Dia Mirza: ପୂର୍ବରୁ ଅଭିନେତ୍ରୀଙ୍କ ପାଇଁ ବେଶ କଷ୍ଟ ଦାୟକ ଥିଲା ସୁଟିଂ: ଦୀୟା
Dia Mirza: ଦୀୟା ମିର୍ଜାଙ୍କୁ କିଏ ବା ନ ଜାଣେ । ପୂର୍ବତନ ମିସ୍ ଏସିଆ ପେସୋଫିକ ଦୀୟା ମିର୍ଜା ଖୁବ କମ୍ ବଲିଉଡ଼ ସିନେମାରେ କାମ କରିଥିଲେ ମଧ୍ଯ ଆଜି ବି ସେ ଦର୍ଶକଙ୍କ ହୃଦୟରେ ରାଜ କରୁଛନ୍ତି । ତେବେ ନିକଟରେ ଅଭିନେତ୍ରୀଙ୍କ ଏକ ବିସ୍ଫୋରକ ବୟାନ ସାମ୍ନାକୁ ଆସିଛି ।
ନିକଟରେ ଦୁଇ ଦଶନ୍ଧି ତଳେ ସୁଟିଂ ସେଟ୍ ରେ ଅଭିନେତ୍ରୀ ସମ୍ମୁଖୀନ ହୋଇଥିବା ସମସ୍ୟା ସମ୍ପର୍କରେ ମୁହଁ ଖୋଲିଛନ୍ତି ଦୀୟା । ସୁଟିଂ ସେଟ୍ରେ ମହିଳା କଳାକାରଙ୍କ ପାଇଁ ଶୌଚାଳୟ ପରି ମୌଳିକ ସୁବିଧା ନଥିଲା ବୋଲି ଅଭିନେତ୍ରୀ କହିଛନ୍ତି।
ଏପରିକି ଶୌଚାଳୟ ଖୋଜୁଥିବା ଅଭିନେତ୍ରୀମାନଙ୍କୁ ଅଣପେସାଦାର ବୋଲି କୁହାଯାଉଥିଲା। ଫିଲ୍ମରେ କାମ କରିବା ମହିଳାମାନଙ୍କ ପାଇଁ ଖୁବ୍ ଅସୁରକ୍ଷିତ ଥିଲା ବୋଲି ଏକ ଗଣମାଧ୍ୟମକୁ ସାକ୍ଷାତକାର କରି କହିଛନ୍ତି ଦୀୟା ।
ଫିଲ୍ମ ସେଟ୍ରେ କାମ କରୁଥିବା ମହିଳା ଲିଙ୍ଗ ଭେଦର ଶିକାର ହେଉଥିଲେ । ଯାହା ସେତେବେଳେ ଅତି ସାଧାରଣ ଥିଲା । ମହିଳାମାନଙ୍କୁ ବିଭିନ୍ନ ସମସ୍ୟା ଦେଇ କାମ କରିବାକୁ ପଡୁଥିଲା । ଏମିତି ସେମାନଙ୍କୁ ଖୁବ ଛୋଟ ଭ୍ୟାନିଟି ଭ୍ୟାନ୍ ମିଳୁଥିଲା।
ବାହାରେ ସୁଟିଂ ସମୟରେ ଶୌଚାଳୟ ସୁବିଧା ନଥିବାରୁ ଅଭିନେତ୍ରୀମାନଙ୍କୁ ଗଛ ତଳ ଏମିତି କି ପଥର ପଛରେ ଶୌଚ ହେବାକୁ ପଡୁଥିଲା। ଏମିତି କି ପୋଷାକ ବଦଳାଇବା ପାଇଁ ମଧ୍ୟ ବ୍ୟବସ୍ଥା ନଥିଲା।
ଅନ୍ୟପଟେ କୌଣସି ଅଭିନେତାଙ୍କର ପହଞ୍ଚିବାରେ ବିଳମ୍ବ ହେଲେ, ତାଙ୍କୁ କେହି ପଦେ ବି କିଛି କହୁ ନଥିବା ବେଳେ ଅଭିନେତ୍ରୀଙ୍କ ଟିକେ ବିଳମ୍ବ କଲେ ସେମାନଙ୍କୁ ଅଣପେସାଦାର ବୋଲି କୁହାଯାଉଥିଲା । ପୂର୍ବରୁ ଆଶା ପାରେଖ ଓ ଜୟା ବଚ୍ଚନ ମଧ୍ୟ ସୁଟିଂ ବେଳର ଏଭଳି ଲଜ୍ଜାଜନକ ପରିସ୍ଥିତି ସମ୍ପର୍କରେ ମୁହଁ ଖୋଲିଥିଲେ ।