୂମି ବିସ୍ତାର ଆଧାରରେ ନାଗରିକତା(ଅର୍ଥାତ ଯଦି କୌଣସି ଭୂଖଣ୍ଡକୁ ଦେଶ ନିଜ ଅଧିନକୁ ଆଣେ, ତେବେ ସେହି ଭୂଖଣ୍ଡର ସମସ୍ତ ବ୍ୟକ୍ତି ବିଶେଷକୁ ଦେଶର ନାଗରିକତା ମିଳେ) ।
ପ୍ରଶ୍ନ- ଯଦି କେବେ ଏନଆରସି ଲାଗୁ ହେବ, ତେବେ କଣ ଆମକୁ ଭାରତୀୟ ନାଗରିକ ଭାବରେ ପ୍ରମାଣ ଦେବାକୁ ଯାଇ ନିଜ ମାତା ପିତାଙ୍କ ଜନ୍ମ ବିବରଣୀ ଦେବାକୁ ପଡିବ ?
ଉତ୍ତର- ନା, ଆପଣଙ୍କୁ କେବଳ ଆପଣଙ୍କ ଜନ୍ମ ତାରିଖ ଓ ସ୍ଥାନ ସମ୍ପର୍କରେ ଜଣାଇବାକୁ ପଡିବ । କିନ୍ତୁ ଯଦି ଆପଣଙ୍କ ପାଖରେ ଜନ୍ମର ବିବରଣୀ ନାହିଁ, ତେବେ ଆପଣଙ୍କୁ ଆପଣଙ୍କ ମାତା ପିତାଙ୍କ ସମ୍ପର୍କତରେ ଏହି ବିବରଣୀ ଦେବାକୁ ପଡିବ । ଜନ୍ମ ତାରିଖ ଏବଂ ସ୍ଥାନ ସମ୍ପର୍କିତ କୌଣସି ବି ଦସ୍ତାବିଜ ଦେଇ ଏନଆରସିରେ ଅନ୍ତର୍ଭୁକ୍ତ ହୋଇପାରିବେ । ତେବେ ଏହା ଉପରେ ଏବେ ଆହୁରି ନିଷ୍ପତ୍ତି ନେବାର ଅଛି । ଏଥିରେ ଆହୁରି ପରିବର୍ତ୍ତନ ଆସିପାରେ, ଯେପରି ଆହୁରି ଏହା ସରଳ ହୋଇପାରିବ ।
ପ୍ରଶ୍ନ- ଯଦି ଏନଆରସି ଲାଗୁ ହୁଏ, ତେବେ କଣ ଆମକୁ ୧୯୭୧ ମସିହା ପୂର୍ବ ବଂଶାବଳୀ ପ୍ରମାଣ ଦେବାକୁ ପଡିବ ?
ଉତ୍ତର- ଏମିତି ନୁହେଁ । ୧୯୭୧ ମସିହା ପୂର୍ବର ବଂଶାବଳୀ ପାଇଁ ମାତା ପିତା କିମ୍ବା ପୂର୍ବଜଙ୍କ ଜନ୍ମ ପ୍ରମାଣ ପତ୍ର ପ୍ରସ୍ତୁତିର ଆବଶ୍ୟକତା ନାହିଁ । ଏହା କେବଳ ଆସାମ ଏନଆରସି ପାଇଁ ପ୍ରଯୁଜ୍ୟ ଥିଲା । ଏହା ପୁଣି ସର୍ବୋଚ୍ଚ ନ୍ୟାୟାଳୟଙ୍କ ଆଦେଶ ଅନୁଯାୟୀ । ଦେଶର ଅନ୍ୟ ସ୍ଥାନଗୁଡିକ ପାଇଁ Tha Citizenship Rules, 2003 ପରି ଏନଆରସି ପ୍ରକ୍ରିୟା ସମ୍ପର୍ଣ୍ଣ ପୃଥକ ଅଟେ ।
ପ୍ରଶ୍ନ- ଯଦି ଏନଆରସି ପାଇଁ ଦସ୍ତାବିଜ ଦେବା ଏତେ ସହଜ, ତେବେ ଆସାମରେ କିପରି ୧୯ ଲକ୍ଷ ଲୋକ ଏନଆରସିରୁ ବାହାର ହୋଇଗଲେ ?
ଉତ୍ତର- ଆସାମର ସମସ୍ୟାକୁ ପୁରା ଦେଶ ସହ ଯୋଡିବା ଠିକ୍ ନୁହେଁ । ସେଠାରେ ଅନୁପ୍ରବେଶକାରୀ ସମସ୍ୟା ଦୀର୍ଘ ଦିନ ହେଲା ରହି ଆସିଛି । ଏହାକୁ ବିରୋଧ କରି ୬ ବର୍ଷ ପର୍ଯ୍ୟନ୍ତ ଆନ୍ଦୋଳନ ହୋଇଛି । ଅନୁପ୍ରବେଶ ସମସ୍ୟା ଯୋଗୁଁ ୧୯୮୫ରେ ରାଜୀବ ଗାନ୍ଧୀ ସରକାରଙ୍କୁ ବୁଝାମଣା କରିବାକୁ ପଡିଥିଲା । ଯେଉଁଥିପାଇଁ ତ ଅନୁପ୍ରବେଶକାରୀ ଚିହ୍ନଟ ପାଇଁ ୨୫ ମାର୍ଚ୍ଚ ୧୯୭୧କୁ କଟ୍ ଅଫ୍ ଡେଟ୍ ଭାବରେ ହିସାବକୁ ନିଆଯାଇଥିଲା ।
ପ୍ରଶ୍ନ- ଏନଆରସି ପାଇଁ କଣ ବହୁ ପୁରୁଣା ଦସ୍ତାବିଜ ମଗାଯିବ, ଯାହା ଯୋଗାଡ କରିବା କାଠିକର ପାଠ ?
ଉତ୍ତର- ପରିଚୟ ପତ୍ର ପାଇଁ ସାମାନ୍ୟ ଦସ୍ତାବିଜର ଜରୁରୀ ହେବ । ଯାହା ଯୋଗାଡ କରିବା ସହଜ । ଯଦି ରାଷ୍ଟ୍ରୀୟ ସ୍ତରରେ ଏନଆରସି ଲାଗୁ ହୁଏ, ତେବେ ଏଥିପାଇଁ ସରକାର ସହଜିଆ ବାଟ ପ୍ରସ୍ତୁତ କରିବେ । ଯାହା ସାଧାରଣ ଲୋକଙ୍କୁ ସୁହାଇବ । ନିଜ ଦେଶର ନାଗରିକଙ୍କୁ ହଇରାଣରେ ପକାଇବା ସରକାରଙ୍କ ଉଦ୍ଦେଶ୍ୟ ନୁହେଁ ।
ପ୍ରଶ୍ନ- ଯଦି କୌଣସି ବ୍ୟକ୍ତି ପଢା ଲେଖା ନୁହେଁ ଏବଂ ତା ପାଖରେ କୌଣସି ଦସ୍ତାବିଜ ମଧ୍ୟ ନଥାଏ, ତେବେ କଣ ହେବ ?
ଉତ୍ତର- ଏଭଳି କ୍ଷେତ୍ରରେ ଦାୟିତ୍ୱରେ ଥିବା ଅଧିକାରୀ ସାହାଯ୍ୟ କରିବେ । ଏପରିକି community verification ଇତ୍ୟାଦିର ମଧ୍ୟ ଅନୁମତି ଦେବେ । ଏକ ଉଚିତ ପ୍ରକ୍ରିୟାର ପାଳନ କରାଯିବ ।
ପ୍ରଶ୍ନ- ଭାରତରେ ଏମିତି ବହୁ ଲୋକ ଅଛନ୍ତି, ଯେଉଁମାନଙ୍କ ଘର ନାହିଁ । ସେମାନେ ଗରିବ, ପଢା ଲେଖା ନୁହେଁ । ସେମାନଙ୍କ ପାଖରେ ପରିଚୟ ଦେଲା ପରି କିଛି ଆଧାର ବି ନାହିଁ । ତେବେ ଏପରି ଲୋକଙ୍କ କଣ ହେବ ?
ଉତ୍ତର- ଏହା ଭାବିବା ଭୁଲ । ଏପରି ଲୋକଙ୍କର ମଧ୍ୟ କୌଣସି ନା କୌଣସି ଆଧାରରେ ଭୋଟ ଦେବା ଏବଂ ସରକାରୀ ଯୋଜନାରୁ ଲାଭ ଉଠାଇବା ସମ୍ଭବ ହେଉଛି । ସେହି ଆଧାରରେ ସେମାନେ ନିଜ ପରିଚୟ ଦେଇପାରିବେ ।
ପ୍ରଶ୍ନ- ଯଦି କୌଣସି କିନ୍ନର, ନାସ୍ତିକ, ଆଦିବାସୀ, ଦଳିତ, ମହିଳା କିମ୍ବା ଭୂମିହୀନ ପାଖରେ ଦସ୍ତାବିଜ ନାହିଁ, ତେବେ ଏନଆରସି କଣ ତାଙ୍କୁ ବାହାର କରିଦେବ ?
ଉତ୍ତର- ନା, ଏନଆରସି ଯେବେ ବି ଲାଗୁ ହେବ, ଏହି ସମୂହଙ୍କୁ କୌଣସି ପ୍ରଭାବ ପଡିବନି ।
ଆହୁରି ପଢନ୍ତୁ; ବିକ୍ଷୋଭକାରୀ ବି ଦେଶକୁ ପ୍ରଚୁର ଭଲ ପାଆନ୍ତି, ପ୍ରମାଣ କରିଦେଲେ ଡିସିପି