Samantha Ruth Prabhu: ‘ସିଟାଡେଲ ଇଣ୍ଡିଆ’ରେ ଅଭିନୟ ଲାଗି ଏତିକି କୋଟି ଟଙ୍କା ଚାର୍ଜ କଲେ ସାମନ୍ଥା, ଶୁଣିଲେ ଉଡ଼ିଯିବ ହୋସ!
Samantha Ruth Prabhu: ଡ଼ିମାଣ୍ତରେ ସାଉଥର ଲୋକପ୍ରିୟ ଅଭିନେତ୍ରୀ ସାମନ୍ଥା ପ୍ରଭୁ । ଏହି ଅଭିନେତ୍ରୀ ଗୋଟିଏ ପରେ ଗୋଟିଏ ପ୍ରୋଜେକ୍ଟ ସାଇନ୍ କରୁଥିବା ବେଳେ ଏବେ ସେ ତାଙ୍କର ଫି ବୃଦ୍ଧି କରିଛନ୍ତି, ଯାହା ଶୁଣି ଆଗ ଧାଡ଼ିର ଅଭିନେତ୍ରୀ ମାନଙ୍କ ହୋସ ଉଡ଼ିଯାଇଛି ।
ଦକ୍ଷିଣ ଭାରତୀୟ ସିନେମାରେ ବେଶ ଚର୍ଚ୍ଚିତ ସାମନ୍ଥା ପ୍ରଭୁ । ୧୩ ବର୍ଷ ଧରି ସାଉଥ ଇଣ୍ଡଷ୍ଟ୍ରିରେ କାମ କରିଆସୁଥିବା ଏହି ଅଭିନେତ୍ରୀ ବର୍ତ୍ତମାନ ବଲିଉଡ଼ ଓ ଓଟିଟି (OTT) ପ୍ଲାଟଫର୍ମରେ ବେଶ ଲୋକପ୍ରିୟତା ହାସଲ କରିଛନ୍ତି।
ରିପୋର୍ଟ ଅନୁଯାୟୀ, ଏବେ ସାମନ୍ଥା ଭାରତୀୟ ଚଳଚ୍ଚିତ୍ର ଜଗତର ଜଣେ ଚାହିଦାପୂର୍ଣ୍ଣ ଅଭିନେତ୍ରୀ ଅଟନ୍ତି। ଇତି ମଧ୍ୟରେ ସେ ନିଜର ଫିସ୍ ମଧ୍ୟ ବଢାଇଥିବା ସୂଚନା ମିଳିଛି।
ସାମନ୍ଥା ବର୍ତ୍ତମାନ ଓଟିଟି ପ୍ଲାଟଫର୍ମର ସବୁଠାରୁ ଦାମୀ ଅଭିନେତ୍ରୀ ଅଟନ୍ତି। ତାଙ୍କର ଆଗାମୀ ୱେବ୍ ସିରିଜ ‘ସିଟାଡେଲ ଇଣ୍ଡିଆ’ ପାଇଁ ସେ ୧୦ କୋଟି ଟଙ୍କା ଡିମାଣ୍ତ କରିଛନ୍ତି।
ସାମନ୍ଥା ମନୋଜ ବାଜପେୟୀଙ୍କ ସହ ଓଟିଟି (OTT) ପ୍ଲାଟଫର୍ମରେ ପାଦ ଥାପିଥିଲେ। ‘ଦି ଫ୍ୟାମିଲି ମ୍ୟାନ’- ୨ରେ ଶ୍ରୀଲଙ୍କାର ତାମିଲ ଲିବରେସନି ଫାଇଟର୍ ରଜ୍ଜିର ଭୂମିକା ନଜର ଆସିଥିବା ସାମନ୍ଥାଙ୍କ ଅଭିନୟ ଦର୍ଶକଙ୍କ ମନ ଜିତିଥିଲା ।
ବର୍ତ୍ତମାନ ସେ ସର୍ବିଆଠାରେ ‘ସିଟାଡେଲ ଇଣ୍ଡିଆ’ର ସୁଟିଂରେ ବ୍ୟସ୍ତ ଅଛନ୍ତି। ଏହାସହ ସାମନ୍ଥା ‘ଖୁସି’ ନାମକ ଏକ ଫିଲ୍ମରେ ମଧ୍ଯ କାମ କରୁଛନ୍ତି। ଏଥିରେ ସେ ସାଉଥ ସୁପରଷ୍ଟାର ବିଜୟ ଦେବରକୋଣ୍ଡାଙ୍କ ସହ ନଜର ଆସିବେ।