Animal Success Party: `ଆନିମଲ` ସକସେସ ପାର୍ଟିରେ ଏମିତି ନଜର ଆସିଲେ ତ୍ରିପ୍ତି ଦିମ୍ରି ଙ୍କ ସହ ରଶ୍ମିକା
Animal Film: ରିଲିଜ ହେବା ପରଠାରୁ ଖୁବ ଚର୍ଚ୍ଚାରେ ରହିଛି ଫିଲ୍ମ ଆନିମଲ୍ । ଏହି ବଲିଉଡ ଫିଲ୍ମ ଅଲ ଟାଇମ ହିଟ୍ ସାବ୍ୟସ୍ତ ହୋଇଥିବା ବେଳେ ୯୦୦ କୋଟି ଇନକମ୍ କରିଛି। ତେବେ ଏହି ଖୁସିରେ ଥିଲା ସକସେସ ପାର୍ଟି । ଏଥିରେ ସାମିଲ ହୋଇଥିଲେ ଫିଲ୍ମ ଆନିମଲ ର ଷ୍ଟାର କାଷ୍ଟଙ୍କ ସହ ବଲିଉଡର ଅନେକ ବଡ଼ କଳାକାର । ହେଲେ ସମସ୍ତଙ୍କ ନଜରରେ ରହିଥିଲା ତ୍ରିପ୍ତି ଦିମ୍ରି ଓ ରଶ୍ମିକାଙ୍କ ଆଉଟ ଫିଟ୍ ଉପରେ । ଏହି ପାର୍ଟିରେ ପ୍ରାୟତଃ ସମସ୍ତଙ୍କୁ ବ୍ଲାକ୍ ଆଉଟ ଫିଟରେ ଦେଖିବାକୁ ମିଳିଥିଲା। ରଣବୀର କପୁର, ତ୍ରିପ୍ତି ଦିମ୍ରିଓ ରଶ୍ମିକା ଙ୍କୁ ବ୍ଲାକ୍ ଆଉଟ ଫିଟ୍ ରେ ଦେଖିବାକୁ ମିଳିଥିଲା ।
ସକସେସ ପାର୍ଟିରେ ରଣବୀର କପୁରଙ୍କ ସହ ପତ୍ନୀ ଆଲିଆ ଭଟ୍ଟ ବି ଥିଲେ । ଏହା ସହ ରଣବୀରଙ୍କ ମା ନୀତୁ କପୁର ମଧ୍ୟ ଏହି ସକସେସ ପାର୍ଟିରେ ସାମିଲ ହୋଇଥିଲେ ।
ଆନିମଲ୍ ଫିଲ୍ମରୁ ପ୍ରଂଶସା ସାଉଁଣ୍ଟିଥିବା ଅଭିନେତ୍ରୀ ତ୍ରିପ୍ତି ଦିମ୍ରି କନ୍ ଷ୍ଟାଇଲ ୱାନ ପିସ୍ ରେ ଦେଖିବାକୁ ମିଳିଥିଲା । ଅତି ସୁନ୍ଦର ଦିଶୁଥିବା ତ୍ରିପ୍ତି ଦିମ୍ରି ପୂରା ସକସେସ ପାର୍ଟିର ମେହଫିଲ ଲୁଟି ନେଇଥିଲେ।
ସେହିପରି ଫିଲ୍ମରେ ବବି ଦେଓଲଙ୍କ ସାଇଲେଣ୍ଟ କିଲର୍ ଲୁକ୍ କୁ ଖୁବ ପସନ୍ଦ କରିଥିଲେ ଦର୍ଶକ। ତେବେ ସକସେସ୍ ପାର୍ଟିରେ ହ୍ୱାଇଟ୍ ହାଫ ଜ୍ୟାକେଟରେ ଦେଖିବାକୁ ମିଳିଥିଲା।
ଅନ୍ୟପଟେ ଫିଲ୍ମର ଡାଇରେକ୍ଟର ସନ୍ଦୀପ ରେଡ୍ଡି ୱାଙ୍ଗାକୁ ମେହରୁନ ଆଉଟ ଫିଟ୍ ରେ ଦେଖିବାକୁ ମିଳିଥିଲା।
ବବି ଦେଓଲଙ୍କ ସହ ଗଣମାଧ୍ୟମ ଠୁ ଆରମ୍ଭ କରି ଅନେକ ସେଲିବ୍ରିଟି ପୋଜ୍ ଦେଇ ଫଟୋ ଉଠାଇଥିଲେ। ତେବେ ଏକ ଭିଡିଓରେ ନିଜ ସିକ୍ୟୁରିଟି ଫ୍ୟାନ୍ସଙ୍କ ପାଇଁ ଢିଲା ରଖିବାକୁ କହିଥିଲେ ବବି। ଯାହା ଏବେ ଭାଇରାଲ ହୋଇଛି।
ଏହାସହ ଫିଲ୍ମରେ ବବିଙ୍କ ସାନ ଭାଇ ଭୂମିକାରେ ଥିବା ଅଭିନେତାଙ୍କ ସହ ରଣବୀର ସେଲଫି ନେଇଥିଲେ। ଯାହାର ଫଟୋ ଏବେ ଭାଇରାଲ ହେଉଛି।