ଯୁଦ୍ଧ କ୍ଷେତ୍ରରେ ଘେରି ରହିବା ମଧ୍ୟ ଦୁନିଆର ହୃଦୟ ଜିତୁଛନ୍ତି ଜେଲେନସ୍କି, ଜାଣନ୍ତୁ ତାଙ୍କ ବିଷୟରେ କିଛି ଖାସ୍ କଥା

କୀଭ: Russia-Ukraine War, President Volodymyr Zelenskyy: ଋଷ (Russia) ୟୁକ୍ରେନ (Ukraine) ଉପରେ ଆକ୍ରମଣ ପରେ ରାଷ୍ଟ୍ରପତି ଭୋଲୋଦିମିର ଜେଲେନସ୍କି  (Ukraine President Volodymyr Zelenskyy) ପ୍ରବଳ ଚାପର ସମ୍ମୁଖୀନ ହେଉଛନ୍ତି । ଭୋଲୋଦିମିର ଜେଲେନସ୍କି ଏକଦା ୟୁକ୍ରେନ ଟେଲିଭିଜନର ଜଣେ ସୁପରହିଟ୍ ହାସ୍ୟ ଅଭିନେତା (Comedian) ଥିଲେ, କିନ୍ତୁ ବର୍ତ୍ତମାନ ଆମେରିକା (US) ର ଚାପରେ ଦେଶକୁ ଯୁଦ୍ଧ ନିଆଁରେ ଠେଲି ଦେଇଥିବାର ଅଭିଯୋଗ ଲାଗୁଛି । ତେବେ ଯୁଦ୍ଧ ବନ୍ଦ କରିବା ପାଇଁ ସେ କିଛି କରିବାକୁ ପ୍ରସ୍ତୁତ ବୋଲି ଜେଲେନସ୍କି ଦାବି କରିଛନ୍ତି ।

ଋଷର ସେନା (Russian Army) ଆକ୍ରମଣ ଆରମ୍ଭ ହେବାର କିଛି ସମୟ ପରେ ୟୁକ୍ରେନ ରାଷ୍ଟ୍ରପତି (Ukraine President) ଏକ ବୟାନ ଜାରି କରି କହିଛନ୍ତି ଯେ, ଭ୍ଲାଦିମିର ପୁଟିନ (Vladimir Putin) ତାଙ୍କ ଫୋନ୍ ଉଠାଉ ନାହାଁନ୍ତି । ସେ ଆହୁରି ମଧ୍ୟ କହିଛନ୍ତି ଯେ ସେ ଗତ କିଛି ଦିନ ହେବ ପୁଟିନଙ୍କ ସହ କଥା ହେବାକୁ ଚାହୁଁଛନ୍ତି, କିନ୍ତୁ ଋଷ ତରଫରୁ କୌଣସି ପ୍ରତିକ୍ରିୟା ମିଳି ନାହିଁ । 

ଜେଲେନସ୍କି (Volodymyr Zelenskyy) ୨୦୧୯ରେ ୟୁକ୍ରେନର ରାଷ୍ଟ୍ରପତି ହୋଇଥିଲେ । ତାଙ୍କ କାର୍ଯ୍ୟକାଳ ମଧ୍ୟରେ ୟୁକ୍ରେନ (Ukraine) ର ସମ୍ବିଧାନରେ ସଂଶୋଧନ କରି ଦେଶକୁ ନାଟୋ (NATO) ଓ ୟୁରୋପୀୟ ୟୁନିଅନ (European Union) ର ସଦସ୍ୟ କରିବାର ନୀତି ଘୋଷଣା କରାଯାଇଥିଲା ।

ଭୋଲୋଦିମିର ଜେଲେନସ୍କି (Volodymyr Zelenskyy) ହେଉଛନ୍ତି ଜଣେ ପ୍ରସିଦ୍ଧ କମେଡିଆନ । ନିଜର ହାସ୍ୟ ଅଭିନୟ ଯୋଗୁଁ ଲୋକଙ୍କ ମଧ୍ୟରେ ପ୍ରସିଦ୍ଧି ଲାଭ କରିଥିଲେ । ପରେ ଏହି ଲୋକପ୍ରିୟତା ଦମରେ ରାଷ୍ଟ୍ରପତି ହୋଇଛନ୍ତି । ବର୍ତ୍ତମାନ ତାଙ୍କ ବୟସ ୪୪ ବର୍ଷ ବୟସ ହେବ । ସେ ରାଷ୍ଟ୍ରପତି ହେବା ପର୍ଯ୍ୟନ୍ତ ତାଙ୍କ ପୂର୍ବ ରାଷ୍ଟ୍ରମୁଖ୍ୟଙ୍କ ତୁଳନାରେ ଜେଲେନସ୍କିଙ୍କର କୌଣସି ରାଜନୈତିକ ଅଭିଜ୍ଞତା ନଥିଲା । ତାଙ୍କ କାର୍ଯ୍ୟକାଳ ଆରମ୍ଭରୁ ୟୁକ୍ରେନ (Ukraine) ଓ ଋଷ (Russia) ମଧ୍ୟରେ ତିକ୍ତତା ଜାରି ରହିଛି ।

ଏହା ସତ୍ତ୍ୱେ ଭୋଲୋଦିମିର ଜେଲେନସ୍କି (Volodymyr Zelenskyy) ଋଷ (Russia) ର ଚାପକୁ ଖାତିର ନକରି, ନିଜ ଦେଶ ପାଇଁ ନାଟୋ (NATO) ର ପୂର୍ଣ୍ଣ ସଦସ୍ୟତା ପାଇବାକୁ କଠିନ ପରିଶ୍ରମ କରିଛନ୍ତି । ଏହି କାରଣରୁ ଋଷର ରାଷ୍ଟ୍ରପତି ଭ୍ଲାଦିମିର ପୁଟିନ (Russian President Vladimir Putin) ୟୁକ୍ରେନର ରାଷ୍ଟ୍ରପତିଙ୍କୁ ଆଦୌ ପସନ୍ଦ କରନ୍ତି ନାହିଁ । ୧୯୯୦ ଚୁକ୍ତିନାମାକୁ ଉଲ୍ଲଂଘନ କରି ୟୁକ୍ରେନ ନିଜକୁ ସୈନ୍ୟକରଣ କରିବାକୁ ନିଷ୍ପତ୍ତି ନେଇଛି ବୋଲି ଋଷ ଅଭିଯୋଗ କରିଛି । ୟୁକ୍ରେନର ଏହି ପଦକ୍ଷେପ ଋଷ ପାଇଁ ସିଧାସଳଖ ବିପଦ ବୋଲି ପୁଟିନ କହିଛନ୍ତି ।

ଭୋଲୋଦିମିର ଜେଲେନସ୍କି (Volodymyr Zelenskyy) ୨୫ ଜାନୁଆରୀ ୧୯୭୮ରେ ତତ୍କାଳୀନ ସୋଭିଏତ ସଂଘର କ୍ରୀଭି ରିହରେ ଜନ୍ମଗ୍ରହଣ କରିଥିଲେ । ଏହି ସହର ବର୍ତ୍ତମାନ ୟୁକ୍ରେନର ଏକ ଅଂଶ । ଜେଲେନସ୍କିଙ୍କ ପିତାମାତା ଯିହୁଦୀ ଥିଲେ । ପିଲାଦିନେ ଜେଲେନସ୍କିଙ୍କ ପରିବାର ମୋଙ୍ଗୋଲିଆର ଏର୍ଡେନେଟରେ ରହିବାକୁ ଯାଇଥିଲେ । ଏହି କାରଣରୁ ଭୋଲୋଦିମିର ଜେଲେନସ୍କିଙ୍କ ପ୍ରାଥମିକ ଶିକ୍ଷା ମୋଙ୍ଗୋଲିଆରେ ହୋଇଥିଲା । ଏହା ସତ୍ତ୍ୱେ ସେ ୟୁକ୍ରେନ ଓ ଋଷ ଭାଷାରେ ପାରଙ୍ଗମ ଥିଲେ । 

ବଡ଼ ହୋଇ ସେ ୟୁକ୍ରେନକୁ ଫେରି ୧୯୯୫ରେ କୀଭ ନ୍ୟାସନାଲ ଇକୋନୋମିକ୍ ୟୁନିଭର୍ସିଟିରୁ ଆଇନ ଡିଗ୍ରୀ ହାସଲ କରିଥିଲେ । ଏହା ସତ୍ତ୍ୱେ ଜେଲେନସ୍କି (Volodymyr Zelenskyy) କମେଡି କ୍ଷେତ୍ରରେ ନିଜର କ୍ୟାରିଅର୍ କରିଥିଲେ । ତାଙ୍କ ଅଧ୍ୟୟନ ସମୟରେ ଜେଲେନସ୍କି ଥିଏଟର ପ୍ରତି ବହୁତ ଆକର୍ଷିତ ହୋଇଥିଲେ । ସେ ୧୯୯୭ରେ ପର୍ଫାମିଂସ ଗ୍ରୁପ୍, କ୍ୱାର୍ଟଲ୍ 95, KVN ଫିଲ୍ମରେ ନଜରକୁ ଆସିଥିଲେ ।

୨୦୦୩ରେ ସେ (Volodymyr Zelenskyy) ନିଜ କମେଡି ଦଳ କ୍ୱାର୍ଟଲ୍ 95ର ନାମ ସହିତ ଏକ ସଫଳ ଟିଭି ପ୍ରୋଡକଶନ କମ୍ପାନୀ ପ୍ରତିଷ୍ଠା କରିଥିଲେ । ଏହି କମ୍ପାନୀ ୟୁକ୍ରେନର 1 + 1 ନେଟୱାର୍କ ପାଇଁ ଶୋ' ପ୍ରସ୍ତୁତ କରିଛି । ଏହି ଶୋ’କୁ ବିବାଦୀୟ ବିଲିୟନେୟାର ମାଲିକ ଇହୋର କୋଲୋମୋଇସ୍କି ଆର୍ଥିକ ସହାୟତା ଦେଇଥିଲେ । 

ଦାବି କରାଯାଇଥାଏ ଯେ ଭୋଲୋଦିମିର ଜେଲେନସ୍କିଙ୍କ ରାଷ୍ଟ୍ରପତି ନିର୍ବାଚନର ସମସ୍ତ ଖର୍ଚ୍ଚ ମଧ୍ୟ ଇହୋର କୋଲୋମୋଇସ୍କି (Ihor Kolomoisky) ବହନ କରିଛନ୍ତି । ୨୦୧୦ ସୁଦ୍ଧା ଭୋଲୋଦିମିର ଜେଲେନସ୍କି ୟୁକ୍ରେନ ଟେଲିଭିଜନ ଇତିହାସର ସବୁଠାରୁ ସଫଳ ଅଭିନେତାମାନଙ୍କ ମଧ୍ୟରେ ସ୍ଥାନ ପାଇବାକୁ ଲାଗିଲେ । ସେ ଅନେକ ସୁପରହିଟ୍ ଟିଭି ଶୋ ଓ ଚଳଚ୍ଚିତ୍ରରେ ଅଭିନୟ କରିଥିଲେ, ବିଶେଷତଃ ଲଭ୍ ଇନ୍ ବିଗ୍ ସିଟି (୨୦୦୯)  ଓ ରିଜେଭସ୍କି ଭର୍ସେଜ ନାପୋଲିଅନ୍ (୨୦୧୨) ।

୨୦୧୪ରେ ନା କେବଳ ଜେଲେନସ୍କି (Volodymyr Zelenskyy) ୟୁକ୍ରେନ ପାଇଁ ଗୁରୁତ୍ୱପୂର୍ଣ୍ଣ ପ୍ରମାଣିତ ହୋଇଥିଲା, ବରଂ ସେହିବର୍ଷ ୟୁକ୍ରେନବାସୀ ବିଦ୍ରୋହ କରି ଋଷର ସମର୍ଥକ ରାଷ୍ଟ୍ରପତି ଭିକ୍ଟର ୟାନୁକୋଭିଚ (Viktor Yanukovich) ଙ୍କୁ ବହିଷ୍କାର କରିଥିଲେ । ଏହାର ଜବାବରେ ଋଷ ୟୁକ୍ରେନ ଉପରେ ଆକ୍ରମଣ କରି କ୍ରିମିଆକୁ ଅକ୍ତିଆର କରିଥିଲା । କେବଳ ଏତିକି ନୁହେଁ, ସେହି ଦିନଠାରୁ ଋଷ ମଧ୍ୟ ୟୁକ୍ରେନର ଡୋନବାସ ଅଞ୍ଚଳରେ ବିଦ୍ରୋହୀମାନଙ୍କୁ ଅସ୍ତ୍ରଶସ୍ତ୍ର ଓ ଅର୍ଥ ସାହାଯ୍ୟ କରିବା ଆରମ୍ଭ କରିଥିଲା । 

ଏହାର ଗୋଟିଏ ବର୍ଷ ପରେ ପଲିଟିକାଲ ସଟାୟର ସର୍ଭେଟ ଅଫ୍ ଦଲ ପିପଲ ଭୋଲୋଦିମିର ଜେଲେନସ୍କି (Volodymyr Zelenskyy) ଙ୍କ ନାମକୁ ଆହୁରି ଅଧିକ ପ୍ରସିଦ୍ଧ କରିଦେଇଥିଲା । ଏହି ସଟାୟରରେ ଜେଲେନସ୍କି ଭାସିଲି ଗୋଲୋବୋରୋଡକୋ ନାମକ ଜଣେ ବ୍ୟକ୍ତିଙ୍କ ଚରିତ୍ରରେ ଅଭିନୟ କରିଥିଲେ । ଏହି ଶୋ’ରେ ସେ ରାଷ୍ଟ୍ରପତିଙ୍କ ଚରିତ୍ରରେ ଅଭିନୟ କରିଥିଲେ, ଯାହାକୁ ଉଚ୍ଚ ପ୍ରଶଂସା କରାଯାଇଥିଲା ।

ଏହା ବି ପଢ଼ନ୍ତୁ:-ୟୁକ୍ରେନର ଏହି ସାହସୀ ମହିଳା, ଯିଏ ଏକାକୀ ନିଜ ଦମରେ ଦେଉଥିଲେ ଋଷକୁ ଟକ୍କର; ଭୟରେ ଥରୁଥିଲେ ପୁଟିନ!

ଏହା ବି ପଢ଼ନ୍ତୁ:-ଋଷ-ୟୁକ୍ରେନ ଯୁଦ୍ଧ ଯୋଗୁଁ ଦୁନିଆକୁ ଭୋଗିବାକୁ ପଡ଼ିବ ଏସବୁ ସମସ୍ୟା

ଏହା ବି ପଢ଼ନ୍ତୁ:-ନିଜ ଖାଦ୍ୟରେ ସାମିଲ କରନ୍ତୁ ଏହି ୫ଟି ମସଲା, ଶରୀରର ମଜଭୁତ ହେବା ସହ ବଢ଼ିବ ଯୌନ ଶକ୍ତି

ଏହା ବି ପଢ଼ନ୍ତୁ:-କିସମିସ ଓ ମହୁର ଆଶ୍ଚର୍ଯ୍ୟଜନକ ଲାଭ: ପୁରୁଷଙ୍କ ଯୌନ ସ୍ୱାସ୍ଥ୍ୟ ପାଇଁ ହୋଇଥାଏ ବହୁତ ଲାଭଦାୟକ, ଏହି ସମୟରେ କରନ୍ତୁ

ରାଷ୍ଟ୍ରପତି ଭାବରେ ରିଲ୍ ଜୀବନରେ ବହୁ ସମୟ ବିତାଇବା ପରେ ଜେଲେନସ୍କି (Volodymyr Zelenskyy) ୨୦୧୯ରେ ଏକ ରାଜନୈତିକ ପଦକ୍ଷେପ ନେବାକୁ ନିଷ୍ପତ୍ତି ନେଇଥିଲେ । ରାଷ୍ଟ୍ରପତି ନିର୍ବାଚନରେ ​​ତତ୍କାଳୀନ ରାଷ୍ଟ୍ରପତି ପେଟ୍ରୋ ପୋରୋଶେଙ୍କୋ (Petro Poroshenko) ଙ୍କୁ ଜେଲେନସ୍କି ଚ୍ୟାଲେଞ୍ଜ କରିଥିଲେ । ସେହିବର୍ଷ ଅନୁଷ୍ଠିତ ରାଷ୍ଟ୍ରପତି ନିର୍ବାଚନରେ ​​ସେ ପେଟ୍ରୋ ପୋରୋଶେଙ୍କୋଙ୍କୁ ୭୦ ପ୍ରତିଶତରୁ ଅଧିକ ଭୋଟରେ ପରାସ୍ତ କରି ୟୁକ୍ରେନର ରାଷ୍ଟ୍ରପତି ହୋଇଛନ୍ତି ।