ଚା’ ପ୍ରେମୀଙ୍କ ପାଇଁ ଖରାପ ଖବର! ଜାଣନ୍ତୁ କାହିଁକି ସନ୍ଧ୍ୟାରେ ପିଇବା ଉଚିତ୍ ନୁହେଁ ଚା`
ଚା’କୁ ନେଇ ଅନେକ ଦ୍ୱନ୍ଦ୍ୱ ରହିଛି, ଯେପରି ଚିନି କିମ୍ବା କ୍ଷୀର ବିନା ଚା’ ପିଇବା ଉଚିତ୍ କି ନୁହେଁ । କିନ୍ତୁ ସ୍ୱାସ୍ଥ୍ୟ ବିଶେଷଜ୍ଞମାନେ ସନ୍ଧ୍ୟାରେ କ୍ଷୀର ଚା` ପିଉଥିବା ଲୋକଙ୍କୁ ସତର୍କ କରାଇଛନ୍ତି ।
ଭାରତର ଅଧିକାଂଶ ଲୋକ ଚା' ପିଇବାକୁ ବହୁତ ପସନ୍ଦ କରନ୍ତି । ସକାଳ ହେଉ କିମ୍ବା ସନ୍ଧ୍ୟା, ଲୋକମାନେ ଚା' ପିଇବାକୁ କେବେବି ଭୁଲନ୍ତି ନାହିଁ । ୬୪ ପ୍ରତିଶତ ଭାରତୀୟ ଚା' ପିଇବାକୁ ପସନ୍ଦ କରନ୍ତି । ତେବେ ଏହି ଲୋକମାନଙ୍କ ମଧ୍ୟରୁ ୩୦% ସନ୍ଧ୍ୟା ସମୟରେ ଚା' ପିଇବାକୁ ଅଧିକ ପସନ୍ଦ କରନ୍ତି ।
ଆପଣଙ୍କୁ କହିରଖୁଛୁ ଯେ ସନ୍ଧ୍ୟା ସମୟରେ କ୍ଷୀର ଚା' ପିଇବା ଆପଣଙ୍କ ସ୍ୱାସ୍ଥ୍ୟ ଉପରେ ପ୍ରଭାବ ପକାଇପାରେ । ସ୍ୱାସ୍ଥ୍ୟ ବିଶେଷଜ୍ଞଙ୍କ ମତରେ ସନ୍ଧ୍ୟା ସମୟରେ ଚା’ ପିଇବା ସ୍ୱାସ୍ଥ୍ୟ ଉପରେ ଖରାପ ପ୍ରଭାବ ପକାଇଥାଏ ।
ସ୍ୱାସ୍ଥ୍ୟ ବିଶେଷଜ୍ଞଙ୍କ ଅନୁଯାୟୀ, ଭଲ ନିଦ ପାଇଁ ଶୋଇବା ପୂର୍ବରୁ ୧୦ ଘଣ୍ଟା ପୂର୍ବରୁ ଯଦି କଫିନ୍ ନିଆଯାଏ ତେବେ ଏହା ଭଲ । କିନ୍ତୁ ଯେଉଁମାନଙ୍କର ନିଦ୍ରାହୀନତା ରୋଗ ଥାଏ କିମ୍ବା ଷ୍ଟ୍ରେସ୍ ଥାଏ, ସେମାନେ ସନ୍ଧ୍ୟା ସମୟରେ ଚା' ପିଇବା ଉଚିତ୍ ନୁହେଁ ।
ଏହା ବ୍ୟତୀତ, ଯେଉଁମାନେ ଓଜନ ବଢ଼ାଇବାକୁ ଚାହାଁନ୍ତି, ଗ୍ୟାସ୍ ସମସ୍ୟାରେ ପୀଡିତ ରୋଗୀ, ଅଟୋମ୍ୟୁମ୍ୟୁନ ରୋଗର ସମ୍ମୁଖୀନ ହେଉଥିବା ବ୍ୟକ୍ତି ତଥା ସୁସ୍ଥ ଚର୍ମ, କେଶ ଓ ଅନ୍ତନଳୀ ସ୍ୱାସ୍ଥ୍ୟ ବିଷୟରେ ଚିନ୍ତା କରୁଥିବା ବ୍ୟକ୍ତିମାନେ ମଧ୍ୟ ସନ୍ଧ୍ୟା ସମୟରେ ଚା' ପିଇବା ଉଚିତ୍ ନୁହେଁ ।
ସ୍ୱାସ୍ଥ୍ୟ ବିଶେଷଜ୍ଞମାନେ କହିଛନ୍ତି ଯେ ଲୋକମାନେ ସନ୍ଧ୍ୟାରେ କ୍ଷୀର ଚା' ପିଇବା ପରିବର୍ତ୍ତେ ବାଦାମ ଖାଇପାରିବେ । କିନ୍ତୁ ଯଦି ଆପଣ ଚା'କୁ ଅଧିକ ପସନ୍ଦ କରନ୍ତି, ତେବେ ଦିନକୁ କେବଳ ଗୋଟିଏ କପ୍ ଚା' ପିଅନ୍ତୁ ।