Apple Store: ଭାରତରେ ଖୋଲିଲା ଆପଲ୍ ଷ୍ଟୋର, ଫଟୋ ଦେଖିଲେ ହେବେ ଆଶ୍ଚର୍ଯ୍ୟ
Apple Store News In Odia: ଭାରତର ପ୍ରଥମ ଆପଲ୍ ଷ୍ଟୋର୍ ମୁମ୍ବାଇରେ ଆରମ୍ଭ ହୋଇଛି। ଆପଲ୍ ସିଇଓ ଟିମ୍ କୁକ୍ ଭାରତରେ ଆପଲ୍ ଷ୍ଟୋର୍ର ଉଦଘାଟନ କରିବେ। ମୁମ୍ବାଇ ପରେ ଦିଲ୍ଲୀରେ ଆପଲ୍ ଷ୍ଟୋର ଖୋଲୁଛି। ମୁମ୍ବାଇ ଆପଲ୍ ଷ୍ଟୋର୍କୁ ଆପଲ୍ BKC କୁହାଯିବ । କମ୍ପାନୀ ଆପଲ୍ ବି.କେ.ସିର ଫଟୋ ସେୟାର କରିଛି। ଏହାକୁ ବହୁତ ବିଶାଳ ଭାବେ କରାଯାଇଛି ।ମୁମ୍ବାଇରେ ଭାରତରେ ପ୍ରଥମ ଆପଲ୍ ଷ୍ଟୋର୍ କୁ ଦେଖିଲେ ଆଖି ଲାଖିଯିବ। ଉଦଘାଟନ ପାଇଁ ଟିମ୍ କୁକ୍ ଭାରତରେ ପହଞ୍ଚିଛନ୍ତି। କମ୍ପାନୀ ମୁମ୍ବାଇର ଆପଲ୍ ଷ୍ଟୋର୍ର ଫଟୋ ସେୟାର କରିଛି। ତେବେ ଚାଲନ୍ତୁ ଜାଣିବା ଏହି ଆପଲ୍ ଷ୍ଟୋର୍ରେ କ’ଣ ବିଶେଷତା ରହିଛି?
ଏହା କୁ ୧୮ ଏପ୍ରିଲ ଅର୍ଥାତ୍ ଆସନ୍ତାକାଲି ଉଦଘାଟନ କରାଯିବ। ଯେଉଁଥିରେ ଅନେକ କାର୍ଯ୍ୟକ୍ରମର ଆୟୋଜନ କରାଯିବ । ଏହି ଆପଲ୍ ଷ୍ଟୋର୍କୁ ଆପଲ୍ BKC କୁହାଯିବ । BKCର ଅର୍ଥ ବାନ୍ଦ୍ରା କୁର୍ଲା କମ୍ପ୍ଲେକ୍ସ ।
ମୁମ୍ବାଇର ଏହି ଆପଲ୍ ଷ୍ଟୋର୍ ହେଉଛି ଦୁନିଆର ସବୁଠାରୁ ଏନର୍ଜି ଏଫିସିଏଣ୍ଟ ଆପଲ୍ ଷ୍ଟୋର୍ ମଧ୍ୟରୁ ଅନ୍ୟତମ । ଏହି ସମଗ୍ର ଆପଲ୍ ଷ୍ଟୋର୍ ସୌର ଶକ୍ତି ଉପରେ ଚାଲିବ ଏବଂ ଏଥିପାଇଁ କମ୍ପାନୀ ସୌର ପ୍ୟାନେଲ୍ ବ୍ୟବହାର କରିଛି । ଷ୍ଟୋର କାର୍ଯ୍ୟ ପାଇଁ ଜୀବାଶ୍ମ ଇନ୍ଧନର କୌଣସି ବ୍ୟବହାର ହେବ ନାହିଁ । କମ୍ପାନୀ କହିଛି ଯେ ଏହି ଆପଲ୍ ଷ୍ଟୋର୍ ସଂପୂର୍ଣ୍ଣ କାର୍ବନ ନିରପେକ୍ଷ ଏବଂ ଶତ ପ୍ରତିଶତ ରିନ୍ୟୁଏବଲ ଶକ୍ତି ଉପରେ ଚାଲିବ।
ଏହି ଆପଲ୍ ଷ୍ଟୋର୍ରେ ୪.୫୦ ଲକ୍ଷ ଟିମ୍ବର ଉପାଦାନ ବ୍ୟବହାର କରାଯାଇଛି । ଏହି ଆପଲ୍ ଷ୍ଟୋର୍ରେ ଆପଲ୍ ପିକ୍ ସେବା ମଧ୍ୟ ପ୍ରଦାନ କରାଯିବ ଅର୍ଥାତ୍ ଗ୍ରାହକମାନେ ଘରୁ ଉତ୍ପାଦ ଚୟନ କରି ଅର୍ଡର କରିପାରିବେ। ଏବଂ ଦୋକାନକୁ ଯାଇ ଅର୍ଡର ଇସ୍ୟୁ କରିପାରିବେ।
ଆପଲ୍ BKC ରେ ୧୦୦ କର୍ମଚାରୀ ରହିବେ ଯେଉଁମାନେ ୨୦ଟି ଭାଷାରେ ଲୋକଙ୍କ ସହ ଯୋଗାଯୋଗ କରିବାରେ ସମର୍ଥ ହେବେ। ଆପଲ୍ ୱେବସାଇଟ୍ ପରି, ଏଠାରେ ମଧ୍ୟ ଉପଭୋକ୍ତାମାନେ ପ୍ରୋଗ୍ରାମରେ ଟ୍ରେଡ ଇନର ବିକଳ୍ପ ପାଇବେ, ଯାହା ଅଧୀନରେ ପୁରୁଣା ଉପକରଣଗୁଡ଼ିକ ବିନିମୟ ହୋଇପାରିବ ଏବଂ ନୂତନ ଉପକରଣ କ୍ରୟ କରାଯାଇପାରିବ ।
ଆପଲ୍ ଭାରତରେ ନିଜର ୨୫ ବର୍ଷ ପୂରଣ କରିଛି | ଏହି ଅବସରରେ ଆପଲ୍ ସିଇଓ ଟିମ୍ କୁକ୍ କହିଛନ୍ତି ଯେ ଭାରତରେ ୨୫ବର୍ଷର ଯାତ୍ରା ଚମତ୍କାର ହୋଇଛି। ଭାରତରେ ସୁନ୍ଦର ସଂସ୍କୃତି ଏବଂ ଅବିଶ୍ୱାସନୀୟ ଶକ୍ତି ରହିଛି।