VK Pandian: ବଢ଼ୁଛି ଭି.କେ ପାଣ୍ଡିଆନଙ୍କ ଲୋକପ୍ରିୟତା, ପାଣ୍ଡିଆନଙ୍କ ରୋଡ୍ ସୋ’ରେ ହଜାର ହଜାର ଲୋକ ସାମିଲ
ଶୁକ୍ରବାର ସନ୍ଧ୍ୟାରେ କଳାହାଣ୍ଡି ଜିଲ୍ଲା ଭବାନୀପାଟଣା(Bhabanipatana)ରେ ରୋଡ୍ ସୋ’ କରିଛନ୍ତି ବିଜେଡି(BJD)ର ଷ୍ଟାର୍ ପ୍ରଚାରକ ଭି.
ଶୁକ୍ରବାର ସନ୍ଧ୍ୟାରେ କଳାହାଣ୍ଡି ଜିଲ୍ଲା ଭବାନୀପାଟଣା(Bhabanipatana)ରେ ରୋଡ୍ ସୋ’ କରିଛନ୍ତି ବିଜେଡି(BJD)ର ଷ୍ଟାର୍ ପ୍ରଚାରକ ଭି. କାର୍ତ୍ତିକେୟନ୍ ପାଣ୍ଡିଆନଙ୍କ। ଏଥିରେ ହଜାର ହଜାର ଲୋକ ସାମିଲ ହୋଇ ବିଜେଡିକୁ ସମର୍ଥନ ଜଣାଇଛନ୍ତି।
ପାଣ୍ଡିଆନ ହେଲିକପ୍ଟରରେ ଆସି ଭବାନୀପାଟଣା ସହରର ପୁଲିସ ରିଜର୍ଭ ପଡ଼ିଆରେ ଅବତରଣ କରିଥିଲେ। ସେଠାରେ ଦଳୀୟ ପଦାଧିକାରୀମାନେ ତାଙ୍କୁ ସ୍ୱାଗତ ଜଣାଇଥିଲେ। ପରେ କଲେଜ ଛକଠାରୁ ରୋଡ୍ ସୋ’ ଆରମ୍ଭ କରିଥିଲେ।
ଆସନ୍ତା ୧୩ ତାରିଖରେ ମୁଖ୍ୟମନ୍ତ୍ରୀଙ୍କୁ ଆଶୀର୍ବାଦ କରନ୍ତୁ ବୋଲି ଅନୁରୋଧ କରିଥିଲେ ପାଣ୍ଡିଆନ।
ରୋଡ୍ ସୋ’ରେ ଜଗନ୍ନାଥ ମନ୍ଦିରକୁ ଯାଇ ଦିଅଁଙ୍କ ଦର୍ଶନ କରିଥିଲେ। ଘୋଡ଼ାଘାଟ ଛକ, ଜେଲ୍ ଛକ ଓ ନକଟିଗୁଡ଼ା ଛକରେ ଗାଡ଼ି ଉପରେ ପାଣ୍ଡିଆନ୍ ଭୋଟ୍ ଭିକ୍ଷା କରିଥିଲେ।
ବାଣ, ରୋଷଣି ଓ ଫୁଲ ଦ୍ୱାରା ବିଭିନ୍ନ ସ୍ଥାନରେ ସ୍ୱାଗତ କରିବା ସହ ପାଣ୍ଡିଆନଙ୍କୁ ବିଭିନ୍ନ ସ୍ଥାନରେ ଲୋକେ ଦାବିପତ୍ର ମଧ୍ୟ ପ୍ରଦାନ କରିଥିବା ଦେଖିବାକୁ ମିଳିଥିଲା।
ବିଜେଡି(BJD)ର କର୍ମୀମାନେ ଶଙ୍ଖ ଚିହ୍ନ ଓ ନବୀନ ପଟ୍ଟନାୟକଙ୍କ ପ୍ଲାକାର୍ଡ ଧରି ସ୍ଲୋଗାନ ଦେଇଥିଲେ।