IRCTC Thailand Package: ମିଳିବ ଫୁଡ୍ ସହ ହୋଟେଲ ଷ୍ଟେ ! ଦେବାକୁ ପଡ଼ିବ ମାତ୍ର ଏତିକି ଟଙ୍କା
IRCTC Thailand Package: ଆରମ୍ଭ ହୋଇଯାଇଛି ଶୀତଋତୁ । ଆଉ ଭାରତୀୟମାନେ ଏହି ସମୟରେ ଛୁଟି ବିତାଇବାକୁ ବେଶି ଭଲପାଇଥାନ୍ତି । ଦୀର୍ଘ ସମୟ ଧରି ଦେଶ ହେଉ ବା ବିଦେଶର କୋଣ ଅନୁକୋଣକୁ ଯାତ୍ରା କରିବାକୁ ଭଲ ପାଆନ୍ତି । କେବଳ ଏତିକି ନୁହେଁ, ବ୍ୟାଙ୍କକକ୍, ଥାଇଲ୍ୟାଣ୍ଡ ଏବଂ ମଲଦୀପସ୍ ପରି ଦେଶ ଏଠାରେ ଥିବା ଲୋକଙ୍କ ପ୍ରିୟ ତଥା ଭ୍ରମଣକାରୀ ସ୍ଥାନ ଅଟେ। ଯଦି ଆପଣ ମଧ୍ୟ ଥାଇଲ୍ୟାଣ୍ଡ ବୁଲିବାକୁ ଯିବାକୁ ପ୍ଲାନ କରୁଛନ୍ତି, ତେବେ ଆଜି ଆମେ ଆପଣଙ୍କୁ IRCTC ର ଥାଇଲ୍ୟାଣ୍ଡ ପ୍ୟାକେଜ୍ ବିଷୟରେ କହିବାକୁ ଯାଉଛୁ । ଯାହା ନିଜେ ଭାରତୀୟ ରେଳବାଇର IRCTC ୱେବସାଇଟ୍ ଦ୍ୱାରା ଲଞ୍ଚ କରାଯାଇଛି ।
ଯଦି ଆପଣ ଚଳିତ ବର୍ଷ ବିଦେଶ ଭ୍ରମଣ କରିବାକୁ ଚାହୁଁଛନ୍ତି, ତେବେ IRCTC ଆପଣଙ୍କ ପାଇଁ ଥାଇଲ୍ୟାଣ୍ଡ ଯିବାକୁ ଏକ ଭଲ ଟୁର୍ ପ୍ୟାକେଜ୍ ଆଣିଛି ।
ପୂର୍ବ ଏସିଆର ଥାଇଲ୍ୟାଣ୍ଡ ଏକ ଲୋକପ୍ରିୟ ପର୍ଯ୍ୟଟନ ସ୍ଥଳୀ ଏବଂ ପ୍ରତିବର୍ଷ ଭାରତରୁ ହଜାର ହଜାର ଲୋକ ଥାଇଲ୍ୟାଣ୍ଡ ବୁଲିବାକୁ ଯାଆନ୍ତି । ବ୍ୟାଚେଲର ବା ଫ୍ୟାମିଲି ଏହିସ୍ଥାନଟି ଟୁର୍ ପାଇଁ ବହୁତ ସୁନ୍ଦର ସ୍ଥାନ ଭାବେ ପରିଗଣିତ ହୋଇଛି।
ଭାରତୀୟ ରେଳବାଇର IRCTC Pink ସିଟି ଜୟପୁରରୁ ଥାଇଲ୍ୟାଣ୍ଡ ଟୁର୍ ପର୍ଯ୍ୟନ୍ତ ଏକ ନିଆରା ତଥା ସୁଲଭ ଯାତ୍ରା ପ୍ୟାକେଜ୍ ଆଣିଛି।
ଏହି ପ୍ୟାକେଜରେ ୬ଦିନ ଏବଂ ୫ରାତି ଅନ୍ତର୍ଭୁକ୍ତ ରହିଛି । ଏହି ପ୍ୟାକେଜରେ ଆପଣ ପଟ୍ଟାୟା ଏବଂ ବ୍ୟାଙ୍କକକ୍ ଯାତ୍ରା କରିବାର ସୁଯୋଗ ମଧ୍ୟ ପାଇବେ। ଏଥିସହ, ଟୁରିଷ୍ଟ ମାନଙ୍କୁ ସଫାରି ୱାର୍ଲ୍ଡ, ମେରାଇନ୍ ପାର୍କ, କ୍ରୁଜ୍ ଏବଂ ବିଭିନ୍ନ ବୌଦ୍ଧ ମନ୍ଦିର ପରିଦର୍ଶନ କରିବାର ସୁଯୋଗ ରହିଛି।
ଏହି ପ୍ୟାକେଜରେ ଆପଣ ଜୟପୁରରୁ ବ୍ୟାଙ୍କକକ୍ ପର୍ଯ୍ୟନ୍ତ ଏକ ରାଉଣ୍ଡ ଟ୍ରିପ୍ ଫ୍ଲାଇଟ ଟିକେଟର ସୁବିଧା ପାଇବେ ।
ଏହି ପ୍ୟାକେଜ୍ ସମୟରେ ଆପଣ ମାଗଣା ଜଳଖିଆ, ମଧ୍ୟାହ୍ନ ଭୋଜନ ଏବଂ ରାତ୍ରୀ ଭୋଜନ ପାଇବେ । ଏହା ବ୍ୟତୀତ ପ୍ରତ୍ୟେକ ହୋଟେଲରେ ରହିବା ବ୍ୟବସ୍ଥା, ଟୁର ଗାଇଡ୍ ଏବଂ ଟ୍ରାଭେଲ ଇନସୁରାନ୍ସ ମଧ୍ୟ ଉପଲବ୍ଧ ହେବ ।
ଏହି ଯାତ୍ରା ପାଇଁ ଜଣେ ବ୍ୟକ୍ତିଙ୍କୁ ୬୧ ହଜାର ୯୯୫ ଟଙ୍କା ଦେବାକୁ ପଡି଼ବ । ଯଦି ଆପଣ କପଲ୍ ହିସାବରେ ଯିବେ ତେବେ ଆପଣଙ୍କୁ ପ୍ରତି ବ୍ୟକ୍ତିଙ୍କ ପାଇଁ ୫୪ ହଜାର ୮୬୦ ଟଙ୍କା ଦେବାକୁ ପଡିବ ।
(Disclaimer: ଏହି ଖବର କେବଳ ସୂଚନା ପ୍ରଦାନ ପାଇଁ। କୌଣସି ସୂଚନାକୁ ଗ୍ରହଣ କରିବା ପୂର୍ବରୁ ସମ୍ପୃକ୍ତ ବ୍ୟାଙ୍କର ଅଫିସିଆଲ ୱେବସାଇଟ କିମ୍ବା କଷ୍ଟମର କେୟାରର ସାହାଯ୍ୟ ନେଇପାରନ୍ତି।)