Sradha Panigrahi: ହାତକୁ ଦି ହାତ ହେଲେ ଶ୍ରଦ୍ଧା ପାଣିଗ୍ରାହୀ, ଜାଣନ୍ତୁ କଣ କରନ୍ତି ତାଙ୍କ ଜୀବନ ସାଥୀ
Sradha Panigrahi: ବହୁ କଳ୍ପନାଜଳ୍ପନାର ଅନ୍ତ ଘଟାଇ ଶେଷରେ ହାତକୁ ଦି ହାତ ହୋଇଛନ୍ତି ଆପଣଙ୍କ ପ୍ରିୟ ଅଭିନେତ୍ରୀ ଶ୍ରଦ୍ଧା ପାଣିଗ୍ରାହୀ । କିଛି ଘଣ୍ଟା ପୂର୍ବରୁ ବିବାହ ସରିଥିବା ବେଳେ ଇନଷ୍ଟାଗ୍ରାମରେ ଫଟୋ ସେୟାର କରିଛନ୍ତି ଅଭିନେତ୍ରୀ ଶ୍ରଦ୍ଧା ପାଣିଗ୍ରାହୀ । ଫଟୋ ସେୟାର କରି ଅଭିନେତ୍ରୀ ଲେଖିଛନ୍ତି ଯେ, ସମ୍ପୂର୍ଣା ମୁଁ ତୁମ ପ୍ରେମରେ …ଦେଖୁଛି କାଲି କୁ ଆଜି ତୁମ ଆଖିରେ...ଥିଲି ଖୁସି, ଏବେ ହସୁଛି ମୁଁ ସତରେ। ଆଉ ଏହି ପୋଷ୍ଟରେ ସର୍ବ ପ୍ରଥମେ ଅଭିନନ୍ଦନ ଜଣାଇଛନ୍ତି ଓଲିଉଡ ଅଭିନେତ୍ରୀ ଅର୍ଚ୍ଚିତା ।
ବିବାହ ବନ୍ଧନରେ ବାନ୍ଧି ହୋଇଛନ୍ତି ଆପଣଙ୍କ ପ୍ରିୟ ସିରିଏଲ ଅଭିନେତ୍ରୀ ଶ୍ରଦ୍ଧା ପାଣିଗ୍ରାହୀ । ଏନେଇ କିଛି ଘଣ୍ଟା ପୂର୍ବରୁ ନିଜ ଜୀବନସାଥୀଙ୍କ ସହ ସୁନ୍ଦର ଫଟୋ ସେୟାର କରିଛନ୍ତି ଅଭିନେତ୍ରୀ ଶ୍ରଦ୍ଧା ।
ହେଲେ ଏହା ପୂର୍ବରୁ ସେ ସେୟାର କରିଥିବା ବା ତାଙ୍କୁ ଟ୍ୟାଗ କରାଯାଇଥିବା ଫଟୋ ଗୁଡିକ ପୂରୁଣା ଅର୍ଥାତ୍ ଜାନୁଆରୀ ୨୨ ରୁ ଫେବୃଆରୀ ୫ ମଧ୍ୟରେ କରାଯାଇଛି । ତେବେ ବିବାହ ଆଜି ହୋଇଛି ନା କେବେ ତା ସ୍ପଷ୍ଟ ଜଣାପଡ଼ିନି।
ପିଙ୍କ କଲ୍ ର ଶାଢୀ ରେ ଖୁବ ସୁନ୍ଦର ଦିଶୁଛନ୍ତି ଶ୍ରଦ୍ଧା । ଅଭିନେତ୍ରୀ ଶ୍ରଦ୍ଧା ସନ୍ଦିପ ପଣ୍ଡାଙ୍କୁ ବିବାହ କରିଛନ୍ତି । ସନ୍ଦିପ ମଧ୍ୟ ଅଫ ହ୍ୱାଇଟ କୁର୍ତ୍ତା ସହ ପିଙ୍କ କଲର ଟ୍ରାଉଜରରେ ନଜର ଆସିଛନ୍ତି ।
ଏଠାରେ କହି ରଖୁଛୁ ଯେ, ସନ୍ଦିପ ପଣ୍ଡା ଜଣେ ଗାୟକ । ଅନେକ ଓଡ଼ିଆ ଗୀତରେ ସେ କଣ୍ଠଦାନ କରିଛନ୍ତି । ପ୍ରଥମେ ପ୍ରେମ ଓ ଏବେ ବିବାହ କରିଛନ୍ତି ଅଭିନେତ୍ରୀ ଶ୍ରଦ୍ଧା ଓ ଗାୟକ ସନ୍ଦିପ ।
ଏହି ବିବାହରେ କେବଳ ପରିବାର ବର୍ଗ ଓ କିଛି ପାଖ ବନ୍ଧୁ ଯୋଗ ଦେଇଥିବା କୁହାଯାଉଛି ।