Bill Gate: ମିଶନ ଶକ୍ତି ବଜାରରେ ବିଲ୍ ଗେଟ୍ସ : କିଣିଲେ କୋରାପୁଟ କଫି, କନ୍ଧମାଳ ହଳଦୀ ଓ ଏହି ସାମଗ୍ରୀ
ଭୁବନେଶ୍ୱରରେ ମାଇକ୍ରୋସଫ୍ଟର ସହ-ପ୍ରତିଷ୍ଠାତା ବିଲ୍ ଗେଟସ୍।ମିଶନ ଶକ୍ତି ବଜାରରେ ବିଲ୍ ଗେଟ୍ସ : କିଣିଲେ କୋରାପୁଟ କଫି, କନ୍ଧମାଳ ହଳଦୀ ଓ ସବାଇ ଘାସର ସାମଗ୍ରୀ।
ମଙ୍ଗଳବାର ଭୁବନେଶ୍ବରରେ ପହଞ୍ଚିଛନ୍ତି ମାଇକ୍ରୋସଫ୍ଟର ପୂର୍ବତନ ସିଇଓ ବିଲ ଗେଟ୍ସ (Bill Gates)। ଏକ ଦିନିଆ ରାଜ୍ୟ ଗସ୍ତରେ ଥିବା ମାଇକ୍ରୋସଫ୍ଟର ସହ-ପ୍ରତିଷ୍ଠାତା ବିଲ୍ ଗେଟ୍ସ ଆଜି ଭୁବନେଶ୍ୱରର ମିଶନ ଶକ୍ତି ବଜାର ପରିଦର୍ଶନ କରିଛନ୍ତି।
ନୂତନ ଭାବେ ଉଦ୍ଘାଟିତ SHG ବଜାର ଗସ୍ତ ସମୟରେ ସେ SHG ସଦସ୍ୟଙ୍କ ସହ କଥାବାର୍ତ୍ତା କରିଛନ୍ତି ଏବଂ କୋରାପୁଟ କଫି ଦୋକାନ ମଧ୍ୟ ପରିଦର୍ଶନ କରିଛନ୍ତି।
ଏହି ଗସ୍ତ ସମୟରେ 5T ଏବଂ ନବିନ ଓଡିଶାର ଚେୟାରମ୍ୟାନ୍ କାର୍ତ୍ତିକ ପାଣ୍ଡିଆନ୍ ଏବଂ କମିଶନର-କମ-ସଚିବ ମିଶନ ଶକ୍ତି, ସୁଜତା ରାଉତ କାର୍ତ୍ତିକେୟାନ ମଧ୍ୟ ବିଲ୍ ଗେଟ୍ସଙ୍କ ସହ ଆଲୋଚନା କରିଥିଲେ।
ମିଶନ ଶକ୍ତି ବଜାର ବୁଲି କୋରାପୁଟ କଫି, କନ୍ଧମାଳ ହଳଦୀ, ସବାଇ ଘାସର ସାମଗ୍ରୀ , ଡୋକରା ସାମଗ୍ରୀ କିଣି ସାଥିରେ ନେବା ସହ ବିଲ୍ ଗ୍ରେଟ୍ସ ମହିଳାମାନଙ୍କ ପାଇଁ ସ୍ବତନ୍ତ୍ର ବଜାର ସୁବିଧା ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ(CM Naveen Pattnaik)ଙ୍କ ଏପରି ପଦକ୍ଷେପକୁ ଖୁବ୍ ପ୍ରଶଂସା କରିଛନ୍ତି।
ସେ ପ୍ରାୟ ୩୫ ମିନିଟ ବଜାର ବୁଲି ବିଲ୍ ଗେଟ୍ସ ମୁଗ ଡାଲି, ହଳଦୀ ଗୁଣ୍ଡ ଓ ମିଲ୍ଲେଟ ମୁଡୁକି କିଣି ନେଇଛନ୍ତି।
ବିଲ୍ ଗେଟ୍ସ ମିଶନ ଶକ୍ତି ବଜାରର ସବୁ ଷ୍ଟଲକୁ ଗୋଟିଗୋଟି କରି ବୁଲି ଦେଖିବା ସହ ବିକ୍ରି ହେଉଥିବା ଉତ୍ପାଦ ବିଷୟରେ ପଚାରି ବୁଝିଥିଲେ।
ଗେଟ୍ସ ଫାଉଣ୍ଡେସନ୍ ସହଯୋଗରେ ରାଜ୍ୟରେ ଚାଲିଥିବା ସମସ୍ତ ପ୍ରକଳ୍ପ କିପରି କାର୍ଯ୍ୟକାରୀ ହେଉଛି ତାହାର ସମୀକ୍ଷା କରିଛନ୍ତି ବିଲ ଗେଟ୍ସ ।