ବେଜିଂ: ଆଫ୍ରିକା, ପଶ୍ଚିମ ଏସିଆରେ ଝିଣ୍ଟିକାଙ୍କ ପାଦ୍ରୁଭାବ ଦେଖିବାକୁ ମିଳିଛି  । ଏହି ସମସ୍ୟା ଅନ୍ତରାଷ୍ଟ୍ରୀୟ କ୍ଷେତ୍ରରେ ଚିନ୍ତା ବଢ଼ାଇ ଦେଇଛି । ଚୀନ ବିଶେଷଜ୍ଞଙ୍କ କହିବା ଅନୁଯାୟୀ ଝିଣ୍ଟିକାମାନଙ୍କ ଠାରୁ ରହିଥିବା ବିପଦ ଅନ୍ତରାଷ୍ଟ୍ରୀୟ ସହଯୋଗକୁ ମଜଭୂତ କରିବା ଅବଶ୍ୟକ ରହିଛି । ଏହା କୁହାଯାଇଛି ୧ ବର୍ଗ କିଲୋମିଟର ଅଞ୍ଚଳ ବ୍ୟାପୀ ରହିଥିବା ଏକ ଝିଣ୍ଟିକାଙ୍କ ଦଳ ୩୦ ହଜାର ଲୋକଙ୍କ ଖାଦ୍ୟକୁ ଖାଇଦେଇପାରନ୍ତି । ଏହା ଆପଣଙ୍କୁ କହିଦେଉଛୁକି ବର୍ତ୍ତମାନ ସମୟରେ ଅନେକ ଦେଶ ଏହି ଝିଣ୍ଟିକାଙ୍କ ପ୍ରକୋପର ଶୀକାର ହୋଇଛନ୍ତି ।


COMMERCIAL BREAK
SCROLL TO CONTINUE READING

ସଂଯୁକ୍ତ ରାଷ୍ଟ୍ରର ଖାଦ୍ୟ ଏବଂ କୃଷି ସଂଗଠନ ଦ୍ୱାରା ଜାରି କରାଯାଇଥିବା ଏକ ରିପୋର୍ଟ ଅନୁଯାୟୀ ଝିଣ୍ଟିକା ସଙ୍କଟ ପଶ୍ଚିମ ଆଫ୍ରିକାରୁ ପୂର୍ବ ଆଫ୍ରିକା ଏବଂ ପଶ୍ଚିମ ଏସିଆରୁ ଦକ୍ଷିଣ ଏସିଆ ଯାଏ ୨୦ରୁ ଅଧିକ ଦେଶକୁ ବ୍ୟାପିଗଲାଣି । ୧.୬ କୋଟି ବର୍ଗ କିଲୋମିଟରରୁ ଅଧିକ ଅଞ୍ଚଳରେ ଝିଣ୍ଟିକାମାନେ ଆତଙ୍କ ଖେଳାଇଛନ୍ତି । ମରୁଭୂମୀ ଝିଣ୍ଟିକା ସୀମା ପାର କରି ପ୍ରଭାବ ବିସ୍ତାର କରିଚାଲିଛନ୍ତି । ସେମାନଙ୍କ ରୋକା ନଗଲେ ଅନ୍ତରାଷ୍ଟ୍ରୀୟ କ୍ଷେତ୍ର ଖାଦ୍ୟାଭାବ ଦେଖାଦେଇପାରେ । ଆନ୍ତରାଷ୍ଟ୍ରୀୟ ସୀମା ପାର କରି ଲକ୍ଷ ଲକ୍ଷ ହେକ୍ଟର ଅଞ୍ଚଳରେ ବ୍ୟାପି ଗଲେଣି ଝିଣ୍ଟିକା । ଯେଉଁ କ୍ଷେତ୍ରରେ ଆଗରୁ ଅସୁରକ୍ଷିତ ଖାଦ୍ୟ ସୁରକ୍ଷା ସ୍ଥିତି ଲାଗି ରହିଆସିଛ, ସେଠାରେ ସ୍ଥିତି ଆହୁରି ବିଗିଡ଼ି ଯାଇଛି ।  



ଜୁନ୍ ଯାଏ ୫୦୦ ଗୁଣ ବଢ଼ିଯାଇ ପାରନ୍ତି ଏହି ମରୁଭୂମୀ ଝିଣ୍ଟିକା:  ବିଶେଷଜ୍ଞଙ୍କ କହିବା କଥା ହେଲା, ଯଦି ଝିଣ୍ଟିକା ମାନଙ୍କୁ ନିୟନ୍ତ୍ରଣ ପାଇଁ କୌଣସି ବ୍ୟବସ୍ଥା କରାନଯାଏ, ତା ହେଲେ ଚଳିତ ବର୍ଷ ଜୁନ ଯାଏ ଏହି ମରୁଭୂମୀ ଝିଣ୍ଟିକାଙ୍କ ସଂଖ୍ୟା ବଢ଼ି ୫୦୦ ଗୁଣା ହୋଇଯିବ । ଏବଂ ଏହା ଆଫ୍ରିକା ଏବଂ ଏସିଆର ୩୦ ଦେଶରେ ବ୍ୟାପିଯିବାରେ ଆଶଙ୍କା ଦେଖାଦେଇଛି । ଏହି ଝିଣ୍ଟିକାଙ୍କ ପ୍ରାଦୁର୍ଭାବ ଏତେ ଯେ, ଚୀନ୍ କୃଷି ବିଶେଷଜ୍ଞ ଏକାଡେମୀର ଗବେଷକ ଚାଙ୍ଗ୍ ଜ୍ୟେହବାଙ୍କ କହିବା ଅନୁଯାୟୀ ୨୦୧୮ରୁ ୨୦୧୯ ଯାଏ ଏହି କ୍ଷେତ୍ରରେ ହେଉଥିବା ବର୍ଷା ସହ ସଂପର୍କ ରହିଛି । ପର୍ଯ୍ୟାପ୍ତ ପାଣି ମରୁଭୂମୀ ଝିଣ୍ଟିକାଙ୍କ ପ୍ରଜନନ ଏବଂ ସଂଖ୍ୟା ବୃଦ୍ଧି ପାଇଁ ସାହାଯ୍ୟ କରିଥାଏ ।


୩ ମାସ ଯାଏ ଜୀବିତ ରହିପାରିବେ ମରୁଭୂମୀ ଝିଣ୍ଟିକା: ମରୁଭୂମୀ ଝିଣ୍ଟିକା ବିଶ୍ୱର ସବୁଠାରୁ ବିନାଶକାରୀ ପ୍ରବାସୀ କୀଟ ମଧ୍ୟରୁ ଏକ ପ୍ରଜାତି ଅଟନ୍ତି । ଏହି ଝିଣ୍ଟିକା ପ୍ରତ୍ୟେକ ଦିନ ଆକାଶରେ ୧୫୦ କିଲୋମିଟର ଯାଏ ଉଡ଼ିପାରନ୍ତି । ଏବଂ ପ୍ରାୟ ୩ ମାସ ଯାଏ ଜୀବିତ ରହିପାରନ୍ତି । ବିଶେଷଜ୍ଞଙ୍କ କହିବା ଅନୁଯାୟୀ, ଚୀନର ଐତିହାସିକ ତଥ୍ୟରେ ମରୁଭୂମୀ ଝିଣ୍ଟିକାଙ୍କ କ୍ଷୟକ୍ଷତିର କୌଣସି ଆକଳନ ନାହିଁ । ସୀମାବର୍ତ୍ତୀ କ୍ଷେତ୍ରରେ ସ୍ଥଳକୃତୀ, ଜଳବାୟୁ ବାତାବରଣ ଏବଂ ଝିଣ୍ଟିକାକୁ ପ୍ରବାସୀ ରାକ୍ଷାସ ଭାବେ ଗଣାଯାଇଥାଏ । ମରୁଭୂମୀ ଝିଣ୍ଟିକା ଯୋଗୁଁ ହେଉଥିବା କ୍ଷୟକ୍ଷତି ଆକଳନ କରିବାର କ୍ଷମତା  ଚୀନ ପାଖରେ ନାହିଁ ।



ଝିଣ୍ଟିକା ଯୋଗୁଁ ବିପଦର ମୁକାବିଲା ପାଇଁ ଚୀନ ପ୍ରସ୍ତୁତ: ଚାଙ୍ଗ୍ ଜ୍ୟେହବାଙ୍କ କହିବା ଅନୁଯାୟୀ, ଯଦି ମରୁଭୂମୀ ଝିଣ୍ଟିକା ଚୀନରେ ପ୍ରବେଶ କଲେ, ଚୀନ ସେମାନଙ୍କ ମୁକାବିଲା କରି, କ୍ଷତିକୁ କମ କରିବାକୁ ସକ୍ଷମ ଅଟେ । ଝିଣ୍ଟିକା ଦ୍ୱାରା ସୃଷ୍ଟି ବିପତ୍ତି କେବଳ ପ୍ରଭାବିତ କ୍ଷେତ୍ରର ସମସ୍ୟା ନୁହେଁ । ଏହି ସମସ୍ୟା ସାରା ବିଶ୍ୱ ପାଇଁ ସମସ୍ୟା । ବିପତ୍ତିର ଚେତାବନୀ ଏବଂ ପ୍ରତିକ୍ରିୟା ନେବା ସହ ଆନ୍ତରାଷ୍ଟ୍ରୀୟ ସହଯୋଗକୁ ମଜଭୂତ କରିବା ମଧ୍ୟ ଆବଶ୍ୟକ ରହିଛି । ଚଳିତବର୍ଷରେ ଚୀନରେ ଝିଣ୍ଟିକା ଦଳ ଉପରେ ନଜର ଏବଂ ପ୍ରାରମ୍ଭିକ ଚେତାବନୀ କ୍ଷମତାରେ ଲଗାତାର ଭାବେ ସୁଧାର ହୋଇଛି । ଝିଣ୍ଟିକା ଦଳର ଦମନ ପାଇଁ ଅନେକ ଔଷଧ ମଧ୍ୟ ପ୍ରୟୋଗ କରାଯାଇଛି ।