Ayodhya Ram Mandir ସାମ୍ନାକୁ ଆସିଲା ଅଯୋଧ୍ୟା ରାମ ମନ୍ଦିର ଗର୍ଭଗୃହର ପ୍ରଥମ ଫଟୋ, ଭାବବିହ୍ବଳ ହେଲେ ଭକ୍ତ

ଫଟୋ ସେୟାର କରି ଚମ୍ପତ ରାୟ ଲେଖିଛନ୍ତି କି, ‘ଜୟ ଶ୍ରୀ ରାମ’ । ଭଗବାନ ରାମ ବିରାଜିବାକୁ ଥିବା ଗର୍ଭଗୃହର ପ୍ରଥମ ଚିତ୍ର ।

ଅଯୋଧ୍ୟା ରାମ ମନ୍ଦିରର ଗର୍ଭଗୃହର ଏହି ଫଟୋଟି ସାମ୍ନାକୁ ଆସିବା ପରେ ସୋସିଆଲ ମିଡ଼ିଆରେ ବେଶ ଭାଇରାଲ ହେବାରେ ଲାଗିଛି । ଭକ୍ତମାନେ ଏହି ଫଟୋକୁ ବହୁଳ ମାତ୍ରାରେ ସେୟାର କରୁଥିବା ଦେଖିବାକୁ ମିଳିଛି । ବହୁ ବଡ଼ ବଡ଼ ନେତା ମାନେ ମଧ୍ଯ ଏହି ଫଟୋକୁ ସେୟାର କରିଥୁବା ଦେଖିବାକୁ ମିଳିଛି ।

ଡ଼େପୁଟି ସିଏମ କେଶବ ପ୍ରସାଦ ମୌର୍ଯ୍ୟ ଏହି ଫଟୋ ସେୟାର କରି ଲେଖିଛନ୍ତି କି, ‘ତୀରଟି ଧନୁ ଉପରେ ଲଗାଯାଇଛି, ସୂର୍ଯ୍ୟଙ୍କୁ ନମସ୍କାର, ଜୀବନଠାରୁ ଅଧିକ ପ୍ରିୟ ଦୁନିଆରେ ପବିତ୍ର ଅଯୋଧ୍ୟା ଧାମ’ ।

ସେ ଟ୍ୱିଟରେ ଅନ୍ୟ ଏକ ଫଟୋ ସେୟାର କରି ସେ ଲେଖିଛନ୍ତି ଯେ, ‘ଶ୍ରୀରାମ ଜନ୍ମଭୂମୀ ମନ୍ଦିରର ନିର୍ମାଣସ୍ଥଳରୁ ଏକ ଚମତ୍କାର ତଥା ଅଲୌକିକ ଚିତ୍ର’।

ଜାନୁଆରୀ ୨୦୨୪ ତୃତୀୟ ସପ୍ତାହରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଦ୍ୱାରା ପ୍ରଭୁରାମଙ୍କ ପ୍ରତିମା ସ୍ଥାପନ କରାଯିବା ନେଇ ସମ୍ଭାବନା ରହିଛି।