Champions Trophy 2025: ପାକିସ୍ତାନକୁ ଆଉ ଏକ ବଡ଼ ଝଟକା! ହରାଇବ ଚାମ୍ପିଅନ୍ସ ଟ୍ରଫି ୨୦୨୫ ହୋଷ୍ଟିଂ କରିବାର ଅଧିକାର

ପାକିସ୍ତାନରେ ଆୟୋଜିତ ହେବାକୁ ଥିବା ଏସିଆ କପ୍ ଉପରେ ସଙ୍କଟର କଳା ବାଦଲ ଆସିବା ପରେ ଏବେ ଆଉ ଏକ ବଡ ଝଟକା PCB ରେ ଲାଗିବାକୁ ଯାଉଛି । ଗଣମାଧ୍ୟମ ରିପୋର୍ଟ ଅନୁଯାୟୀ, ୨୦୨୫ ରେ ଆୟୋଜିତ ହେବାକୁ ଥିବା ଚାମ୍ପିଅନ୍ସ ଟ୍ରଫିର ଆୟୋଜନ ଅଧିକାର ପାକିସ୍ତାନରୁ ଛଡ଼ାଇ ନିଆଯାଇପାରେ ।

ଚଳିତ ବର୍ଷ ପାକିସ୍ତାନରେ ଆୟୋଜିତ ହେବାକୁ ଥିବା ଏସିଆ କପ୍ ଆୟୋଜନକୁ ନେଇ ଉତ୍ତେଜନା ଏହାର କାରଣ ବୋଲି ବିଶ୍ୱାସ କରାଯାଉଛି । ଏହି ବିବାଦ ପରେ ବର୍ତ୍ତମାନ ଆଇସିସି ଚାମ୍ପିଅନ୍ସ ଟ୍ରଫିକୁ ପାକିସ୍ତାନରୁ ୱେଷ୍ଟଇଣ୍ଡିଜ୍-ଆମେରିକାକୁ ସ୍ଥାନାନ୍ତର କରିବାକୁ ଯୋଜନା କରିଛି ।

ହୋଷ୍ଟିଂ ଛଡ଼ାଇନେବା କାରଣରୁ ପାକିସ୍ତାନ କ୍ରିକେଟ୍ ବୋର୍ଡରେ ଯାହା କିଛି କ୍ଷତି ହେବ, ଆଇସିସି ଏହାର କ୍ଷତିପୂରଣ ଦେବ । ଯଦିଓ ଏହା ଘଟେ, PCB ଟଙ୍କା ପାଇବ, କିନ୍ତୁ ଏହା ବୋର୍ଡ ସମସ୍ତଙ୍କ ପାଖେ ହଟହଟା ହେବା ନିଶ୍ଚିତ ।

କହିରଖୁଛୁ ଯେ କେବଳ ଚାମ୍ପିଅନ୍ସ ଟ୍ରଫି ୨୦୨୫ ନୁହେଁ, ଟି-୨୦ ବିଶ୍ୱକପ ୨୦୨୪ ର ସ୍ଥାନ ମଧ୍ୟ ପରିବର୍ତ୍ତନ ହୋଇପାରେ । ୱେଷ୍ଟଇଣ୍ଡିଜ୍-ଆମେରିକାରେ ଟି-୨୦ ବିଶ୍ୱକପ୍ ୨୦୨୪ ଅନୁଷ୍ଠିତ ହେବାର ଥିଲା କିନ୍ତୁ ବର୍ତ୍ତମାନ ଏହା ସ୍କଟଲ୍ୟାଣ୍ଡ ଓ ଆୟର୍ଲାଣ୍ଡରେ ଅନୁଷ୍ଠିତ ହୋଇପାରେ ।

ବର୍ତ୍ତମାନ ଏସିଆ କପ୍ ଉପରେ ସମସ୍ତଙ୍କ ନଜର ରହିଛି, ଯେଉଁଥିପାଇଁ ପାକିସ୍ତାନର ହୋଷ୍ଟିଂ ଚାଲିଯିବା ନିଶ୍ଚିତ । ବିସିସିଆଇ ଟିମ୍ ଇଣ୍ଡିଆକୁ ପାକିସ୍ତାନ ପଠାଇବାକୁ ପ୍ରସ୍ତୁତ ନୁହେଁ ଓ ଅନ୍ୟ ଏସୀୟ କ୍ରିକେଟ୍ ବୋର୍ଡ ପାକିସ୍ତାନର ହାଇବ୍ରିଡ୍ ମଡେଲକୁ ପ୍ରତ୍ୟାଖ୍ୟାନ କରିଛି ।